Лос Анжелес Лэйкерс багийн супер од Коби Брайнт ҮСХ – ны 2015 – 2016 оны улирлыг дуусгаад зодог тайлахаа мэдэгдлээ.
Тэрээр зодог тайлах мэдэгдлээ “Сагсанбөмбөг танаа” хэмээх шүлгээр илэрхийлсэн байна. Түүний хэсгээс хүргэвэл: “Та 6 настай бяцхан хүүд Лэйкерст тоглох мөрөөдлийг нь өгсөн, би үүнд тань үргэлж талархах болно. Гэхдээ үүнээс илүү удаан хугацаагаар таньтай хамт байж чадахгүй нь харамсалтай. Энэ улирал миний хувьд надад үлдсэн бүхнээ харуулах сүүлчийн улирал байх болно. Зүрх минь хүчтэй цохилтыг мэдэрч, оюун санаа минь хүнд хэцүү бэрхшээлийг даван туулж чадах хэдий ч бие минь цаашид үргэлжлүүлж чадахгүй, цаг нь болсон гэдгийг хэлж байна.”
Коби Брайнт Лэйкер байх хугацаандаа 17 удаа бүх оддын тоглолтонд сонгогдож, нэг удаа улирлын үнэ цэнэтэй тоглогчийг хүртэж, хоёр удаа Олимпийн алтан медал, таван удаа ҮСХ – ны аваргын бөгжийг хүртсэн билээ.
Киви хамтлагийн дуучин Укагийн бие даасан хоёр дахь цомог болох 11/06 цомог тун удахгүй худалдаанд гарах гэж байна.
Их Британийн хамгийн алдартай дуучин Адель эх
Өнөөдөр (XI/24)-өөс Их Британид Хатан хаан II Элизабетийн 90 насны ойн баярын тасалбар зарагдаж эхэлсэн байна. Тус баярын албан ёсны сайтад, 25 мянган тасалбар худалдаанд гаргасан талаар мэдээлжээ. Тасалбарын үнэ 55-165 фунт стерлинг юм байна.
Эх дэлхийн мисс тэмцээн Австрийн Вена хотноо зохин байгуулагдаж байгаа билээ. Уг тэмцээнд монгол улсаа төлөөлж мисс А.Баярцэцэг оролцож байгаа юм. Эх дэлхийн мисс тэмцээний шилдэг Үдшийн гоёлын даашинзтай миссээр манай мисс А.Баярцэцэг тодорчээ. Түүний өмссөн энэхүү платыг дизайнер Отгонжаргал урласан аж. Энэхүү тэмцээнд манай мисс ийнхүү амжилттай оролцож байгаа юм.
Франц улсын 22 настай залуухан, авьяаслаг продюсер, дийжэй Tez Cadey EDM Mongolia Event-ийн урилгаар Lille хотоос хүрэлцэн ирж, 2015 оны арваннэгдүгээр сарын 28-нд Crocus Event Hall-д орчин үеийн электроник хөгжим сонирхогч залуустай хамт нэгэн гайхалтай үдшийг өнгөрөөх гэж байна. Тэрээр 2011 оноос хойш electro/deep house урсгалаар голчлон уран бүтээлээ туурвиж эхэлсэн юм.
Монголын зохиолч, хөгжмийн зохиолч нийтлэлчдийн нийгэмлэг, Монголын дуу бичлэг бүтээгчдийн үндэсний төв болон Хай-Фай медиа групп хамтран долоо хоног бүр Үндэсний шилдэг 21 дууны жагсаалтыг гаргадаг. Тэдний өмнөх өнгөрсөн долоо хоногт гаргасан жагсаалтын эхний арван дууг сонирхуулъя.
Дотуур хувцасны хамгийн нэртэй брэнд болох “Victoria’s Secret”-ын загварын шоу уржигдар Нью-Йорк хотноо болсон билээ. Энэ удаагийнх шоу гэхээсээ илүү рок поп концертыг санагдууллаа хэмээн “USA Today” сонинд онцолжээ. Дэлхийд алдартай загвар өмсөгчид шинэ загварын дотуур хувцсыг үзэгчдийн хүртээл болгож байхтай зэрэгцэн дуучин Селена Гомез, Элли Голдинг, The Weekend зэрэг уран бүтээлчид ая дуугаа өргөсөн юм. Түүнчлэн энэ жилийн загварын шоунд Адриана Лима, Бехати Принслу, Кэндис Свейнпол, Алессандра Амбросио, Лили Олдридж нар уламжлалт ёсоороо оролцов. Мөн “Victoria’s secret” шоуны тайзнаа Fantasy Bra буюу хамгийн үнэтэй гоёлын чулуугаар бүтсэн дотуур хувцсыг жилийн онцлох сахиусан тэнгэр өмсөж танилцуулдаг уламжлалтай билээ. Энэ жилийн хамгийн үнэтэй дотуур хувцсыг Лили Олдридж өмссөн байна. Сануулахад “Victoria’s Secret” загварын шоуг Америк даяар арванхоёрдугаар сарын 8-нд цацах юм байна.
Арваннэгдүгээр сар гарахтай зэрэгцэн дэлхийн улс орнуудад зул сар, шинэ жилийн уур амьсгал орж ирдэг билээ. Улаанбаатар хотод л гэхэд Зайсан явах зам дагуу байрлах Голомт банкны салбар энэ оны хамгийн анхны гацуур модыг зассан. Тэгвэл Санта Клауст хандаж бичсэн, дэлхийн улс орнуудын хүүхэд багачуудын шинэ жилийн захидлуудыг хүлээж авах зорилгоор Герман улсын Химмельпфорт хэмээх жижиг тосгонд Санта Клаусын шуудангийн салбарыг нээсэн байна. Түүнийг хүрэлцэн ирэх үеэр тус тосгоны Фурстенбергер Три Лэйкс ерөнхий боловсролын сургуулийн багачууд угтан авч, шинэ жилийн дуу дуулж өгчээ. Үүний дараа тэд хүслээ бичсэн захидлуудаа өгсөн байна. Хүүхэд багачуудын захидал нэг бүрт Санта өөрийн туслахуудын хамт хариу илгээх бөгөөд туслахууд нь 17 улсын хэлээр ярьж, бичиж чаддаг аж. Мөн хүүхэд, багачуудад буцааж илгээх захидал бүрт Сантагийн тусгай шуудангийн тамга дарах гэнэ. Өнгөрсөн жилийн хувьд Санта Клауст гэж хаягласан 312000 захидал дэлхийн 69 улс, орноос ирж байжээ. Санта Клаусын шуудангийн хаяг An Den Weihnachtsmann, Weihnachtspostfiliale, 16798 Himmelpfort, Germany юм байна шүү. Та бүхэн ч гэсэн захидлаа илгээгээд үзээрэй.