Category: энтертаймент-ертөнц

УИХ-ын чуулганы өнөөдрийн хуралдаанаар Ерөнхийлөгчийн санаачилсан Улс төрийн намуудын тухай хуулийн шинэчилсэн найруулгын төслийг хэлэлцэж байгаад түр завсарлалаа.

Үдээс өмнөх чуулганы хуралдааны үеэр МАН-ын бүлгийн дарга С.Бямбацогт УИХ-ын дарга З.Энхболдод зориулж шүлэг зохиосноо уншив. Тэрбээр оны өмнөхөн Засгийн газарт шинэ жилийн бэлэг болгож “Хямралын гацуур” засч өгсөн. Тэгэхдээ “Хямралын гацуур”-ыг Засгийн газрын хуралдааны танхимын өрөөний үүдэнд байрлуулж, гацуураа Засгийн газрын гишүүдэд хаягласан элэглэл маягийн ил захидлаар чимэглэсэн байсан. Харин энэ удаад тэрээр ардын уран зохиолч Ш.Сүрэнжавын “Багш” найраглалаас санаа авч, спикерт зориулан ийн шүлэг бичжээ.

Байшин зардаг барилгачин

Барьцгүй залдаг илтгэгч

Түшээдийг загнадаг дарга

Түмнийг гонсойлгодог горьдоогч

Цэцийн дээр гарсан хөх тэнгэр

Телевизийг удирддаг удирдлага

Засгийг мэддэг Ерөнхий сайд

Зээл мэддэг банкир болсон

Хурлын дэг сахиулагч биш

Хуулийг зоргоороо өөрчлөгч болсон

Бүхнийг чадагч, бүхнийг мэдэгч

Бие жижиг ч бэлчээр томтой

Бүгдийг захирагч хаан болсон.

Түүний шүлгийн хариуд УИХ-ын дарга З.Энхболд “Манай гишүүдийн шинэ авьяас илэрч, шүлэг зохиодог боллоо. Болор цомын бүртгэл эхэлснийг Батбаяр гишүүн сануулж байна” гэж хариулав.

Ирэх хоёрдугаар сарын 28-ны өдөр АНУ-ын Колифорни мужийн Долби театрт 88 дахь удаагийн Оскарын шагнал гардуулах ёслол болох гэж байгаа юм. Уг шагналд нэр дэвшиж буй уран бүтээл болон уран бүтээлчдийн нэр тодорчихсон байгаа. Энэ жилийн шагнал гардуулах ёслол бусад жилээс илүү сонирхолтой болох хандлагатай хэмээн кино сонирхогчид үзээд буй юм. Учир нь жүжигчин Леонардо Ди Каприо The Revenant киногоор шилдэг эрэгтэй гол дүрд нэр дэвшиж байгаа явдал юм. Леонардо Ди Каприо 42 нас хүрч байгаа, Оскарын шагналд олон нэр дэвшч байсан ч нэг ч удаа шагналыг авч байгаагүй юм. Түүнийг энэ жил Оскарын шагнал авна гэж магадлал төрүүлсэн нэг үйл явдал бол хэдхэн хоногийн өмнө болж өнгөрсөн “Алтан бөмбөрцөг” наадам байлаа. ТЭрээр уг наадмаас шилдэг эрэгтэй гол дүрийн шагналыг The Revenant уран бүтээлээрээ хүртсэн юм. Энэ удаагийн наадамд хамгийн олон төрөлд өрсөлдөж байгаа уран бүтээлээр найруулагч Алехандро Г.Инарритугын бүтээл “The Revenant” 12 төрөлд өрсөлдөж байгаа аж. Мөн бидний сайн мэдэх “Оддын дайн” цуврал уран бүтээлийн сүүлчийн анги болох “Star Wars: The Force Awakens” Оскарын шагналд нэр дэвшиж байгаа нь сэтгэл догдлом үйл явдал болж байна.

Ингээд 88 дахь удаагийн Оскарын шагналд нэр дэвшсэн бүтээлүүдийг дор танилцуулъя

Оскарын шилдэг кино буюу шилдэг уран бүтээлээр

-“The Big Short”, “Bridge of Spies”, “Brooklyn”, “Mad Max: Fury Road”, “The Martian”, “The Revenant”, “Room”, “Spotlight” зэрэг кинонууд нэр дэвшээд байгаа юм.

Шилдэг найруулагчаар

-Ленни Абраамсон-“Room” киногоор, Алехандро Г.Инарриту- “The Revenant” киногоор, Том Маккартни “Spot­light”, Адам Маккэй-“The Big Short”, Жеорж Миллер “Mad Max: Fury Road” киногоороо өрсөлдөж байна.

Шилдэг эрэгтэй гол дүрд

-“Брайн Кранстон-“Trumbo” Далтон Трумбогийн дүрээр”, “Матт Дамон-“The Martian” Марк Вэтнигийн дүрээр”, “Леонардо Ди Каприо-“The Revenant” Хью Глассын дүрээр”, “Майкл Фэссбэндэр -“Steve Jobs” Стив Жобсын дүрээр”, “Эдди Рэдмэйни -“The Danish Girl” Лили Элбэгийн дүрээр” өрсөлдөх аж.

Шилдэг эмэгтэй гол дүрд

-“Кэйт Бланхетт-“Carol” Карол Айрдын дүрээр”, “Брай Ларсон -“Room” Жое Ньюсомын дүрээр”, “Жэниффер Лауренс -“Joy” Жое Манганогын дүрээр”, “Шарлотт Рамплинг -“45 Years” Кайт Мэркорын дүрээр”, “Саорис Ронан- “Brooklyn” Эйлис Лэсиегийн дүрээр” өрсөлдөнө.

Шилдэг эрэгтэй туслах дүрд

-“Кристиан Бэйл-“The Big Short” Мэйкл Бүрригийн дүрээр”, “Том Харди-“The Revenant” Жон Фитзгерхардын дүрээр”, “Марк Руффало-“Spotlight” Майкл Резендисийн дүрээр”, “Марк Риланс-“Bridge of Spies” Рудольф Абелийн дүрээр”, “Силевистер Сталлоне-“Creed” Роки Бальбаогийн дүрээр” тус тус дэвшсэн байна.

Шилдэг эмэгтэй туслах дүрд

-“Женнифер Рэйсон Лэйх-“The Hateful Eight” Дэйси Домергүгийн дүрээр”, “Рүүни Мара-“Carol” Тирэси Беливетийн дүрээр”, “Ричар Макадамс-“Spotlight” Саша Пэйффирийн дүрээр”, “Алисиа Викандер-“The Danish Girl” Герда Вегенерийн дүрээр”, “Кэйт Винслет-“Steve Jobs” Жоана Хоффмэний дүрээр” өрсөлдөх юм.

Шилдэг хүүхэлдэйн кино буюу анимэйшний төрөлд

-“Anomalisa”, “Boy & the World”, “Inside Out”, “Shaun the Sheep Movie”, “When Marnie Was There” нэр дэвшээд байна.

Шилдэг киноны дуугаар

-“Fifty Shades of Grey” киноны дуу “Earned It”-The Weekеnd”, “Racing Extinction” киноны дуу “Manta Ray”-Antony Hegarty, “Youth” киноны дуу “Simple Song #3”-David Lang, “The Hunting Ground” киноны дуу “Til It Happens to You”-Lady Gaga, “Spec­tre” киноны дуу “Writing’s on the Wall”-Sam Smith зэрэг уран бүтээлүүд тус тус өрсөлдөхөөр тодроод байна.

С.Ариун

Жүжигчин Vin Diesel “Галзуу хурд 8” кино хэзээ нээлтээ хийх талаар өнгөрсөн мэдээлж байсан. Тэгвэл “Галзуу хурд” хэмээх цувралуудаараа нилээд амжилт олсон кино багийнхан дараагийн цувралаа бүтээх ажилд “Universal pictures”-ийнхэн аль хэдийн оржээ. Шүтэн бишрэгчид нь киноны уран бүтээлчид ажилдаа орсон гэдгийг сонссон цагаасаа эхлэн дараагийн цувралыг амьсгаа даран хүлээж байгаа гэнэ. Тус цувралын гол дүр, Холливуудын од Vin Diesel “Би та бүхэнд киноны нээлтийн өдрийг хэлэхдээ таатай байна! Галзуу хурд 8 кино 2017 оны 4-р сарын 14-нд нээлтээ хийнэ” гэжээ. “Галзуу хурд 7” кино дотоодын зах зээлээс 300 сая долларын ашиг олсон бөгөөд олон улсын зах зээлээс олсон орлого нь 1 тэрбум доллар давсан байна. Энэхүү үзүүлэлтээрээ уг кино нь бүх цаг үеийн шилдэг кинонуудын нэг болоод байгаа ба дараагийн цуврал нь хэрхэн тэсрэлт хийхийг бид хүлээх л үлдлээ.

“Камертон” хамтлагийн ахлагч, Төрийн соёрхолт, дуучин Д.Болд медиа салбарт хүч үзэхээр боллоо. Тэрбээр монгол контентыг дэмжих зорилгоор энтертаймент “Сhannel 11” телевизийнхээ нээлтийг өчигдөр хийв. Телевизээ олон улсын стандартад нийцсэн Английн тоног төхөөрөмжөөр бүрдүүлж, дуу хөгжим, кино, рокестр зэрэг бүх төрлөөр бичлэг хийх аж.

Дуучин Д.Болд энэ ажлынхаа өмнө 20 жилийн түүхтэй Монголын ууган радиогийн нэг FM 105.5-ийн тоног төхөөрөмжийг шинэчилж, өргөжүүлсэн билээ.

Энэ жилийн “Алтан бөмбөрцөг” кино наадмын шагнал гардуулах ёслол 73 дахь удаагаа Лос Анжелес хотноо “пижигнээд” өнгөрлөө. Олон ч сайхан бүтээлүүд нийтийн хүртээл болсон жил байсан тул шүүгчдийг хэцүүхэн сонголтууд хийх сорилт хүлээж байлаа. Гэхдээ тэдэн дотор яах аргагүй нэг бүтээл цойлж байсан нь “Revenant” буюу “Амьд үлдэгч” гэж орчуулахаар нэртэй кино байсан юм.

Мексикийн алдарт кино найруулагч, “Оскар”-ын шагналт Алехандро Гонсалес Иньярритугийн найруулсан мөрч, анчин Хью Глассын бодит амьдралд тулгуурлаж хийсэн уг кинонд баавгайд бариулаад амьд үлдэх боломж нь бараг тэгтэй тэнцсэн залуу сэтгэлийн хат, эр зоригийн тэнхээгээр 320 км газрыг гулсаж, мөлхөж, өвдөглөж явсаар хүмүүстэй золгож буй тухай харуулдаг. Хью Глассын дүрийг Леонардо Ди Каприо бүтээсэн. “Титаник” киноны гол дүрийг бүтээсэн цагаасаа хойш бараг л жил бүр шахам гайхалтай сайхан кинонуудад гойд онцгой тоглож гол дүрийг бүтээдэг энэ залуу өнөөдөр ч гэлээ “Амьд үлдэгч” кинонд лут тоглож “Алтан бөмбөрцөг”-ийн драмын киноны шилдэг эрэгтэй гол дүрийн шагналыг хүртлээ.

Түүний хувьд энэхүү нэр хүндтэй шагналыг сүүлийн арван жилийн дотор гурав дахь удаагаа гардаж байгаа нь энэ билээ. Хэдийгээр “Алтан бөмбөрцөг” кино наадам нь дэлхийд алдартай урлаг соёлын арга хэмжээ боловч “Оскар”-ын хажууд арай л жулддаг, энгийнээр хэлбэл “Оскар”-ын шагналын өмнөх сорилго тэмцээн гэлцдэг. Уг нь “Алтан Бөмбөрцөг”-т түрүүлсэн бол бараг л “Оскар”-т түрүүллээ гэсэн үг хэмээн хэлцдэг ч гэлээ түүнийг үгүйсгэх амьд жишээ нь Ди Каприо мөн буюу.

“Алтан бөмбөрцөгт” найман удаа нэр дэвшиж үзсэн Леонардо Ди Каприог нэг ч удаа “Оскар”-ын гуулин баримлыг атгаж үзээгүй гээд бодохоор шударга явдал Америкт хүртэл байдаггүй юм байна гэж бодохоор….

Одоо олныг шуугиулж байгаа “Revenant” кино бас л “Оскарт” нэрт дэвших өндөр магадлалтай, Ди Каприо шилдэг жүжигчин гэж нэрлүүлэхээр сайн тоглосон кино болов уу. Гэхдээ л түүнийг шагналд өрсөлдөх үед ямар нэгэн хүндэтгэх шалтгаан заавал хамт “алхаж” байдгийг санацгаая. Сүүлийн үеийн жишээнүүдийг нь л татахад 2005 онд “Авиатор”-т сайн тоглосон ч гэлээ түүнээс илүү “Рэй” кинонд сохор хөгжимчний дүрийг бүтээсэн Жэйми Фокст ялагдсан. Харин уржнан жил “Уолл стритийн чоно” маань “Далласын худалдагч” Мэтт Макконахид яах аргагүй дийлдэж байлаа. Харин энэ жил түүнтэй Мэтт Дэмоноос өөр өрсөлдөх олигтой жүжигчин байхгүй гээд ярих юм.

“Оскар”-ын шагнал Ди Каприог хүндлэх болоогүй гэж үү.

Б.ХУЛАН

Сүүлийн арав шахам жил Америкийн хөгжмийн ертөнцөд шилдгүүдийн чартыг байнга тэргүүлж, та бидний санаж байгаагаас ч олон Грэммийн шагнал авсан дуучин Бейонсе кино урлагт хөл тавихаар болсон байна. Дуучин Бейонсе хамгийн их алдаршсан Готтентот хүмүүсийн нэг, “Хар Венера” гэгдэж байсан Саарти Баартманы тухай киноны зохиолыг нь бичиж байгаа гэнэ. Саарти Бартман 19-р зууны эхэн үед Өмнөд Африкаас боолын наймаачдад олзлогдон Лондонд очиж, цагаан арьстнуудын стандарт бус гэж үзэж байсан гадаад төрхнөөсөө болж, шоуны үзүүлэн болж байсан эмгэнэлтэй хувь тавилан туулсан хүн юм.

Дуучин Бейонсе хэд хэдэн кинонд тоглосон хэдий ч Саарти Баартманы тухай киноны гол дүрд өөрөө тоглох эсэх нь тодорхойгүй байна.

Олон жилийн түүхтэй Японы мэргэжлийн сүмогийн хамгийн дээд амжилтыг Монгол хүн эвдсэн тухай бид өмнө мэдээлсэн. Өнгөрсөн сарын Хацү башёд мэргэжлийн сүмогийн 69 дэхь их аварга Хакухо М.Даваажаргал 15 давж түрүүлснээр Тайхо аваргын 32 түрүүлсэн дээд амжилтыг 44 жилийн дараа шинэчилсэн юм.

Тэрээр оны өмнө мэргэжлийн сүмогийнхны шинэ жилийн Мочицүки хийх үеэр өөрийн хүү Махато буюу Д.Мөнхжаргалаа дагуулан ирж, анх удаагаа сүмогоор барилдуулсан байна. Мочицүки гэдэг нь Япончууд улиран одож буй оны сүүлийн өдрүүдэд, ялангуяа 12 дугаар сарын 29-ний өдөр айл гэрээрээ, зарим албан газрууд, пүүс компаниараа мочи буюу цагаан будааг нүдэж бэлтгэх зан үйл хийдэг юм байна. Энэ нь газар тариалан эрхэлдэг иргэншлийн түүхийн өнө эртнээс улбаатай зан үйл, нэг ёсны шинэ жилийн баярын өмнөх “баяр”-т тооцогддог аж.

“Бүрэнхий” цувралын од Роберт Паттинсон өнгөрсөн оны аравдугаар сард 2013 онд сүйт тавьсан Британийн дуучин Фкагаас салж буйгаа зарласан билээ. Түүний менежер энэхүү мэдээллийг баталсан бөгөөд хосыг сүйгээ цуцалсан гэсэн юм. Тэгвэл хос эргэн нийлсэн тухай “www.dailymail.co.uk” мэдээллээ.

Хос өчигдөр Лондон хотоор дэлгүүр хэсч байхдаа гэрэл зурагчдын дуранд өртөхөөс гадна Фка, Паттинсоны сүй тавихдаа бэлэглэсэн 640 мянган ам.долларын үнэтэй бөгжийг зүүсэн байжээ.

Салалтын мэдээний дараа Фка бөгжөө зүүхээ больсон юм.

“TMZ” сайт”Өнгөрсөн зул сарын баяраар Паттинсон, Фкад дахин гэрлэх санал тавьсан” гэж мэдээлжээ.

Холливуудын нэрт жүжигчин Харрисон Фордын тоглосон “Оддын дайн” цувралын “Оддын дайн: Хүч сэргэсэн нь” кино нээлтээ хийгээд 12 өдрийн дотор нэг тэрбум ам.долларын ашиг олжээ. Тус бүтээл дэлхийн 35 улсад нээлтээ хийсэн бөгөөд зөвхөн АНУ болон Канадын кино зах зээлээс 544.5 сая ам.долларын ашиг олсон байна. “Оддын дайн” киноны долоодугаар анги АНУ, Их Британи, Герман, Австралийн кино чартуудыг тэргүүлээд байна. Зөвхөн Зул сарын баяраар тус кино 135 сая ам.долларын ашиг олжээ. Кино шүүмжлэгчид “Оддын дайн” киног гурван тэрбумын ашиг олох магадлалтай хэмээн бичсэн талаар CNN мэдээлжээ.