“ABBA” хамтлаг 40 жилийн дараа эргэн нэгдэж “Voyage” нэртэй гаргасан нь Их Британийн хөгжмийн жагсаалтыг тэргүүлж байна.
Тус цомог 11 дүгээр сарын 5-нд худалдаанд гарснаас хойш 204 мянган хувь борлуулагджээ. “ABBA” хамтлагийн дуу өмнө нь 58 долоо хоног британи чартын нэгдүгээрт бичигдэж байсан түүх бий. Энэ үзүүлэлтээрээ хамтлаг Элвис Пресли, “The Beatles” хамтлагийн дараад гуравт ордог юм. Домогт дөрвөл 2022 онд виртуаль тоглолт хийхээр төлөвлөж байна.
“Шат” кино CICF буюу Чикагогийн хүүхдийн кино наадмын богино хэмжээний киноны төрөлд тэргүүн байр хүртжээ. Хүртээмжтэй байдлыг ханган бүтээсэн “Шат” кино нь Австралийн Bus Stop Films, Монголын урлагийн зөвлөл хамтран хийсэн байна.
Австрали Улсын Засгийн газрын соёлын хөтөлбөрийн буцалтгүй тусламжийн дэмжлэгтэйгээр бүтээсэн уг кино нь Оскарын кино наадмын богино хэмжээний төрөлд өрсөлдөх эрхээ авчээ.
Кино багт өөрсдийн дуу хоолойг нийгэмд хүргэх зорилготой хөгжлийн бэрхшээлтэй 17 оюутан багтсанаас 12 нь даунтай юм байна. Мөн Монголын кино урлагийн мэргэжлийн зөвлөхүүд, кино урлагийн чиглэлээр суралцдаг оюутан уг төсөлд оролцжээ.
Youtube хуудаснаа Монголын хамгийн олон дагагчтай, өндөр үзэлтэй контент бүтээдэг шилдэг сувгуудыг хүргэж байна.
1. The HU – 1.23 сая дагагчтай
2016 онд МУГЖ дуучин Б. Дашдондог үүсгэн байгуулсан. Монгол рок буюу Хүннү рок урсгалаар тоглодог Чингис хаан одонт хамтлаг юм.
2.Gremix – 669 мянган дагагчтай
М. Ганбаяр буюу Грэмикс 2018 онд “Орк” , “Сүүлчийн Монита” мөн 2019 онд “Би эмээ болохгүй” кинонуудад тоглосон бөгөөд 2020 онд “Хүйтэн байна” нэртэй дуу гаргасан. Энэхүү дуу нь ёжилсон хэв маягтай хөгжилтэй зүйл байсан хэдий ч сонсогчдод таалагдаж маш олон хүнд хүрсэн.
3.Mesmerism official – 640 мянган дагагчтай
Д. Ганцогт ба Э. Мөнх-эрдэнэ нар 2016 оны 12 сарын 15-нд өөрсдийн “Mesmerism” фэйсбүүк хуудсанд анхны бичлэг болох “Дүүгийн ёолкны мөнгө” бичлэгийг тавьснаар олон нийтэд танигдаж эхэлсэн.
4.Mongolian youtuber Tushig – 479 мянган дагагчтай
Б.Түшиг нь Парис хотод амьдардаг бөгөөд танин мэдэхүйн чиглэлээр контент хийдэг.
5.Artger – 397 мянган дагагчтай
“ARTGER” суваг үндсэн дөрвөн хэсгээс бүрддэг бөгөөд Монгол үндэстний Хоол, аялал жуулчлал, соёл уламжлал, хүмүүс гэсэн хэсгүүдээс бүрдэж контентуудаа хийдэг.
6. Jason jayel – 299 мянган дагагчтай
Цахим орчинд хосын влогоороо алдартай Билгээ, Номин 2-ыг хүмүүс Jason Jayel нэрээр анддаггүй. Тэдний хөгжилтэй байдал, гэнэн цагаан хайрын түүх, сонирхолтой амьдралын хэв маяг нь өсвөр насныхан, залуучуудад үлгэр дуурайлал үзүүлдэг.
7.Positive Mongolians – 226 мянган дагагчтай
Түвшинбаяр, Дөлгөөн нарын гэр бүл нь нийгэмд эерэг нөлөөлөл түгээх зорилгоор дижитал контент хийдэг. Мөн тэдний хөтлөн явуулдаг “Хосын жор” нэвтрүүлэг нь хамгийн их үзэлтэй контендуудад тооцогддог байна.
8.Your Ashe- 66 мянган дагагчтай
Цахим орчинд нэг хэсэг өгзөг Баярмаа нэрээр олны танил болсон фитнесс тамирчин Б.Баярмаа ямар ч сэдэвт баригдалгүй сонирхолтой бичлэг хийдэг байна.
9.Ideree Podcast-65.4 мянган дагагчтай
Comedy нь Б. Идэр-Од 7 хоног бүр сонирхолтой содон зочдын ярилцлагыг хүргэдэг билээ.
10. Twin T-46 мянган дагагчтай
Бодит гэмт хэрэг болсон явдлын талаар сонирхолтой байдлаар хүргэдэг байна.
Д.Баттогтох
Солонгосын алдарт BTS хамтлагийн шүтэн бишрэгчдэд зориулсан брэнд бүтээгдэхүүнийг худалдаалдаг BTS POP-UP дэлгүүр Зайсан Хиллд албан ёсны эрхтэйгээр нээгдлээ.
Австралийн гал сөнөөгчид дур булаам халуухан залуус. Тэд үүнийгээ 2022 оны хуанлийн зураг авалтаараа дахин нэг баталлаа.
Австралийн гал сөнөөгчдийн цээж нүцгэн зураг бүхий хуанли гардаг уламжлал тогтоод багагүй хугацаа өнгөрсөн юм. Үүнийг ч дэлхий дахин ихээхэн хүлээдэг болжээ. Энэ жилийн хувьд зураг авалт гурван долоо хоног үргэлжилж, хэд хэдэн хуанлид зориулж залуус дурангийн өмнө зогсоцгоосон гэнэ.
Шарлаж, өнгөр тогтсон шүдийг гэрийн нөхцөлд хэрхэн хурдан цайруулж болох зөвлөгөөг хүргэе.
Тал лимоны шүүсийг шахаж бэлтгээд нэг цайны халбага хүнсний содыг сайтар холиод шүдээ угаасны дараа сойзоор шүдэндээ сайтар түрхэж өгнө. Түрхэх явцдаа сайн үрээрэй. Энэ аргаар долоо хоногт нэг удаа шүдэндээ түрхэхэд хангалттай.
Лимон нь таны шүдэнд олон талын ач тустай. Тухайлбал, шүд өвдсөн үед лимоны шүүсийг тэр хэсэг дээрээ хөвөнд шингээж тавих юм бол өвчин намддаг байна. Мөн лимонд агуулагдах хүчил нь бактерийн эсрэг үйлчилгээтэй тул амны хөндийн элдэв өвчнөөс урьдчилан сэргийлэх ач холбогдолтой юм.
Шүдний чулууг хэрхэн арилгах вэ
Шүдний чулуу нь ясан шүд гэлтгүй сүүн шүд мөн хиймэл шүдэн дээр ч гарч ирдэг. Хоол идсэний дараа хоолны үлдэгдэл шүдний завсар үлдэж хуримтлагдсанаар улмаар хатуурч шүдний чулууг үүсгэдэг байна. Өнгөний хувьд шар болон бор өнгөтэй байдаг. Шүдний чулууг зөвхөн ОО, сойз ашиглан арилгах боломжгүй юм. Тиймээс танд шүдний чулууг гэрийн нөхцөлд арилгах арга санал болгоё. Танд дараах зүйлс хэрэгтэй.
30 гр нунтагласан хушганы яс
200 мг ус
Саванд усаа хийж дээрээс нь нухсан хушганы ясаа хийгээд 20 минут буцалгана. Дараа нь хөргөгчинд хийж хөргөсний дараа хэсгийг шүдний сойзон дээр авч шүдний чулуутай хэсгүүдээр сайтар үрж таван минут угаана.
Найруулагч П.Золжаргалын найруулсан “Шат” богино хэмжээний кино 38 дахь удаагийн Чикагогийн хүүхдийн кино наадмын тэргүүн шагналыг хүртжээ.
Нийгэмд хөгжлийн бэрхшээлтэй иргэдийн оролцоог нэмэгдүүлэхийг уриалсан “Шат” богино хэмжээний киног Монголын урлагийн зөвлөл “Бид чадна – Бид авьяастай” урлагийн боловсролын төслийн хүрээнд 2019 онд бүтээсэн.
Ташрамд дуулгахад, “Шат” богино хэмжээний киног найруулагч П.Золжаргал найруулсан бөгөөд тэрбээр продюсер Женевьев Клэй-Смиттэй хамтран зохиолоо бичсэн юм байна. Түүнчлэн “Шат” бүтээлийн гол дүрд Б.Эгшиглэн, Б.Даваасүрэн нар тогложээ.
Ер бусын дизайнтай “Кетзалкоатл могойн үүр” хэмээх байшинг онцолж байна.
Уг аварга том могойн дүрстэй байшин Мексикийн Наукалпан де Хуарес хотод байрладаг ба үүнийг архитектор, шинийг санаачлагч Хавьер Сеносиян бүтээжээ.
Могойн хэлбэртэй байшин нь нийт 50 метрийн урттай ба орчин үеийн тансаг тавилга, чимэглэлүүдээс бүрджээ.
Ер бусын гэмээр уг байшин нь нэгэн зэрэг 10 хүртэлх зочин хүлээн авах зайтай аж.
Мөн дотроо таван унтлагын өрөө, дөрвөн ариун цэврийн өрөөг цогцлоожээ. Эдгээр өрөөнүүд нь хоорондоо хонгил болон коридороор холбогдсон. Харин өрөөнүүдийг гэрэлтэй байлгах үүднээс байшин дотор нэг ч хаалга хийгээгүй. Байгалийн гэрэл том хэмжээний, бөөрөнхий болон дугуй хэлбэртэй цонхнуудаар дамжин орж ирдэг. Тус үзэсгэлэнт барилгийн зургийг Airbnb сайтаас харах боломжтой юм.
ИНГЭЭД ТА БҮХЭНД СОНИРХОЛТОЙ БАРИЛГИЙН ДОТОР ДИЗАЙНЫГ ХҮРГЭЖ БАЙНА.
Өрөө бүрийн цонхоор цэцэрлэгийн үзэсгэлэнт дүр зургийг харах боломжтой бөгөөд бүхэлдээ өнгө өнгийн керамик чулуунуудаар чимэглэгдсэн могойн том толгой харагдана. Үнэхээр гайхалтай дүр зураг.
Хүрээлэнд нийт 10 мянга гаруй төрлийн мод, хиймэл усан сан, хүрхрээ, цэцэрлэг, мозайк хана зэргээр тоноглогджээ.
Уг байшингийн эзэн Патрисия хоноглохоор ирсэн зочдод зориулан 3-4 цагийн аялал зохион байгуулдаг гэнэ.
Аяллын үеэр “Кетзалкоатл могойн үүр”-ийн өвөрмөц архитектурын шийдлийн талаар төдийгүй “Huichol” буюу эртний Мексикийн уугуул иргэдийн зан заншил, тэдэнтэй холбоотой сонирхол татам домог, тэдний түүдэг эмийн ургамлуудын талаар мэдэж авах боломжтой юм.
Бэлтгэсэн: Д.ОТГОНТУЯА
2018 оноос эхлэн шинэ залуу уран бүтээлчдээр багаа бүрдүүлж, уран бүтээлүүдээрээ үзэгч, сонсогчдын хайр хүндэтгэлийг хүлээгээд буй “Тоонот” студи гурван жилийн ойн баяраа энэ сарын 19-нд өргөн цар хүрээтэйгээр тэмдэглэх гэж байна.
Тэд жил бүр “Toonot volume” цомог гаргадаг бөгөөд энэ жил ч мөн адил “Toonot volume-3” цомгоо гаргажээ.
“UG palace”-д болох уг тоглолтод тус студийн найман уран бүтээлч TOONOT VOL.1,2,3 цомгийн хит дуунууд болон соло дуунуудаа хүргэх аж.
“Тоонот” студи нь “Open mic”-ээр авьяасаа гайхуулаад амжсан Г.Уянгадарь охин болон бидний мэдэх “Дижитал” хамтлагийн Эркаг багтаа нэгтгэжээ. Ийнхүү уран бүтээлчдийнхээ тоог нэмж, найман гишүүнтэй болсон “Тоонот”студийн хамт олон “UG Palace”-д нэгэн үдэш үзэгчдийг доргиох гэж байна.
Тоглолтын тасалбарыг ЭНД дарж захиалах боломжтой.
АНУ-ын “Apple” компанийг үүсгэн байгуулагчид болох Стив Возняк, Стив Жобс нарын бүтээсэн анхны компьютер дуудлага худалдаагаар 400 мянган ам.доллароор зарагджээ.
Хавайн коа модон хэсгээс бүрдсэн “Apple-1” ховор компьютер нь бүрэн ажиллагаатай бөгөөд иж бүрдлээрээ худалдаалагдаж байгаа 200 ширхгийн нэг юм. Энэ удаагийн дуудлага худалдаагаар зарагдсан компьютер нь өмнө нь хоёрхон эзэнтэй байсан аж. Анхны эзэн болох коллежийн профессор нь уг компьютерыг өөрийн шавьдаа 650 ам.доллароор зарж байжээ.
2014 онд Нью-Йорк дахь дуудлага худалдаанд орсон нэгэн “Apple-1” компьютер 905 мянган ам.доллароор үнэлэгдэж байжээ.