Category: энтертаймент-ертөнц

АНУ-ын Хойд Каролина мужид амьдардаг 12 настай хүү цар тахлыг боломж гэж харан ахлах сургуулийн хичээлүүдээ шахаж үзэж, коллежийн хөтөлбөрөө дуусгаж чаджээ. Нэг жилийн хугацаанд Майк Виммер хүү ахлах сургууль болон коллежийн дөрвөн жилийн хөтөлбөрийг шахаж үзэж, нэг долоо хоногт хоёр төгсөлтийн баяр хийсэн аж. Тэрбээр тавдугаар сарын 21-ний өдөр Рован-Кабаррус коммунити коллежийг, тавдугаар сарын 28-ны өдөр Конкорд академи ахлах сургуулийг тус тус төгсчээ. Түүний коллежийн голч оноо 4.0 бол ахлах сургуулийн голч дүн нь 5.45 гэнэ.

Виммер багаасаа лтехнологид сонирхолтой байжээ. Тэрбээр 18 сартайдаа анхны “iPad”-аа авч, хэрхэн ажиллахыг нь хараад гайхаж байсан аж. Тэрбээр одоо программ зохиох, робот бүтээх зэрэг бүхий л мэдлэгийг онлайн бичлэгүүдээс олж аван өөрийн “Next Eva Innovations” цахим хуудсаа нээжээ. Мөн Виммер “Reflect Social” хэмээх олон нийтийн сүлжээг юмсын интернеттэй хослуулсан стартап компаниа байгуулжээ. Майк Виммер “CNN” агентлагт өгсөн ярилцлагадаа “Олон хүн намайг хүүхэд насаа бусад хүүхдүүд шиг өнгөрүүлж чадсангүй, алдлаа гэдэг. Гэхдээ би тэдэнд өөрийнхөөрөө амьдарч байна гэж хэлдэг” хэмээжээ. Тэр бусад хүүхдийн адилаар чөлөөт цагаараа сагсан бөмбөг тоглож, лего эвлүүлэх дуртай гэнэ.

Америкийн “Time” сэтгүүл анх удаа хамгийн нөлөө бүхий 100 компанийн жагсаалтыг гаргажээ.

Шинэ жагсаалтад урагш хөгжин дэвших чухал замыг тодорхойлоход тусалдаг компаниуд багтсан гэж редакцын зөвлөл болон шинжээчид үзэж байгаа юм.

---

Хамгийн нөлөө бүхий компаниудын жагсаалтыг “Анхдагчид”, “Лидерүүд”, “Шинийг санаачлагчид”, “Аваргууд”, “Сүйтгэгчид” гэсэн таван ангилалд хуваасан бөгөөд тус бүрт нь 16-21 компани багтсан байна.

Уг жагсаалтад олон нийтийн мэдээллийн хэрэгслийн зах зээлд байр сууриа хэдийнэ эзэлсэн “Facebook”, “Twitter” компаниуд болон сүүлийн жилүүдэд алдаршсан “TikTok”, “Zoom”, “Clubhouse” зэрэг нийгмийн сүлжээнүүд багтжээ.

Түүнчлэн Америкийн технологийн томоохон компаниуд болох “Apple”, “Google”, “Microsoft”, “Amazon”, Илон Маскийн “Тесла”, “SpaceX” компаниуд, цар тахал дэгдээд буй энэ үед коронавирусийн вакциныг бүтээж, үйлдвэрлэж буй эмийн томоохон компаниуд болох Америкийн “Moderna”, “Johnson & Johnson”, Америк-Германы “Pfizer-BioNTech” консорциум орсон байна. Тэдэнтэй хамт энэхүү жагсаалтад мөн эрчим хүч, санхүү, ложистикийн чиглэлээр үйл ажиллагаа эрхэлдэг, тоглоом, тавилга, спортын тоног төхөөрөмж үйлдвэрлэгч компаниуд багтсан аж.

“Time” сэтгүүл мөн Хятадын “Alibaba”, “Huawei”, Японы “Sony Group”, Өмнөд Солонгосын “Samsung”, Америкийн видео стриминг үйлчилгээний “Netflix”, Шведийн хөгжмийн платформ “Spotify” болон “Disney” кино студыг хамгийн нөлөө бүхий компаниудын тоонд оруулжээ.

АНУ-ын NBCU телевизээс зохион байгуулж буй Азийн соёл, урлагийг сурталчлах сарын аяны хүрээнд Азийн шилдэг кинонуудаас сонгон шалгаруулалт хийжээ. Улмаар тус телевизийн суваг болон түүний цахим платформ дээр найруулагч Ж.Жамъянсүрэнгийн “Хөхөө” уран сайхны киног олон нийтэд хүргэх хүсэлтийг Монгол Улсын Соёлын яаманд уламжилсан байна.

Тус кино нь өнгөрсөн оны 10 сард зохион байгуулагдсан “Улаанбаатар” олон улсын кино наадмын “Шилдэг кино”-гоор шалгарсан билээ. Мөн уг уран сайхны киноны ерөнхий найруулагч Ж.Жамъянсүрэн “Улаанбаатар” наадмаас “Шилдэг найруулагч”-ийн шагнал хүртсэн юм.

Бат бөх хосын харилцааны нууц буюу хайрын таван хэл гэдэг нь хайраа илэрхийлэх болон хайрыг хүлээж авах таван төрлийн арга барилыг хэлдэг.

Үүнд урмын үгс, цагийг хамт өнгөрүүлэх, бэлэг, тусламж үзүүлэх, биеэр хүрэлцэх хэлбэр ордог.

Гэр бүлийн сэтгэл зүйч Санни Мотамеди “Бид бүгд эдгээр хэлнүүдээс их бага гэлтгүй өөрсдөдөө зохицлоосон байдаг. Гагцхүү нэг нь л үүнийг урт хугацаанд хадгалж үлдэх үндэс болдог. Өөрийнхөө болон хамтрагчийнхаа арга барилыг мэдэж авснаар хосын харилцаанд хүндрэлүүд бага гарч бие биенээ илүү их ойлгоход дөхөм болно” хэмээжээ.

Хүн бүрийн хайр сэтгэлийн хэл өөр байдаг талаар Гэри Чепмен зохиолчтой “The 5 Love Languages: The Secret to Love That Lasts” буюу “Хайрын таван хэл: Хайраа урт хугацаанд хадгалах нууцаас” хэмээх гарчигтай номонд өгүүлдэг. Тэрбээр энэхүү номоо хэл зүй судлалын мэдлэг болон гэр бүлүүдэд өгч байсан зөвлөгөөний туршлагадаа суурилан бичиж байжээ. Ингээд энэхүү таван төрлийн хэлэмжийн талаар дэлгэрэнгүй танилцъя.

1. Урмын үгс

Энэ төрлийн хүмүүс магтаал, чин сэтгэлийн үгсийг маш өндрөөр үнэлдэг. Тэд хосын харилцаанд “Би чамд хайртай” гэж хэлэх ба сошиал медиагаар харилцахыг илүүд үздэг. Гэр бүлийн сэтгэл засалч Фариха Махмуд-Сайед “Ийм хүмүүст хайр сэтгэлээ бичгээр болон амаар илэрхийлэх нь илүү үнэ цэнэтэй санагддаг. Уг үйлдэл нь тэднийг илүү их ойлгож, үнэлж байгаа мэт санагдуулдаг” гэжээ.

2. Цагийг хамт өнгөрүүлэх

Хосын харилцааны үнэт зүйлд юуг ч орхигдуулалгүй сонсох, бүрэн анхаарал хандуулах, нүд нүдээ ширтэж харилцах зэрэг багтдаг бол та яаг одоо өөрийнхөө талаар уншиж байна. Харин хамтрагч тань энэ төрлийн хүн шиг санагдаж байвал зурагт, гар утас болон бусад зүйлд сатаарахгүйгээр түүндээ бүхий л анхаарлаа хандуулаарай.

3. Тусламж үзүүлэх

Таныг өвдсөн байхад халуун шөл хийж өгөх, өглөө босоод уух кофег тань бэлдэх, ажлын ачаалалтай үед хими цэвэрлэгээнээс таны хувцсыг авах гэх мэт үйлдлүүд ордог. Үгнээс илүү үйлдлийг илүүд үздэг тэд амьдралаа аль болох тав тухтай байлгахыг эрмэлздэг.

4. Бэлэг

Дараагийн хайрын хэл нь хамгийн энгийнд тооцогддог. Номын агуулгын дагуу энэ төрлийн хүмүүст хайр сэтгэлээ нүдэнд үзэгдэж гарт баригдах байдлаар илэрхийлбэл таатай байдаг байна. Гэвч тэднийг материалист үзэлтэй гэж дүгнэхээсээ бүү яараарай. Учир нь тэд бэлэгний цаана нуугдаж буй сэтгэл болоод бэлэг бэлдэх үйл явцад нь дурладаг билээ. Хамтрагч нь юу өгөхөө эргэцүүлэн бодсон нь, бэлэг авахад төрдөг сайхан мэдрэмжүүд нь, харилцаагаа илэрхийлэх зүйлийг тунгаан бодсон зэрэг нь эдгээр хүмүүст юугаар ч зүйрлэшгүй их үнэ цэнэтэй байдаг.

5. Биеэр хүрэлцэх

Энэ төрлийн хүмүүс үнсэлт, гар гараасаа барилцах, тэврэлдэх болон секс зэргүүдийг харилцааныхаа нэгдүгээрт тавьдаг. Тэдэнд аль болох биеэр ойрхон байх нь хайраа бат бөх болгоход тусалдаг бөгөөд сэтгэл хөдлөлийг нь үргэлж тэжээж байдаг.

Монголын “Шат” богино хэмжээний кино Америкийн “Cinequest” кино наадмаас “Шилдэг гэр бүлийн богино хэмжээний кино”-ны шагнал хүртжээ.

Нийгэмд хөгжлийн бэрхшээлтэй иргэдийн оролцоог нэмэгдүүлэхийг уриалсан “Шат” богино хэмжээний киног Монголын Урлагийн зөвлөлийн “Бид чадна-Бид авьяастай” урлагийн боловсролын төслийн хүрээнд Австрали, Монгол мэргэжлийн кино уран бүтээлчид хамтран 2019 онд бүтээсэн байна.

Тус кино нь 12 дахь удаагийн “Улаанбаатар” олон улсын кино наадам, Ази номхон далайн бүсийн дэлгэцийн форумд сонгогдож байсан удаатай аж.

Тус кинонд гэр хороололд амьдардаг, үсчин болох мөрөөдөлтэй “Сонор” үсчний сургалтад сурахаар шийдэх бөгөөд түүний өмнө даван гарах ёстой төрөл бүрийн шат тулгардаг тухай өгүүлнэ. Энэхүү кино нь хөгжлийн бэрхшээлтэй залуус өөрсдийн дуу хоолойг нийгэмд хүргэхийн тулд өөрсдөө оролцон бүтээснээрээ онцлогтой юм.

93 дахь удаагийн Оскарын шагнал гардуулах ёслол амжилттай зохион байгуулагдаж, шилдгээ шалгаруулж байна. Тэгвэл шилдэг найруулагчийн шагналыг Хятадын найруулагч Клое Зжао “Nomadland” бүтээлээр хүртлээ. Тэрбээр Оскарын уг шагналыг хүртсэн анхны Ази эмэгтэй найруулагч болж байна.

---

Хлое Жао нь 1982 оны гуравдугаар сарын 31-нд Бээжин хотод төрсөн. Хятадын кино найруулагч бөгөөд АНУ-ын бие даасан кинонуудад голчлон ажилладаг гэдгээрээ алдартай. Түүний анхны уран бүтээл болох “Миний дүү нар надад зааж өгсөн дуунууд” киноны нээлт 2015 оны “Сандэнс кино наадамд” үзэгчдийн талархлыг хүлээж, бие даасан шилдэг анхны уран бүтээлийн номинацид нэр дэвшиж байжээ. Түүний хоёрдахь уран бүтээл болох “The Rider” нь 2017 оны кино шүүмжлэгчдээс өндөр үнэлэмж авч “Independent Spirit” шагналаас Шилдэг кино, Шилдэг найруулагч номинацид нэр дэвшүүлж байв. Жао “Номадланд” киногоороо улам их амжилтанд хүрч, олон улсад хүлээн зөвшөөрөгдсөн бөгөөд Алтан бөмбөрцөгийн шагнал гардуулах ёслолын шилдэг найруулагч, Америкийн найруулагчдын холбоо, Оскарын шагнал, Британийн академийн кино шагнал зэрэг олон шагнал хүртсэн юм. Шагнал гардуулах байгууллага тус бүрт энэ ангилалд түрүүлсэн анхны ази эмэгтэй болсон. Венецийн кино наадмын Алтан арслан, Торонтогийн олон улсын кино наадмын Ардын сонголт шагнал. 2021 онд тэрээр 93 дахь удаагийн Оскарын шагнал гардуулах ёслолын шилдэг найруулагчийн төрөлд Оскарын шагнал хүртлээ.