Category: энтертаймент-ертөнц

“Дэлхийн хамгийн их үзэгчтэй “Америкийн дараагийн топ модель” шоу
нэвтрүүлэг ирэх оноос дахин эфирт цацагдахгүй” хэмээн тус шоуны
санаачлагч, топ модель Тайра Бэнкс мэдэгдлээ. Тус шоу 22 улирлын турш
үзэгчдэд хүрч, олон залуусын модель болох мөрөөдлийг биелүүлсэн зорилтот
шоу нэвтрүүлэг юм. Дэлхийн 37 улсад цацагддаг тус шоу хаагдах болсон
шалтгаан тодорхойгүй байна.

МУСТА, кино зураглаач, гэрэл зурагчин Д.Ангараг өнгөрсөн жил Америкийн Кино зураглаачдын холбооны шугамаар The OSCARS 2014 | 86th Academy Awards шагнал гардуулах ёслолын бүх арга хэмжээнд оролцох урилга авч байсан. Тэгвэл энэ жил тэрээр Paramount pictures”-ийн бүтээл “Марко Пологийн дурлал” хэмээх нэгэн кинонд ерөнхий зураглаачаар ажиллахаар урилга хүлээн авчээ. “Тэрбээр Лос-Анжелес дахь төлөөлөгчөөрөө дамжуулан шалгаруулалтад оролцсон бөгөөд энэ сарын 28-нд Холливудыг зорино. “Марко Пологийн дурлал” хэмээх тус киноны продюссерээр жүжигчин Энзо Зелооччи, гол дүрд Аль Пачино, Чо Юнь Фат, Мила Кунис, Дуэйн Жонсон нар тоглохоор болсон юм байна. Киноны зураг авалтыг Америк болон Хятадад авах бөгөөд 2018 онд нээлтээ хийнэ гэсэн товтой байгаа аж.

Д.Ангараг Монголдоо бидний сайн мэдэх “Дэв”, “Бодлын хулгайч”, “Ану хатан”, “Эх орон дуудаж байна” зэрэг кинонуудад ажиллаж байсан билээ.

ОХУ-ын гавъяат зураач Буриад
улсын ардын зураач Төрийн соёрхолт Юрий Мандагановын “Чулууны аялгуу”
уран бүтээлийн үзэсгэлэн нээлтээ хийжээ.

“Дэлхийн
хамгийн их үзэгчтэй “Америкийн дараагийн топ модель” шоу нэвтрүүлэг ирэх
оноос дахин эфирт цацагдахгүй” хэмээн тус шоуны санаачлагч, топ модель
Тайра Бэнкс мэдэгдлээ. Тус шоу 22 улирлын турш үзэгчдэд хүрч, олон
залуусын модель болох мөрөөдлийг биелүүлсэн зорилтот шоу нэвтрүүлэг юм.
Дэлхийн 37 улсад цацагддаг тус шоу хаагдах болсон шалтгаан тодорхойгүй
байна.

Тайра “Цаг нь иржээ. Би хуучнаараа
амьдрахыг хүсэхгүй байна. Хөөрхөн охид модель болдоггүй гэдгийг бид энэ
шоугаар батлан харууллаа. Олон охин шоуны буянаар далавчтай боллоо.
Шоугаа хаах шийдвэрийг их удаан бодож гаргасан. Онцгой шалтгаан бий.
Гэхдээ хэлэхийг хүсэхгүй байна” гэж хэлжээ.

Шоуны сүүлчийн анги ирэх арванхоёрдугаар сарын 4-нд цацагдах гэнэ.

Өчигдөр АНУ-ын эрчүүдэд зориулсан “Playboy” сэтгүүлийн төлөөлөгч сэтгүүлчдэд мэдээлэл хийжээ. Тэрээр энэ үеэр, 2016 оны гуравдугаар сараас хойш сэтгүүлийн нүүртээ эмэгтэйчүүдийн нүцгэн зураг нийтлэхгүй гэж мэдэгдсэн байна. Тус сэтгүүлийн гүйцэтгэх захирал Скот сэтгүүлчдэд хэлсэн үгэндээ “Анх хэвлэгдсэн 1953 оны улс төр, орчин одоогийнхоос өөр байсан. Бид улс төр, секс, соёл зэргийг чөлөөтэйгөөр нийтэлж болдог байсан. Хэдийгээр гаднах нүүртээ нүцгэн зураг нийтлэхгүй ч, сэтгүүлийн үндсэн утга агуулга өөрчлөгдөхгүй” хэмээн тэмдэглэжээ. Мөн тэрээр хэлэхдээ, сэтгүүлийн тэргүүн нүүрт нүцгэн зураг нийтлэх нь хоцрогдсон хэмээсэн байна. “Playboy” сэтгүүл оргил үедээ буюу 1975 онд 5.6 сая ширхэг худалдаанд гарч, борлуулагдаж байсан бол эдүгээ 800 мянга болжээ.

Холливуудын
нэрт жүжигчин Жулия Робертс өнгөрсөн долоодугаар сард 13 жил ханилсан,
нөхөр Даниель Модерээс салж буйгаа мэдэгдсэн. Хос салж буй шалтгаан
тодорхойгүй байгаа ч Даниель эхнэрээсээ сэтгэл санааны хохирол хэмээн 14
сая ам.долларыг нэхэмжилсэн юм. Харин жүжигчин бүсгүй хүүхдүүдийнхээ
асран хамгаалах эрхийн төлөө нөхрөө шүүхэд өгсөн билээ.

Тэд 2002 онд Италид хуримаа хийсэн
бөгөөд гурван хүүхэдтэй. Тэгвэл барууны хэвлэлүүдийн мэдээлснээр хос
эргэн нийлсэн гэв. Нью Йорк хотноо өчигдөр зохион байгуулагсан “Hammer
Museum Gala in the Garden”-ийн үеэр жүжигчин бүсгүй нөхрөө дагуулан
иржээ. “Тэд ихэд дотно харагдаж байснаас гадна хуримын бөгжөө зүүсэн
хэвээр байсан” хэмээн “www.dailymail.co.uk” мэдээллээ.

Арга хэмжээний дараа жүжигчин бүсгүй
“People” сэтгүүлд “Хүүхдүүдийнхээ төлөө нөхрөө уучлахаар болсон. Үнэнийг
хэлэхэд, энэ залууг явуулах зориг дутаж байна” гэж хэлжээ.

“Дисней”
компани 2004 оноос хойш гарч буй хүүхэлдэйн кинонуудаа үргэлжүүлэхээр
шийдвэрлэсэн байна. 11 жилийн хугацаанд тус компани 19 хүүхэлдэйн кино
бүтээсэн бөгөөд энэ хугацаанд зарим нь шинэ ангиа гаргажээ. Тэгвэл
үзэгчдийн дунд хамгийн их хүлээлт үүсгээд буй “Тоглоомын түүх”, “Супер
гэр бүл”, “Мадагаскар”, “Супер Нинжа”, “Ахмад Америк” зэрэг кинонууд
ирэх онуудад шинэ ангиа гаргахаар болжээ.

Тус компанийн цахим сайтад нийтэлснээр
“Тоглоомын түүх 3” 2018 оны долоодугаар сард нээлтээ хийх бол “Супер гэр
бүл 2” 2020 оны хоёрдугаар сарын 20-нд, “Мадагаскар” 2020 оны есдүгээр
сарын 12-нд нээлтээ хийнэ” гэжээ.

“Дисней” компани амжилт олж, олон саяыг
олсон уран бүтээлүүдээ үргэлжлүүлэхээр шийдвэрлэснээс гадна өнгөрсөн
2012 оноос “Үнсгэлжин”, “Алиса гайхамшигийн оронд”, “Маугли хүүгийн адал
явдал” болон “Араатан ба гоо үзэсгэлэн” зэрэг хүүхэлдэйн киног
дэлгэцийн бүтээл болгосон билээ.

Дэлхий даяарх хүүхэд залуусыг өөрийн өвөрмөц дуулалтаараа байлдан дагуулж чадсан эдүгээ 23 настай дуучин Селена Гомез эдгэшгүй Эритематоз буюу чонын яр хэмээх өвчин тусчээ.

Улмаар удаан хугацааны турш химийн эмчилгээ хийлгэсэн нь олонд ил боллоо. С.Гомез 2013 оны арванхоёрдугаар сард Ази, Австралид хийх аялан тоглолтоо цуцалж байсан бөгөөд тухайн үед ганцаараа байх хугацаа болон Аризона мужийн нөхөн сэргээх эмчилгээний төвд хэвтэх цаг хугацаа шаардлагатай болсон хэмээн мэдэгдэж байсан юм.

Гэвч тухайн үед хэвлэл мэдээллүүд донтолтын эмчилгээ хийлгэх гэж байгаа, Канадын дуучин Жастин Биберээс салсан гэх зэрэг шалтгаантай хэмээн янз бүрээр бичиж байсан.

Тэгвэл дуучин бүсгүй саяхан өгсөн нэгэн ярилцлагатаа архаг чонын яр өвчин туссан тухайгаа ярьжээ. Тэрбээр “Чонын яр өвчинтэй гэж оношлогдоод, химийн эмчилгээ хийлгэж байсан юм.

Тодорхой хугацаанд уран бүтээлээсээ завсарлага авсан минь үүнтэй холбоотой. Юу ч мэдэхгүй байж, хэвлэлүүд элдвээр бичиж байсан нь үнэхээр харамсалтай” хэмээн өгүүлсэн байна.

Мөн дуучин Тайлор Свифт түүнд ихээхэн тус болж байсныг тэмдэглэжээ. Чонын яр өвчнөөр дэлхий дээр 5 сая орчим хүн өвчилсөн гэсэн мэдээлэл байдаг бөгөөд өвчтөнүүдийн ихэнх нь нөхөн үржихүйн насны эмэгтэйчүүд байдаг аж.

Дуудлага худалдааны “Christie’s” ордон 16.08 кратын жинтэй, ховор ягаан алмаазыг Женевт үнэ хаялцуулах гэнэ. Энэ тухай Нью-Йорк хотын “Christie’s” ордны төлөөлөгчид мэдээлжээ.

Тэгш өнцөгт хэлбэртэй, шуудангийн маркийн хэмжээтэй уг чулууг 23-28 сая доллараар үнэлсэн байна. Уг алмааз нь урьд өмнө үнэ хаялцуулж байсан ийм төрлийн чулуунуудаас хамгийн том нь юм. Хэрэв ховор ягаан алмааз шинжээчдийн тооцоолсон үнэнээс илүү өндөр үнээр зарагдвал ийм төрлийн болон ийм өнгийн чулууны хувьд хамгийн өндөр үнэ хүрч зарагдсан чулуу болно гэж “Christie’s” ордныхон онцлон хэлжээ.

Аравдугаар сард ховор ягаан алмаазыг Хонконг, Нью-Йорк болон Лондон хотод олон нийтэд үзүүлнэ. Женевт 11 дүгээр сарын 6-наас үзүүлэх төлөвтэй байна. Алмаазыг худалдан авагч нэр өгөх эрхтэй гэнэ. Ховор алмаазыг дуудлага худалдаанд тавьж буй хүн АНУ-ын иргэн гэдгээс өөр тодорхой мэдээллийг “Christie’s” ордныхон өгөөгүй байна. Дуудлага худалдаа Швейцарийн нийслэл хотод 11 дүгээр сарын 10-нд болж магадгүй.

АНУ-ын Ерөнхийлөгч Барак Обама тус улсад айлчилж буй БНХАУ-ын дарга Си Зиньпинийг айлчлалаа өндөрлүүлж, эх орондоо буцахтай холбогдуулан “Blair House”-т тусгай зоог барьжээ. Энэ талаар “USA Today” мэдээлсэн байна.

АP агентлагийн уламжилснаар, хүндэтгэлийн тусгай зоогийг тус улсад амьдардаг хятад үндэстэн, нэрт тогооч Анита Лу урилгаар ирж хийсэн байна. Зоогийн цэст хонины махаар хийсэн шарсан мах, төрөл бүрийн жимсээр хийсэн десерт, далайн хавч зэрэг багтжээ.

АНУ нь 2011 онд тус улсад айлчилсан БНХАУ-ын дарга Ху Жинтао болон түүнийг дагалдан явсан 225 хүн тус бүрийг 550 ам.доллараар үнэлэгдэх хоолоор дайлж, зоог барьсан нь тухайн үедээ шүүмжлэл дагуулж байсан аж. Энэ удаа Хятадын төрийн тэргүүнд барьсан хүндэтгэлийн зоогт хэдэн зочин уригдсан талаар тодорхой мэдээлэл байхгүй байна.