Category: энтертаймент-ертөнц

Монголчуудын 3 хүн тутмын нэг нь сошиал сүлжээг идэвхтэй хэрэглэгч байдаг гэсэн судалгаа бий. Голчлон Фэйсбүүк, инстаграм, твиттер зэрэг платформуудыг хэрэглэдэг.

Үүнтэй холбоотойгоор Монголын инстаграм хэрэглэгчдийн дундаас хамгийн олон дагагчтай 10 хэрэглэгчийг танилцуулж байна. Тэдний 6 нь эмэгтэй, 4 нь эрэгтэй.

1.Инстаграм хаяг: maukiss_

Jason & Jayel влогоор олонд танигдсан “116” хамтлагийн бүжигчин Jayel 333 мянган дагагчтай.

2.Инстаграм хаяг: thunderzrapper

Чадварлаг реппер Thunder буюу Б.Өлзий-Учрал нийт 352 мянган дагагчтай юм. Тэрээр хэдхэн хоногийн өмнө “Хатуу” нэртэй уран бүтээлээ гаргасан. Одоо “Тоонот” студид харъяалагддаг.

3.Инстаграм хаяг: ardiin_ania_gigi

Ардын аниа Жижи хэмээн цахим ертөнцөд танигдсан влогчин бүсгүй Г.Ган-Эрдэнэ 246 мянган дагагчтай.

4.Инстаграм хаяг: ujin_buya

“Манайд 1 удаа” киноны гол дүрийн жүжигчин Б.Үжин 188 мянган дагагчтай.

5. Инстаграм хаяг: minayu_1

“The Wasabies” хамтлагийн дуучин Э.Аминхүслэн 164 мянган дагагчтай.

6.Инстаграм хаяг. baniuh

Дуучин Roockie буюу У.Мөнхбагана 146 мянган дагагчтай.

7.Инстаграм хаяг: krystal_gna

Тик токчин Г. Гансувд 144 мянган дагагчтай.

8.Инстаграм хаяг: ebolzgono

“Vandebo” хамтлагийн дуучин Ebo 120 мянган дагагчтай. Түүнийг Б.Эрдэнэболд гэдэг.

9.Инстаграм хаяг: jasonn _zz

Jason & Jayel влогоор олонд танигдсан бүжигчин Jason 126 мянган дагагчтай.

10.Инстаграм хаяг: khaliun_dancer

“Ододтой бүжиглэе” шоуны ялагч Б. Халиун 122 мянган дагагчтай.

БЭЛТГЭСЭН: Д. БАТТОГТОХ

Мисс, жүжигчин Б.Баярцэцэг ирэх онд дэлгэцнээ гарах “Amazon” студийн 10 ангит “The Power” кинонд цахилгаан охины дүрийг бүтээхээр болжээ.

А.Баярцэцэг өмнө нь 2014 онд “Netflix” компанийн бүтээл “Марко Поло”, 2018 онд Холливудын алдарт жүжигчин Стивен Сигалын ”Attrition” кинонд тоглож байсан юм.

“The Power” киноны зохиолыг Британийн зохиолч Наоми Алдерман 2016 онд бичсэн бөгөөд хурууныхаа тусламжтайгаар ер бусын хүч чадалд хувирдаг бүсгүйчүүдийн тухай өгүүлдэг шинжлэх ухааны зөгнөлт зохиол юм. Уг зохиол нь “Нью-Йорк таймс”-ын 2017 оны шилдэг 10 номын нэгээр шалгарч байсан ба “Амазон” студи дээрх зохиолоор 10 ангит кино хийх эрхийг авчээ.

Жүжигчдийн бүрэлдэхүүнд Лесли Манн, Жон Легуизамо, Тим Роббинс зэрэг алдартнууд багтаад буй. Сонирхуулахад, “Шивэгчний өчил” цувралын найруулагчаар ажиллаж байсан Рид Морано уг киног найруулж, гүйцэтгэх продюсерээр нь ажиллах юм.

“Баян Монгол” чуулгын “Пянзны баяр” энэ сарын 19-нд цагаас “On’n Off Production House”-д болох гэж байна. Тоглолтод “Баян Монгол” чуулга бүрэн бүрэлдэхүүнээрээ оролцох бөгөөд Улсын филармонийн гоцлол дуучин Н.Наранбаатар, Ц.Хулан, Б.Дэлгэрбаяр нар оролцоно.

Мөн урилгаар дуучин Б.Хонгор, Б.Солонго, Ж.Ариунжаргал нар оролцох аж. Тус тоглолтын удирдаачаар С.Саруул-Од, найруулагчаар урлагийн гавьяат зүтгэлтэн С.Ононбат, хөтлөгчөөр “Чингис хаан” хамтлагийн ахлагч, ардын жүжигчин Д.Жаргалсайхан нар ажиллана. Тоглолтын хөтөлбөрт “Баян Монгол” чуулгын 50 жилийн ойн хүрээнд хэвлүүлсэн пянз болон цомгийн уран бүтээлүүд болох Монголын хөгжмийн зохиолчдын болон Монгол ардын дууны шилмэл бүтээлүүд багтжээ. Тасалбарын үнэ 60 мянган төгрөг бөгөөд Улсын Филармонийн касс болон www.ticket.mn-ээс худалдан авах боломжтой юм. Сануулахад, тоглолт үзэхээр сонирхож буй бол Ковид 19-н эсрэг вакцины гуравдугаар тундаа хамрагдсан байх шаардлагатай аж.

“BMW” компанийн III улирлын ашиг шинжээчдийн таамгийг давлаа. Тайлант хугацаанд тус компанийн татварын өмнөх ашиг 2020 оны мөн үеэс 50 хувиар өсөж, 3.3 тэрбум ам.доллар хүрсэн байна.

Хагас дамжуулагчийн хомсдолын улмаас “BMW”-ийн үйлдвэрлэл саараад байсан юм. Харин тус компанийн өндөр үнийн дүнтэй загваруудын борлуулалт өссөн нь дэмжлэг болсон байна.

“BMW” III улиралд 600 мянган автомашин нийлүүлсэн байна. Энэ нь өмнөх оны мөн үеэс 12 хувиар буурсан үзүүлэлт болжээ. Мөн нийлүүлэлтийн хямрал ирэх онд ч үргэлжлэхээр байгааг анхааруулж байна.

Эх сурвалж: BloombergTV

Аравдугаар сарын сүүлчээр Нэтфликсийн “Squid Game” цувралын нэртэй криптовалют зах зээлд нэвтэрч, үнэ ханш нь богино хугацаанд тэнгэрт хадаж байв.

Гэвч даваа гаригт үүнийг үүсгэгч нэр үл мэдэгдэх этгээд эзэмшиж байсан бүх койноо зарж, бэлэн мөнгө болгоод сураггүй алга болжээ.

Ингэхдээ төслийнхөө вэб сайтыг (squidgame.cash) хүртэл хаасан байна. SQUID койны ихэнх хувийг эзэмшиж байсан этгээд бүх нөөцөө зарсан тул ханш нь ч бараг тэгтэй тэнцүү болжээ.

Аравдугаар сарын 20-нд эхлэхдээ SQUID койны үнэ хэдхэн центтэй тэнцүү байв. Өнгөрсөн амралтын өдрүүдэд ханш нь $40 орчимд хүрээд байжээ.

Харин уналтын дараа $0.005-тай тэнцэх болсон байна. Энэ тохиолдолд хамгийн анхны худалдан авагчид ч алдагдалд орж байгаа юм.

SQUID койны ханш ид өсөж байх үед CNBS, Forbes, BBC, Fortune зэрэг томоохон хэвлэлүүд гайхмаар хурдтай өсөлтийн тухай магтан бичиж байжээ.

Тухайлбал Fortune сэтгүүлд “Squid Game’ crypto is up more than 86,000% in a week” гэсэн гарчигтай мэдээ нийтлэгдэж байсан юм.

Томоохон хэвлэлүүд ингэж мэдээлсэн нь хүмүүсийн эргэлзээг арилгаж, олноор хошуурах бас нэг шалтгаан болсон байна.

“Netflix”-ийн алдартай шоу энэ жилийн Халловины хувцасны маргааныг өрнүүлж байна.

“Squid Game” нь Netflix-ийн үзэгчдийн дээд амжилтыг эвдэж магадгүй ч Нью-Йоркийн зарим сургуульд Халловины баяраар хэрцгий кинон дээр гардаг хувцсыг ангидаа өмсөхийг хоригложээ.

Зарим сурагчид завсарлагааны үеэр алдартай шоуны тоглоомуудыг дуурайж байгааг сургуулийн удирдлагууд анзаарсны дараа ийнхүү шийдвэрлэхээс өөр аргагүйд хүрсэн гэжээ. Мөн бага сургуулийн захиргаа эцэг эхчүүд рүү цахим шуудан илгээж, хувцасны зөвлөмжийн талаар мэдээлэл хүргүүлжээ. Тэд “Squid game”-ээс сэдэвлэсэн Халловины хувцастай ирсэн хүүхдийг сургууль руу оруулахгүй гэдгийг уламжилжээ.

Кристиано Роналду болон түүний эхнэр Жоржина Родригес нар ихэр хүүхэдтэй болж буйгаа зарлалаа. Хосууд өөрсдийн цахим хуудаснаа “Бид ихэр хүүхэд хүлээж байгаагаа зарлахад баяртай байна. Бидний зүрх хайраар бялхаж байна.Та нартайгаа уулзана гэхээс хүлээж тэсэхгүй нь” гэжээ.

Залуу хос 2017 онд Алана Мартина гэх охинтой болсон бөгөөд одоо дөрвөн хүүхдийн ээж аав болсон. Өдгөө 36 настай Роналдугийн том хүү 2010 онд төрсөн бөгөөд ээж нь одоог хүртэл нууцлаг байдаг. Харин 2017 онд тээгч эхээс ихэр охин, хүүтэй болсон билээ.

Роналду, Родригес нар 2016 онд Испанийн Мадрид хот дахь “Gucci” брендийн дэлгүүрт танилцаж байжээ. Тухайн үед Родригес цагийн 10 еврогийн цалинтай худалдааны зөвлөхийн ажил хийж байсан гэнэ. Англидаа эргэн ирсэн Роналдугийн хувийн амжилт сайн байгаа ч багийнх нь үзүүлэлт тааруу байна. “Манчестер Юнайтед” баг өнгөрсөн долоо хоногт Премьер лигийн хүрээнд Ливерпүүл багтай тоглож, 0-5 гэсэн харьцаатай ялагдсан.