Цар тахлын нөхцөл байдлын улмаас энэ жил академийн шагнал гардуулах ёслол хэд хэдэн байрлалаас зэрэг явагдаж буй. Оскарт нэр дэвшигчид хилийн чанадад Лондон, Парис хотуудаас шууд холбогдож байгаа бол Лос Анжелос хотын хоёр театрт суудлаа эзэлжээ.
Category: энтертаймент-ертөнц
Өмнөд Солонгосын 73 настай жүжигчин Юн Ё Жон “Оскар”-ын “Шилдэг эмэгтэй туслах дүр”-ийн эзнээр тодорлоо.
Юн Ё Жон “Минари” кинонд АНУ-д цагаачилсан охиныхоо гэрбүлийг дэмжихээр БНСУ-аас ирсэн эмээгийн дүрийг бүтээсэн аж.
Тэрээр Оскар авсандаа ихэд гайхсан ч үг хэлэхдээ нэрийг нь хэрхэн зөв хэлэхийг америкчуудад заагаад “Өрсөлдөгч нартаа хэлэхэд өнөөдөр би та нараас илүү азтай байлаа. Энэ кинонд би сайн тоглосон гэхээсээ илүү магадгүй америкчууд та нар солонгос зочиддоо найрсаг хандсан, эелдэг зангаараа надад шагнал өгчихсөн юм биш биз” гэж хошигносон юм.
Юн 1975 онд дуучин Жо Ён Намтай гэрлээд замналынхаа ид үед киногоо орхиж байсан. Мөн АНУ-д цагаачилж байв. Харин нөхрөөсөө салаад 1984 онд БНСУ-д эргэн ирж, кинонд дахин тоглож эхэлсэн юм.
Реппер Rokit Bay эхнэр С.Анугийн хамт “Хязгааргүй” нэртэй шинэхэн уран бүтээлээ гаргажээ.
Энэхүү дуугаа тэд хүүхдүүддээ зориулсан байна. Тэд хүүхдүүдээ хараад хараад ханашгүй, цаг үргэлж хязгааргүй их хайрыг мэдэрдэг тухайгаа дундаа өгүүлжээ.
Дууны үе аяыг Rokit Bay өөрөө бичсэн бөгөөд продюсераар Б.Наранзун ажилласан байна.
Хятадын энтертаймент компани өөрийн видео тоглоомыг татах QR кодыг 1500 дрон ашиглан Шанхай хотын тэнгэрт байршуулжээ.
Тус QR кодыг уншуулснаар BiliBili хэмээх видео тоглоомыг татаж авах юм.
93 дахь удаагийн Оскарын кино наадам 2021 оны хоёрдугаар сарын 28-нд зохион байгуулагдахаар товлогдоод байсан ч цар тахлын улмаас хойшлогдсоор дөрөвдүгээр сарын 25-нд болохоор болсон билээ.
Жил бүрийн энэ үед, дэлхийн өнцөг булан бүрт кино сонирхогчид Академийн шагнал гардуулах ёслолд анхаарлаа хандуулдаг. Кино урлагт хэн хамгийн өндөр шагнал хүртэхийг мэдэхийн тулд хүлээлт үүсгэдэг билээ. Энэ жилийн Оскарын шагнал гардуулах ёслол “Лос Анжелес дахь Юнион Стейшн ба Холливуд & Хайланд төвийн Долби театр”-т болохоор болжээ. Мөн “ABC” сувгаар шууд дамжуулахаар болсон байна.
Юуны түрүүнд бусад шагнал гардуулах ёслолуудыг бодвол Америкийн кино академи нэр дэвшигчидтэй Zoom-р холбогдох саналаас эрс татгалзсан байна. Ялагчид шагналаа зөвхөн өөрийн биеэр эсвэл Академи тэдний нэрийн өмнөөс хүртэх болно. Арга хэмжээ хэд, хэдэн байршилд зохиогдох нь тодорхой болсон. Тэдгээрийн нэг нь уламжлал ёсоор Лос-Анжелес хотын “Долби” театрт, харин хоёр дахь нь Лос-Анжелес хотын төв галт тэрэгний буудалд “Юнион Стеишин”-нд (Union Station) өрнөх бөгөөд тодруулбал энд зочдыг хүлээж авах юм.
Цагийн хуваарь эсвэл бусад хүндрэлүүдээс шалтгаалан арга хэмжээнд өөрийн биеэр хүрэлцэн ирж чадахгүй хүмүүст хандаад ёслолын үеэр Zoom-р холбогдох боломжгүй гэдгийг сануулжээ.
Нэр дэвшигчидтэй хийх ярилцлага
Нэр дэвшигчдээс урьдчилан ярилцлага авч, тэднийг амьдралынхаа энэхүү чухал мөчид ирэхэд яг юу нөлөөлснийг асуух юм. Дараа нь тэдний түүхийг шагнал гардуулах ёслолын үеэр түгээх болно.
Дресс код
Зохион байгуулагчид өдөр тутмын хувцаснаас татгалзаж, ёслолын төрх бүрдүүлэхийг хүрэлцэн ирэх хүмүүсээс хүссэн байна. Өөрөөр хэлбэл ямар ч бэлтгэлийн хувцас өмсөж болохгүй гэсэн үг.
Аюулгүй байдал
Ёслолын бүх байршлуудад коронавирусын үеэр зураг авалтын талбайд мөрдөгдөж байсан бүхий л дүрэм журам хэрэгжинэ. Энэ жил зөвхөн нэр дэвшигчид болон тэдний зочид, мөн Оскарын шагналтнууд л ёслолд өөрсдийн биеэр оролцох эрхтэй.
Энэ жилийн наадамд “Шилдэг найруулагч” төрөлд анх удаа хоёр эмэгтэй найруулагч, хоёр Ази гаралтай найруулагч нэр дэвшээд байгаа бөгөөд хамгийн олон жүжигчид нэр дэвшсэн жил болж байна. Харин Дэвид Финчерийн найруулсан ‘Mank” кино хамгийн олон буюу нийт 10 төрөлд нэр дэвшсэн ба “Minari”, “Promising Young Woman”, “Nomadland”, “Sound of Metal”, “Judas and the Black Messiah”, “The Father” кинонууд наадмын гол өрсөлдөгчдөөр нэрлэгдлээ.
“93 дахь Оскарт дараах төрлөөр нэр дэвшинэ”
Шилдэг кино:
-“Nomadland” (2020) Хлоя Жао;
-“The Father” ( 2020) Флориан Зеллер;
-“Mank ” (2020) Дэвид Финчер;
-“Judas and the Black Messiah” (2021) Шаки Кинга;
-“Minari” (2020) Ли Айзек Чун;
-“Promising Young Woman” (2020) Эмиральд Феннел;
-“Sound of Metal” (2019) Дариус Мардер;
-“The Trial of the Chicago 7” (2020) Аарон Соркин.
Шилдэг кино найруулагч:
-Хлоя Жао;
-Эмиральд Феннел;
-Томас Винтенберг
-Дэвид Финчер;
-Ли Айзек Чун.
Шилдэг эрэгтэй жүжүгчин:
-Энтони Хопкинс (“The Father”);
-Чедвик Боузман (“Ma Rainey’s Black Bottom”, 2020);
-Риз Ахмед (“Sound of Metal”);
-Гари Олдман (“Mank”);
-Стивен Ян (“Minari”).
Шилдэг эмэгтэй жүжигчин:
-Кэри Маллиган (“Promising Young Woman”);
-Ванесса Кирби (“Pieces of a Woman”, 2020);
-Фрэнсис Макдорманд (“Nomadland”);
-Андра Дэй (“The United States vs. Billie Holiday”, 2021);
-Виола Дэвис (“Ma Rainey’s Black Bottom”).
Шилдэг эрэгтэй тусдах дүр:
-Саша Барон Коэн (“The Trial of the Chicago 7”);
-Лесли Одом – (“One Night in Miami”);
-Дэниэл Калуя (“Judas and the Black Messiah”);
-Лакит Стэнфилд (“Judas and the Black Messiah”);
-Пол Ражи (“Sound of metal”).
Шилдэг эмэгтэй туслах дүр:
-Оливия Колман (“The Father”);
-Гленн Клоуз “Hillbilly Elegy”, (2020);
-Мария Бакалова (“Borat 2”);
-Аманда Сайфред (“Mank”);
-Юн Ё Жон (“Minari”).
Шилдэг кино зохиол (эх зохиол):
-“Минари”;
-“Judas and the Black Messiah”
-“Promising Young Woman”;
-“Sound of Metal”;
-“The Trial of the Chicago 7”.
Шилдэг кино зохиол (сэдэвчилсэн):
-“The Father”;
-“Nomadland”;
-“The White Tiger”, (2020);
-“One Night in Miami”, (2020);
-“Borat Subsequent Moviefilm”, (2020).
Шилдэг анимэишин:
-‘Wolfwalkers’
-‘Soul’
-‘A Shaun the Sheep Movie: Farmageddon’
-‘Over the Moon’
-‘Onward’
Шилдэг гадаад кино:
-‘Another Round’
-‘Better Days’
-‘Collective’
-‘The Man Who Sold His Skin’
-‘Quo Vadis, Aida?’
Шилдэг костюм:
-‘Emma’
-‘Mank’
-‘Ma Rainey’s Black Bottom’
-‘Mulan’
-‘Pinocchio’
Шилдэг хөгжмийн зохиол:
–‘Da 5 Bloods’
-‘Mank’
-‘Soul’
-‘Minari’
-‘News of the World’
Шилдэг баримтат кино:
-‘Collective’
-‘Crip Camp’
-‘The Mole Agent’
-‘My Octopus Teacher’
-‘Time’
Шилдэг дүрсний эффект:
-‘Love and Monsters’
-‘The Midnight Sky’
-‘Mulan’
-‘The One and Only Ivan’
-‘Tenet’
Шилдэг нүүр хувиргалт ба үс засалт:
–‘Emma’
-‘Hillbilly Elegy’
-‘Ma Rainey’s Black Bottom’
-‘Mank’
-‘Pinocchio’
“Шилдэг кино” төрөлд нэр дэвшигчид
Дэлхийд анхны нээлтээ 2020 оны нэгдүгээр сарын 27-нд Сандэнс кино наадамд хийсэн бөгөөд Их Британид 2021 оны 6-р сарын 11-нд Lionsgate-ээр гаргах юм. Энэ киног шүүмжлэгчид өндрөөр үнэлж, Хопкинс, Колман нарын тоглолтыг өндрөөр үнэлжээ. Энэхүү кино нь 93 дахь удаагийн Оскарын шагнал гардуулах ёслолд “Шилдэг кино, Шилдэг эрэгтэй жүжигчин (Хопкинс), Шилдэг туслах эмэгтэй дүр (Колман)” зэрэг зургаан номинацид нэр дэвшжээ. 78 дахь удаагийн “Алтан Бөмбөрцөг”-ийн шагнал гардуулах ёслолын үеэр тус кино “Шилдэг Кино-Драма” зэрэг дөрвөн номинацид, Британийн Академийн 74 дэх удаагийн кино наадамд зургаан номинацид “шилдэг дасан зохицсон зохиол”, “Хопкинсийн шилдэг эрэгтэй дүр”-ийн шагнал хүртжээ. Үүнээс гадна Хопкинс, Колман нар 27 дахь удаагийн дэлгэцийн жүжигчдийн холбооны шагнал гардуулах ёслолоос “Шилдэг эрэгтэй гол дүр, Шилдэг туслах дүрийн эмэгтэй” номинацид нэр дэвшжээ.
2021 оны хоёрдугаар сарын нэгний өдөр 2021 оны Сандэнс кино наадамд нээлтээ хийсэн бөгөөд хоёрдугаар сарын 12-нд “Warner Bros Phots” киногоор АНУ-д кино театруудаар нэгэн зэрэг, HBO Max сувгаар дижитал хэлбэрээр гарсан. Шүүмжлэгчид уг киног магтан сайшааж, Кингийн найруулга, тоглолтууд (ялангуяа Калууяа, Стэнфилдын жүжиг), цаг үеэ олсон сэдвийг магтан сайшааж байв. Энэхүү кино нь 93 дахь удаагийн Оскарын шагнал гардуулах ёслолоос зургаан номинацид нэр дэвшсэн бөгөөд үүнд “Шилдэг кино” багтсан бөгөөд Стэнфилд, Калууяа нар “шилдэг туслах дүр”-ийн шагналд нэр дэвшжээ. Калууяа уран бүтээлийнхээ хажуугаар “Алтан бөмбөрцөг, Шүүмжлэгчдийн сонголт, Шилдэг жүжигчдийн холбооны шагнал, BAFTA шагнал” гардуулах ёслолын “шилдэг туслах дүр”-ийн шагнал хүртжээ.
Манк бол зохиолч Херман Ж.Манкевич болон түүний Иргэн Кейн (1941) киноны зохиолыг боловсруулж буй тухай өгүүлэх 2020 оны Америкийн намтарчилсан драмын кино юм. Манк 2020 оны 11-р сарын 13-нд театрын хязгаарлагдмал хувилбараар гарсан бөгөөд 12-р сарын 4-нд Netflix сувгаар цацагдаж эхэлсэн. Финчерийн найруулга, жүжиглэлт (ялангуяа Олдман, Сейфрид), зураг авалт, үйлдвэрлэлийн үнэ цэнэ зэргийг үнэлсэн. Шүүмжлэгчдээс эерэг үнэлгээ авсан. Энэхүү кино нь 93 дахь удаагийн Оскарын шагнал гардуулах ёслолын шилдэг арван номинацид нэр дэвшсэн бөгөөд үүнд “Шилдэг кино, Олдманы шилдэг эрэгтэй гол дүр, Сейфридын туслах дүрийн эмэгтэй дүрүүд” багтсан бөгөөд 78 дахь удаагийн “Алтан бөмбөрцөг” шагналд шилдэг зургаан кино номинацид нэр дэвшиж, “шилдэг кино, драмын жүжиг” зэрэг шагнал авжээ.
Минари нь Ли Исаак Чунгийн бичиж найруулсан 2020 оны Америкийн драмын кино юм. Минари дэлхийд нээлтээ 2020 оны нэгдүгээр сарын 26-нд болсон “Сандэнс” кино наадамд хийсэн бөгөөд АНУ-ын Драмын жүжгийн шагнал, АНУ-ын Драмын үзэгчдийн шагналыг тус тус хүртсэн. Энэ нь 2020 оны 12-р сарын 11-ний өдрөөс эхлэн нэг долоо хоногийн виртуал хувилбарыг эхлүүлсэн бөгөөд 2021 оны хоёрдугаар сарын 12-нд “A24” сувгаар театар болон виртуал кино театруудаар гарчээ. Энэхүү кино нь шүүмжлэгчдээс өндөр үнэлгээ авч, олон хүн үүнийг 2020 оны шилдэг киноны нэг хэмээн тунхаглаж байна. 93 дахь удаагийн Оскарын шагнал гардуулах ёслолд “шилдэг номинаци, шилдэг найруулагч, шилдэг эх дүр, шилдэг эрэгтэй дүр (Yeun), шилдэг туслах дүр” зэрэг зургаан номинацид нэр дэвшжээ. Мөн “Алтан бөмбөрцөг” шагналыг гадаад хэл дээрх шилдэг киногоор хүртэж, кино жүжигчдийн дүрийг онц сайн гүйцэтгэсэн дэлгэцийн жүжигчдийн холбооны шагналд нэр дэвшиж, 74 дэх удаагийн Британийн академийн кино шагнал гардуулах ёслолоос зургаан номинаци хүртсэн.
Хлое Жаогийн бичиж найруулсан 2020 оны Америкийн драм кино юм. Энэ киног Жессика Брудерийн 2017 онд зохиосон “Нүүдэл: Хорин нэгдүгээр зууны амьд үлдсэн Америк” номноос сэдэвлэн бүтээжээ. Nomadland киноны нээлт 2020 оны 9-р сарын 11-нд “Венецийн кино наадамд Алтан арслан” хүртсэн. Мөн “Торонтогийн олон улсын кино наадмаас Ардын сонголт” гэсэн шагналыг хүртсэн. Энэ нь 2020 оны 12-р сарын 4-нд нэг долоо хоногийн цацалтын хязгаарлагдмал хувилбартай байсан бөгөөд Searchlight Pictures-ээс 2021 оны 1-р сарын 29-ний өдөр АНУ-ын сонгогдсон IMAX театруудад гарсан бөгөөд кинотеатруудад нэгэн зэрэг гарч, 2-р сарын 19-нд Hulu дээр дижитал цацалт хийжээ. Кино шүүмжлэгчдийн талархлыг хүлээж, найруулагч, зохиол, найруулга, зураг авалт, жүжиглэлт, МакДормандын үзүүлбэрүүдийг магтан сайшаажээ. Энэ бол Metacritic дээр гарсан киноны хамгийн өндөр үнэлгээ авсан гурав дахь кино байсан. Оны шилдэг киноны нэг гэж хамгийн олон удаа эрэмбэлэгдсэн кино болжээ. Мөн 93 дахь удаагийн Оскарын шагнал гардуулах ёслолд “Шилдэг кино, Шилдэг найруулагч, Мак Дормандын шилдэг эмэгтэй дүр” зэрэг зургаан номинацид нэр дэвшжээ. Мөн 78 дахь удаагийн “Алтан бөмбөрцөг шагнал” гардуулах ёслолын үеэр дөрвөн номинацийг хүлээн авч, “Шилдэг Кино Драмын ба Шилдэг найруулагчийн” шагнал хүртсэн. 2021 оны BAFTA шагнал гардуулах ёслолоос “хамгийн сайн кино”-г хүртсэн байна.
Кэри Муллиган хүчингийн золиос болсон хамгийн сайн найзынхаа өшөөг авахаар эрэлхийлж буй эмэгтэйн дүрд тоглосон. 2020 оны инээдмийн киноны триллер кино юм. 2020 оны нэгдүгээр сарын 25-нд “Сандэнс” кино наадамд дэлхийд анхны нээлтээ хийж байсан бөгөөд 2020 оны 12-р сарын 25-нд АНУ-д театрын дэлгэцнээ гарсан. Киноны зохиол, найруулга, Муллиганы гүйцэтгэлийг магтан сайшааж эерэг үнэлгээ авсан. Энэхүү кино 93 дахь удаагийн Оскарын шагнал гардуулах ёслолд Муллиганы “шилдэг кино, шилдэг найруулагч, шилдэг эмэгтэй дүр” зэрэг таван номинацид нэр дэвшжээ. Үндэсний хянан шалгах зөвлөлөөс 2020 оны шилдэг арван киноны нэгээр нэрлэсэн бөгөөд Муллиган Шилдэг эмэгтэй дүрийн шагнал хүртэж, 78 дахь удаагийн Алтан бөмбөрцөг шагнал гардуулах ёслолоос дөрвөн номинаци, 74 дэх удаагийн Британийн Академийн кино наадмаас зургаан номинаци хүртэж, Британийн шилдэг киногоор шалгарчээ.
Sound of Metal нь 2019 оны 9-р сарын 6-нд “2019 оны Торонтогийн олон улсын кино наадмын Платформын” шагналын хөтөлбөрт дэлхийд анхны нээлтээ хийжээ. “Амазон” Студиуд киногоо 2020 оны 11-р сарын 20-нд, 2020 оны 12-р сарын 4-ний өдөр “Prime Video” дээр гаргажээ. Кино шүүмжлэгчдээс өндөр үнэлгээ авч, 52 кино шүүмжлэгчдийн 2020 оны шилдэг арван жагсаалтад багтсан бөгөөд Шилдэг кино зэрэг зургаан Оскарын шагналд нэр дэвшиж, Шилдэг монтаж, Шилдэг дууны төрөлд дөрвөн БАФТА шагнал хүртлээ. Түүнчлэн Ахмед, Рачи нарын тоглолтуудад нэр дэвшиж, бусад олон шагналуудыг хүртсэн байна.
“Ма Рейнигийн хар ёроол” бол найруулагч Жорж С.Вулфийн найруулсан, Рубен Сантьяго Хадсоны бичсэн, Август Вилсоны ижил нэртэй жүжгийн зохиолоос сэдэвлэсэн 2020 оны Америкийн драмын намтар юм. Гол дүрүүдэд Виола Дэвис, Чадвик Босеман нар тоглосон.
Categories
Реппер Mrs M гэж хэн бэ?
Урлагт өөрийн гэсэн өнгө төрхөөрөө ялгарч буй нэгэн бол реппер Mrs M буюу А.Тамир юм. Түүнийг жүжигчин СТА О.Энхтуулын охин гэдгээр андахгүй биз ээ.
ТҮҮНИЙ УРЛАГИЙН ГАРАА
14 насандаа гэр бүлээрээ Герман руу нүүж очсоноор найзуудаасаа холдож, гэртээ ихэнх цагийг өнгөрөөдөг байсан тул төрөл бүрийн хөгжмийн зэвсэгээр хичээллэж өөрийгөө дуулах авъяастай гэдгийг мэдэж авсан гэдэг.
Хамгийн анх “Gandan view” лаунжид цомгийн нээлтээ хийх үеэр Mrs M гэдэг артистаар тайзан дээр гарч байжээ.
Mrs М өөрийн дуугаараа хүмүүст дуртай зүйлээ хийж, хаана ч явсан жаргалтай бай гэх мессеж өгөхийг хүсдэг
Тэрээр тайзныхаа нэрийг Mrs A, Mrs O, Mrs P гэх мэтээр олон янзаар нэрлэж байсан ч өөрт нэг л таалагдаагүй учир Монгол, Music гэх М үсэг түүнийг тодорхойлж, түүнийг илэрхийлж байсан учир нэрээ Mrs М болгосон.
Ямар ч уран бүтээлчийн туурвиж буй дуу, шүлэг бүхэн өөр өөрийн өнгө аястай байдаг. Тэгвэл Mrs М өөрийн дуугаараа хүмүүст дуртай зүйлээ хийж, хаана ч байсан жаргалтай бай гэдэг санааг илэрхийлэхийг хүсдэг гэнэ.
Тэр 2016 онд “Gentelmen” нэртэй цомгоо 13 дуутайгаар гаргаж байсан
Монголдоо цөөн эмэгтэй репперүүдийг өнгөлж яваа дуучин бүсгүй дууныхаа үг, аяыг өөрөө зохиодог байна. Ээжийнхээ залуу насны гоо үзэсгэлэнг өвлөн төрсөн тэрээр стиль имиж, дуулалтаараа хэнээс ч дутахгүй нэгэн юм. 2014 онд хамтлагаасаа гарч ганцаарчилсан байдлаар уран бүтээлээ эхлүүлэхээр шийджээ. Мөн “Slap Label”-н “Sing Like a Pro” төсөлд оролцож продюсер, реппер Lil Thug E-тэй хамтран “Цор ганц” нэртэй дуугаа гаргаснаар олонд танигдаж эхэлсэн байна.
Тэрээр 2016 онд “Gentelmen” нэртэй цомгоо 13 дуутайгаар гаргаж байв. Анхныхаа цомгоос хойш завсарлага авсан ч 2018 оны арванхоёрдугаар сарын 20-нд “Гоё Тэ” дуугаа цацжээ. Тэр ганцхан монголоор дуулдаггүй. 2018 оны арваннэгдүгээр сараас эхлэн Хонконгийн “В2 Talent Asia LLC”-тэй гэрээ байгуулснаар олон улсын хөгжмийн тавцанд гарах эхлэл болжээ. 2019 оны тавдугаар сард “Tasty” нэртэй дуугаа олны хүртээл болгосон бөгөөд тухайн үедээ дэлхийн алдартай цахим сэтгүүлүүд түүний тухай онцолж байлаа.
Эрч хүч, урам зоригоо Erycah Badu, Brooke Candy, Juicy J гэх уран бүтээлчдээс авдаг ба тэд мөн адил дууныхаа үг аяыг бичиж туурвидаг артистууд байдаг нь сонирхолтой.
Түүний бусдаас ялгарах онцлог нь нүдний шил. Нүдний шилгүйгээр Mrs М-ийг төсөөлөх аргагүй
Мөн үеэл реппер Гинжин буюу Г.Гарьдтай хамтран “Бороо”, “Биеэ даа”, “Сувгаа соль” гэх мэт хэд хэдэн уран бүтээл гаргасан нь залуусын дунд жинхэнэ гал асааж байсан юм. “Сувгаа соль” дууны утга нь таагүй байдлаа ардаа хаяж, сувгаа солин өдрийг хагжилтэй өнгөрүүлээрэй гэсэн санааг илэрхийлжээ.
ИНГЭЭД ТҮҮНИЙ ДУУ БОЛОН ЗУРГУУДААС ХҮРГЭЖ БАЙНА
Хаврын улиралд арьс амархан гундаж, хуурайшиж байдаг. Гоо сайхан, спад орох боломжгүй үед гэртээ хэрхэн арьсаа арчлах талаар “Crystal skin” брэндийн менежер Б.Номиндарьтай ярилцлаа.
-Юуны өмнө та өөрийгөө танилцуулаач. Гоо сайхны салбарт ажиллаад хэр удаж байгаа вэ?
-Намайг Батмөнхийн Номиндарь гэдэг. Одоо “Crystal skin” гоо сайхны брэндийн менежерээр ажилладаг. Анх зургаан жилийн өмнө энэ байгууллагад орж ажлынхаа гарааг эхлүүлж байлаа.
-Манай улс эрс тэс уур амьсгалтай шүү дээ. Тэгвэл улирал нь тохируулж арьсаа арчлах шаардлагатай юу?
-Азийн чийг өндөр орнуудыг бодвол манай улс жилийн дөрвөн улиралтай хуурай, ширүүн уур амьсгалтай. Тиймээс Монгол бүсгүйчүүдийн 70 хувь нь арьсны чийгшлээ алдсан, хуурайшилт ихтэй байдаг. Эрс тэс уур амьсгалтай ийм нөхцөлд зайлшгүй улиралд нь тохируулж арьсаа арчлах ёстой. Жишээлбэл, Зун ямар ч төрлийн арьсанд тослог их багаар ялгарч байдаг бол өвөл, хавар нь их хуурайшна.
-Хаврын улиралд арьсаа хэрхэн арчлах талаар зөвлөгөө өгөөч?
-Хавар бол биднээс хамгийн их арчилгаа шаардсан. Тоос, шороо арьсан дээр бууж арьсыг бохирдуулж, амьсгалах боломжийг хааж байдаг. Иймээс арьсандаа маш сайн цэвэрлэгээг хийж тэжээл, чийгшлийг өгөх хэрэгтэй. Гэрийн нөхцөлд зориулалтын массажны тос ашиглаж массаж хийгээд, бигнүүр тавина. Үүнийхээ дараа маск тавьж тогтмол хэрэглэх хэрэгтэй. Бүсгүйчүүд маань нэг алдаа гаргаад байдаг. Энэ нь нүүрээ тогтмол хөөсөөр угааж цэвэрлэдэг явдал. Хөөсөнд будаг болон зузаан үүссэн бохирдлыг задлах чадвар байдаггүй. Тэхээр дан ганц хөөсөөр цэвэрлэх нь дутагдалтай гэсэн үг. Мөн ямар ч төрлийн хөөс арьсыг тодорхой хэмжээнд хуурайшуулж байдаг. Иймээс хаврын улиралд хөөсийг хэрэглээнээсээ түр хасах хэрэгтэй.
-Ихэнх бүсгүйчүүд маань гэрийн нөхцөлд арьсаа төдийлөн анхаарахгүй байгаа харагддаг?
-Бүсгүйчүүд маань нүүрээ будаагүй, гэрээс гарахгүй байгаа юм чинь гээд нүүрээ цэвэрлэхгүй, бүтээгдэхүүн түрхэхгүй орхичихдог. Энэ нь маш буруу. Учир нь бидний нүдэнд харагдахгүй маш олон төрлийн тоосонцор агаарт байж байдаг. Тэр тоосонцрууд нь цэвэрлээгүй, хамгаалаагүй арьсан дээр буудаг. Ингээд арьсан дээр бохирдол хуримтлагдаад нүхжилт, батгашилт, хуурайшилт үүсэх үндэс болж байдаг. Иймээс гэрийн нөхцөлд тогтмол арьсаа цэвэрлэж чийгшүүлж байх хэрэгтэй.
ГЭРИЙН НӨХЦӨЛД АРЬСАА ХЭРХЭН АРЧЛАХ ТАЛААР ТҮҮНИЙ ЗӨВЛӨГӨӨГ ХҮРГЭЖ БАЙНА
Эхлээд будгаа арилгах
Хэзээ: Өдөр бүр
Жич: Будгаа арилгах нь нүүрээ цэвэрлэхээс огт өөр гэдгийг анхаараарай. Учир нь ихэнх нь бүсгүйчүүдийг энэ алхамыг хийгээд л нүүр цэвэрхэн болчихно гэж андуурдаг.
Үүнд нүүрний онцлогоос хамаарч хоёр төрлийн бүтээгдэхүүн хэрэглэнэ. Хэрвээ энгийн, холимог, тослог арьстай бол зориулалтын нойтон салфетка хэрэглэнэ. Зориулалтын салфетка нь өргөст хэмхтэй, ногоон цайтай, сарнайтай, эмийн ургамалтай гэх мэт олон төрөл бий. Хоёроос гурван ширхэг салфеткаар арчихад будаг ерөнхийдөө арчигддаг. Харин хуурай болон эмзэг арьстай бол цэвэрлэгч тосоор нүүрээ арчаарай. Нийтдээ гурван минут орчим нүүрэндээ иллэг хийж арчиж авахад хангалттай гэж үздэг.
Цэвэрлэг
Хэзээ: Өдөр бүр
Өмнөхтэй ижил мөн хоёр төрлийн бүтээгдэхүүн ашиглана. Энгийн, холимог, тослог арьстай бол угаагч хөөс, хуурай болон эмзэг арьстай бол массаж цэвэрлэгч хэрэглээрэй. Нүүрний хөөсөө сайтар хөөсрүүлж, 3-4 минут орчим иллэг хийнэ. Массажны тосоор цэвэрлэж байгаа бол 3-5 минут байхад болно.
Тоник
Хэзээ: Өдөр бүр
Дээрх цэвэрлэгээг дарааллаар нь хийсний дараа арьс бүрэн цэвэрхэн санагдаж болох юм. Гэхдээ тоникоор үлдэгдлийг нь арчсаны дараа санаа амрах хэрэгтэй шүү. Мөн нүүрийг хөөсөөр угаасны дараа арьсан дахь рН баланс алдагддаг тул тоникоор арчиж тэнцвэржүүлэх ёстой.
Эссэнз
Хэзээ: Өдөр бүр
Ихэнх хүмүүс тэр бүү хэл Солонгосчууд нь эссэнз болон серумыг ижилхэн зүйл гэж үздэг. Гэхдээ нэрнээс эхлээд ялгаатай зүйл бий. Товчхондоо эссэнзийг эхэлж түрхсэнээс дараа дараагийн арчилгаанд арьсаа бэлдэхэд тусалдаг. Эссэнз нь маш нимгэн түрхэгддэг, чийгшүүлэгч бүхий шингэн бөгөөд чийгшүүлэх, цайруулах, тэжээл өгөх зэрэг олон төрөл бий. Нүүрэндээ түрхсэний дараа хурууны өндөгөөр зөөлөн товшиж шингээх хэрэгтэй.
Серум
Хэзээ: Өдөр бүр
Эссэнзээс бага зэрэг хүчтэй нөлөө бүхий арчилгааны бүтээгдэхүүн. Арьс чангаруулах, хөгшрөлтөөс сэргийлэх, чийгшүүлэх зэрэг олон төрөлтэй. Түрхсэний дараа хурууны өндөгөөр зөөлөн товшиж шингээнэ.
Зовхины тос
Хэзээ: Өдөр бүр
Эссэнз, серумтай харьцуулахад нүдний тосны ач тусыг хүн бүр сайн мэддэг. Нүдний доод тал болон зовхины арьс маш нимгэн тул зөөлөн товшиж түрхэх хэрэгтэй. Зовхи хэсгийн арьс бол хамгийн нимгэн тослогын булчирхй байдаггүй учраас заавал зориулалтын тосыг тусдаа түрхэх хэрэгтэй.
Эмульс
Хэзээ: Өдөр бүр
Эмульс түрхсэний дараа тосоо түрхвэл шингэц сайжрах бөгөөд чийгшүүлэх үйлчилгээ нь хэд дахин илүү байдаг. Ихэнх эмульс ус давамгайлсан бүтэцтэй бөгөөд арьсыг тосоо шингээхэд бэлдэж өгдөг.
Тос
Хэзээ: Өдөр бүр
Арьсны тослогийн хэмжээнээс шалтгаалан нимгэн эсвэл зузаан түрхэхээ тааруулна. Өглөө бол өдрийн тос, орой бол шөнийн тосыг түрхэх хэрэгтэй.
Нэмэлт алхам буюу бусад бүтээгдэхүүнийг хэрэглэж болно. Үүнд чийгшүүлэгч цацлага, нарны тос, нүдний будаг арилгагч зэрэг орно. Чийгшүүлэгч цацлагыг нүүрний будаг дээр эсвэл бүх арчилгааг дууссаны дараа цацаж хэрэглэж болно. Харин нарны тосыг нүүрээ будахын өмнө, гадагшаа гарахаас 30 минутын өмнө түрхсэн байх ёстой
“Sony” компанийн “PlayStation 4” платформд зориулж “Sucker Punch” студийн бүтээсэн “Ghost of Tsushima” видео тоглоомыг уран сайхны кино болгох ажил эхэлжээ. Киног “John Wick”-ийн найруулагч Чад Стахелски бүтээхээр болсон байна.
Уг тоглоом нь 1274 онд монголчуудын Япон руу хийсэн довтолгооны үеийг харуулах бөгөөд Жин Сакай нэртэй самурай бусад самурай нарын хамтаар Японы Цушима арлыг монголчуудын довтолгооноос хамгаалж байгаагаар дүрсэлдэг ажээ.
Тоглоом өөрөө Акира Куросавагийн самурайн сэдэвт сонгодог кинонуудаас санаа авч бүтээгдсэн тул дэлгэцийн бүтээл болгоход тохиромжтой гэж мэргэжилтнүүд үзжээ.
“Ghost of Tsushima” видео тоглоом 2020 оны долдугаар сард нээлтээ хийсэн бөгөөд эхний гурван өдрөө л 2.4 хувь зарагдаж байв. Киноны хувьд энэ нь “Sony Pictures” болон “PlayStation Productions”-ийн хамтарсан хоёр дахь уран бүтээл болж байгаа ба 2022 оны хоёрдугаар сард үзэгчдэд хүрэх төлөвтэй байна.
Кино бол маш өргөн сэдвүүдийг хамарсан мэдээлэл агуулдаг нэг төрлийн эх сурвалж билээ.
Тэгвэл Аутизмыг таниулах дөрөвдүгээр сарыг тохиолдуулан уг эмгэгийн талаар илүү их мэдэж, аутизмтай хүний ойлгох дэлгэцийн бүтээлүүдийг танилцуулж байна.
Юуны өмнө Аутизмын Хүрээний Эмгэг /АХЭ/ гэж юу вэ? гэдэг ойлголтыг өгөх нь зүйтэй байх.
Энэ нь “Хүний бусадтай харилцах, нийгмийн харилцаанд орох, мэдээллийг хүлээн авч ойлгох чадварт нөлөөлдөг насан туршийн өргөн хүрээний эмгэг” юм.
Аутизмын шалтгааныг одоо хүртэл шинжлэх ухаан олж нээгээгүй бөгөөд тархины үйл ажиллагааны тодорхой нэг саатлын улмаас үүдэлтэй гэдэг дээр судалгаа хийсээр байна. Тархины үйл ажиллагаатай холбоотой тархины хөгжилд нөлөөлдөг биологийн шалтгаантай учраас аутизмтай хүн насан туршдаа аутизмтай хэвээр байна.
АХЭ-ийн дотор “сонгодог аутизм”, “өндөр чадвартай аутизм” “аспергерийн хам шинж” гэх зэргийн хэд хэдэн төрлийн эмгэг багтдаг. Аутизм нь өргөн хүрээний эмгэг тул аутизмтай хүн бүр өөр өөр.
Аль ч төрлийн аутизмтай хүнд дараах гурван бэрхшээл байдаг.
Үүнд:
1. Хэл яриа ба харилцааны бэрхшээл
Бусад хүнтэй үр бүтээлтэй харьцах чадваргүй буюу сул
- Аутизмтай хүний 30 хувь нь хэл яриа огт ашигладаггүй
- Тэдний 30 хувь нь хүнтэй харилцахын тулд биш, хэрэгцээгээ хангахын тулд харьцдаг.
- Хэл яриа сайн ч буруу хэрэглэдэг (харилцан ярианд буруу оролцох, санаагаа зөв илэрхийлэхгүй, дууны хэмжээгээ тохируулахгүй гэх мэт)
- Харилцааны бусад аргыг ойлгодоггүй буюу ашигладаггүй ( дохио зангаа, дууны өнгө, биеийн хөдөлгөөн, нүүрний хувирал…)
- Харилцан яриаг эхлүүлэх, үргэлжлүүлэн ярих чадваргүй
- Тодорхойгүй сэдвээр ганцаараа удаан ярих.
- Хүний хэлснийг давтаж цуурай мэт ярих.
2. Нийгмийн харилцааны бэрхшээл
Бусад хүнтэй хэрхэн яаж биеэ зохистой авч явж, харьцахаа сайн ойлгодоггүй
- Зан үйлийг буруу хэрэглэдэг
- Хүмүүсийг сонирхдоггүй
- Хүмүүстэй харилцаа тогтоож хадгалах чадваргүй
- Баяр хөөр,сонирхол зэргээ хуваалцах чадваргүй
- Хариу үйлдэл үзүүлэх чадваргүй
- Хүмүүс хоорондын харилцааны утга учрыг сайн ойлгодоггүй
- Нэрээр нь дуудахад хариу үйлдэл үзүүлдэггүй
3. Туйлширмал ба баригдмал сэтгэлгээний бэрхшээл
Мэдээллийг хүлээж авч боловсруулж ойлгохдоо муу, сонирхол, өдөр тутмын хийдэг зүйлс, ирээдүйн боломж, дүрэм зэргийг уян хатан ойлгож хүлээж авах чадварын дутагдал.
- Нэг үйлдэлээ байнга датдаг, нэг хэвийн байдлыг шаарддаг
- Шинэ орчин өөрчлөлтийг хүлээн авч дасан зохицохдоо удаан буюу дургүй
- Тодорхой орчинд эзэмшсэн чадвараа өөр орчинд хэрэглэхдээ муу
- Орчны зарим өдөөгчид хэт мэдрэмтгий байх
- Бүхнийг шууд утгаар хүлээж авдаг
- Ач холбогдолгүй нарийн жижиг зүйлд хэт анхаарах
- Төсөөлөн бодох, хийсвэрлэн сэтгэхдээ сул
- Хөдөлж, эргэлдэж байгаа зүйлийг хэт дурлаж харах
- Нэг тоглоомонд хэт автах, юмсыг өрж жагсаах зэргээр үйлдэл ажиглагдана.
Энэхүү ойлголтыг 1943 онд Австри-Германы эмч Лео Каннер дүрсэлж тодорхойлсон ба одоо аутизмын үндсэн гол шинжүүд бүхий аутизмыг сонгодог аутизм буюу “Каннерын аутизм” гэж нэрлэдэг.
ИНГЭЭД ТА БҮХЭНД АУТИЗМТАЙ ХОЛБООТОЙ ДАРААХ КИНОГ ТАНИЛЦУУЛЖ БАЙНА
“Rain man” 1988
- Уг кино нь Оскарын шилдэг кино, шилдэг кино зохиол, шилдэг кино найруулагч төрлүүдэд ялалт байгуулж киноны гол дүр болох Рэймонд Бэббитын дүрийг бүтээсэн жүжигчин Дастин Хоффман шилдэг эрэгтэй жүжигчний шагнал хүртэж байжээ. Тэрбээр аутизмын хүрээний эмгэгтэй хүний дүрийг маш бодитой бүтээсэнд тооцогддог аж. Учир нь Хоффман болон кино зохиолч Бэрри Морроу нар аутизмтай эрдэмтэн Ким Пиктэй хамтдаа өдрийг өнгөрүүлж түүний үйлдлээс нь санаа авч дүрээ илүү үнэмшилтэй болгож байжээ.
“What’s Eating Gilbert Grape” 1993
- Киноны агуулгад гол дүр болох Гилберт Грейп өөрийн өсвөр насны аутизмтай дүү Арнигийн асран хамгаалагч болж байгаа талаар өгүүлдэг. Том ах нь дүүгээ хүрээлэн буй орчин, хөл хөдөлгөөнтэй нийгмээс хамгаалахын тулд бүхий л чадлаараа хичээдэг. Аутизмтай дүүгийн дүрд жүжигчин Леонардо Ди Каприо тоглосон бөгөөд энэхүү дүрээрээ анх удаа Оскарт нэр дэвшиж байсан. Ди Каприо дүрийнхээ бэлтгэлийн хүрээнд өсвөр насны аутизмтай хүүхдүүдийн асрамжийн газраар зочилж ажиглалт хийсэн гэдэг. Түүнчлэн тус кино нь аутизмтай хүүхэдтэй гэр бүлд ямар асуудлууд тулгарч болдгийг харуулснаараа онцлог юм.
“Temple Grandin” 2010
- Аутизмын хүрээний эмгэгтэй, хүнлэг мал аж ахуйн чиглэлээр нээлт хийсэн хөдөө аж ахуйн салбарын эрдэмтэн Тэмпл Грандины бодит түүхээс сэдэвлэн бүтээсэн байна. Эрдэмтний дүрд жүжигчин Клэр Дэйнс тоглосон бөгөөд “Emmy” наадмаас гол дүрийн эмэгтэй жүжигчний шагнал хүртэж байжээ. Энэхүү киноны тусламжтай аутизмтай эрдэмтэн Тэмпл Грандин өөрийн салбартаа өндөр амжилт гаргаж олны хүлээлтийг авахын сацуу аутизмын хүрээний эмгэгтэй хүмүүсийн эрхийг хамгаалагч талаасаа нийгэмд танигдаж чадсан юм.
“Fly away” 2011
- Тус киноны найруулагч Жанет Грилло “Autism: The Musical” нэртэй аутизмтай таван хүүхдийн талаар өгүүлдэг баримтат киног толилуулж, туршлага хуримтлуулсны дараа тус сэдвийн хүрээнд “Fly away” нэртэй киноны ажилдаа орж байжээ. Бүтээлийн агуулгад эцэг эх нь гэрлэлтээ цуцлуулснаар аутизмтай охиноо бие даан өсгөх болсон ээж болон эмгэгээс шалтгаалсан асуудлуудын талаар гардаг. Охины дүрд жүжигчин Эшли Рикардс тоглосон бол ээжийн дүрийг Бет Бродерик бүтээжээ.
“Atypical” 2017
- Энэхүү бүтээлд аутизмтай өсвөр насны хүүгийн талаар өгүүлдэг. Кино шүүмжлэгчид, үзэгчдээс дүрээ бүрэн илэрхийлж чадаагүй, жүжиглэлт тааруу байсан гэх шүүмжүүдийг багагүй сонссон ч аутизмтай хүүхдийн өсвөр насанд гардаг хүндрэлүүд, болзоо болон хайр дурлал зэрэг ховорхон сөхөгддөг асуудлуудыг хөндсөн нь “Atypical” киноны онцлог аж.
Д.ОТГОНТУЯА
Эх сурвалж: Buro.mn
Хүүхдүүд хөл хорионы энэ үед гэртээ юу хийж байгаагаа “DNN-ХҮҮХДИЙН ЕРТӨНЦ” буланд ярилаа.
-Миний дүүгийн нэрийг хэн гэдэг вэ?
-Намайг Энхтүвшингийн Анар гэдэг.
-Хэддүгээр цэцэрлэгт явдаг вэ?
–Таван настай. 215 дугаар цэцэрлэгийн ахлах бүлэгт явдаг.
-Гэртээ юу хийж байна?
-Үлгэр уншиж байгаа. Бас зураг зурж хичээлээ хийнэ. Зурагтаар хүүхэлдэйн кино үздэг. Хааяа ээждээ аяга угааж, тоглоомоо хурааж тусалдаг. Би саяхан аяга угааж сурсан.
-Анар утас оролдож байна уу?
-Утсаар тоглоом тоглож бичлэг үздэг. Гэхдээ ээж, аав нэг цаг утас оролдож байгаарай гэсэн.
-Гадагшаа гарч байгаа юу?
–Аавтайгаа хамт гарч үсээ засуулсан. Гэхдээ маскаа сайн зүүсэн. Хааяа хажуу хашааны найзуудтайгаа тоглодог.
-Маск зүүх ер нь хэцүү байна уу?
-Коронавирус тусахгүй эрүүл байх болохоор маск зүүх гоё. Тийм болохоор маскаа сайн зүүх хэрэгтэй гэж найзууддаа зөвлөмөөр байна.
-Коронавирус гэж юу юм болоо?
-Ханиад хүргэдэг вирус. Ханиад хүрэхээр эмч нар ирээд авч явдаг.
-Дархлаа гэдгийг юу гэж ойлгож байна. Чи дархлаагаа яаж дэмжиж байна?
–Дархлаа гэж коронавирусээс хамгаалдаг зүйл. Гэрээсээ гарахгүй, хаалгаа байнга онгойлгохгүй байх. Мөн витамин өдөр болгон уудаг.
-Анар хөдөө явж үзсэн үү. Ер нь хаана байх дуртай вэ?
-Аав, ээжтэйгээ хөдөө явж байсан. Гэхдээ хотдоо л байх дуртай. Яагаад гэвэл хотдоо хайртай. Хөдөө очихоор хонь ямаанаас айдаг.
-Цэцэрлэг нь орохгүй байх ямар байна вэ?
-Муухай байна. Найзуудынхаа нэрийг санадаггүй ээ. Түвшин гээд нэг л нэр санаж байна. Цэцэрлэгтээ хурдан л явмаар байна.
-Коронавирус байхгүй болчихвол хамгийн түрүүнд юу хиймээр байна?
-Цэцэрлэгтээ явна. Бас Дархан руу эмээ дээрээ очно.
23 дугаар сургуулийн 1А ангийн сурагч А.Идэржавхлантай ярилцлаа.
-Найзуудтайгаа хаашаа явах дуртай вэ?
-Гадаа дулаахан байгаа болохоор. Би одоо хоёр найзтайгаа тоглоомын талбай орох гээд явж байна. Энэ замаар дугуйгаа унаад явах гоё байдаг.
–Хичээл орохгүй гэртээ байх ямар байна?
–Сургууль дээрээ очихгүй, найзуудтайгаа уулзахгүй болохоор муухай л байна.
-Гэртээ юу хийж амардаг вэ?
-Цахим хичээлдээ сууна. Нохойтойгоо ихэнх цагийг өнгөрөөдөг. Манай нохойг Макс гэдэг таван сарын өмнө авч байсан. Нохойтойгоо байхаар утас бараг оролддоггүй.
–Цахим хичээлээ ойлгож байгаа юу. Багш нар нь хэр ойлгомжтой зааж байна?
-Сайн ойлгож байгаа. Ээж аав, ах эгчтэйгээ хийж байгаа болохоор багшаараа загнуулахгүй байгаа.
– Коронавирус гэж мэдэх үү?
-Бохир гар, агаараар хүмүүст халдварладаг вирус. Тийм болохоор шаардлагагүй тохиолдолд гэрээсээ гарахгүй гэртээ байх, гараа тогтмол угааж өөрийгөө хамгаалах хэрэгтэй.
– Тэгвэл дархлаа гэдгийг юу гэж ойлгож байна?
-Коронавирусийг эсэргүүцэгчийг хэлнэ. Дархлаа хүний биед эрүүл зөв хооллолт, дасгал хөдөлгөөн, сайн унтаж амраад байвал бий болно.
– Зуны амралтаараа хөдөө явдаг уу. Ямар байдаг вэ?
-Өвөө, эмээ маань хөдөө байдаг болохоор байнга очдог байсан. Хотоос илүү цэвэр агаартай, утаагүй болохоор хөдөө байх хамгийн дуртай. Бас хонь, ямаа, адуу байдаг. Ааруул сүү, таргийг хүссэнээрээ идэж болно. Гэхдээ хааяа чихэр идмээр санагддаг. Хот шиг олон машин байхгүй болохоор энэ тэрүүгээр чөлөөтэй тоглож болдог.
-Коронавирус байхгүй, маск зүүхгүй болохоор хамгийн түрүүнд юу хиймээр байна?
–Нохойгоо аваад хөдөө явж салхилуулна. Яагаад гэвэл “Макс” дураараа гарч чадахгүй хэцүү байгаа. Корона хурдан байхгүй болоосой. Хүмүүс битгий өвдөөсэй гэж бодож байна.
Н.ЦОГЗОЛМАА