Category: энтертаймент-ертөнц

Саяхан болсон “Лиллехаммер-2016” залуучуудын өвлийн олимпийн холимог багийн төрөлд ОУХМ Б.Сумъяа түрүүлж, Монгол Улсын анхны өвлийн олимпийн аварга болсон билээ. Түүний энэхүү амжилтыг төр засгаас үнэлж, 40 сая төгрөгөөр, түүний дасгалжуулагч Д.Энхбаярыг 20 сая төгрөгөөр шагнажээ. Уг шагналыг энэ сарын 4-нд болсон Монголын бүх ард түмний XIV их наадмын нээлтийн үеэр гардуулсан байна.

Б.Сумъяагийн спортын амжилтыг сайшааж, хэдхэн хоногийн өмнө ЭМСЯ-наас Биеийн тамир, спортын тэргүүний ажилтан тэмдгээр мөн шагнасан билээ.

МУГЖ С.Жавхлан, Т.Баясгалан нар “Илгээлтийн эзэд” нэртэй хамтарсан тоглолт хийх болсон талаараа өнөөдөр мэдээлэл хийлээ. Гавьяатууд тоглолт хийхийн зэрэгцээ малчин түмэндээ туслах “Илгээлтийн эзэд” аяныг эхлүүлж буй ажээ. Уг тоглолтоо Монгол Улсын хэмжээнд эдийн засгийн хямрал болон цаг уурын хүндхэн нөхцөл байдалд хэцүүхэн амьдарч байгаа малчин ард түмнээ дэмжих зорилготойгоор хийж байгаа аж. Тэд тоглолтоо Улаанбаатар хотод хийгээд бүх аймаг, суманд хийх бөгөөд тоглолтын бүх ашиг нь цаг уурын хүндхэн нөхцөлд амьдарч байгаа малчин гэр бүлүүдэд сэтгэлийн дэм болохоос гадна эд материал болон бэлэн мөнгө болж очих юм.

“Илгээлтийн эзэд” аяныг Засгийн Газар, БСШУЯ, ХХААЯ дэмжиж байгаа аж. Тоглолт Бөхийн өргөөнд энэ сарын 14-нөөс тоглогдох бөгөөд хөдөө орон нутагт хэзээ тоглолт хийх, билетийн үнэ, хэзээнээс худалдаалагдах талаар удахгүй мэдээлэл хийх юм байна.

Одоогийн байдлаар Увс, Завхан, Архангай, Сүхбаатар аймагт зудын нөхцөл байдал хүндэрч нийт 300 гаруй мал хорогдоод байгаа аж. Эргэн хамтран дуулахаар болсон хоёр гавьяат ийнхүү малчдыг дэмжихээр шийджээ.

Дашрамд сонирхуулахад, дуучин С.Жавхлан сонгуульд нэр дэвших тухайд одоогоор шийдээгүй байгаагаа дуулгасан юм.

АНУ-ын “Forbes” сэтгүүл 30 жилийн ойн дугаартаа, дэлхийн хамгийн баян хүмүүсийн жагсаалтыг нийтэлжээ. 2016 онд тэрбумтануудыг Microsoft-ийн үүсгэн байгуулагч Билл Гейтсийн хөрөнгө 75 тэрбум ам.доллараар үнэлэгдэж дахин тэргүүлжээ. Хоёрдугаарт, Испанийн бизнесмэн, Zara-г үүсгэн байгуулагч Амансио Ортега, 67 тэрбум ам.доллараар, гуравт АНУ-ын хөрөнгө оруулагч, Berkshire Hathaway-г үндэслэгч Уоррен Баффет 60.8 тэрбум ам.доллараар багтав.

Эхний арван баян хүнд Facebook нийгмийн сүлжээний үүсгэн байгуулагч Марк Цукерберг (44.6 тэрбум ам.доллар) Oracle компанийн гүйцэтгэх захирал Ларри Эллисон (43.6 тэрбум ам.доллар), Нью-Йорк хотын хуучин дарга Bloomberg-ийн үүсгэн байгуулагч, Майкл Блумберг (40 тэрбум ам.доллар), ах дүү хөрөнгө оруулагчид Чарльз ба Дэвид Кох (гэхэд 39.6 тэрбум ам.доллар)-аар багтжээ.

“Ядуугийн зовлон” кино 2000 оны эхээр
дэлгэцнээ гарч тухайн үедээ үзэгчдийг байлдан дагуулж байсан. Монгол орчин
цагийн хамгийн анхны аймшгийн кино уг бүтээлийг мэдэхгүй хүн үгүй. Тэгвэл тус
киноны цуврал хоёрдугаар анги тун удахгүй нээлтээ хийхээр болжээ.

Киноны найруулагчаар Ц.Хүсэлбаатар ажиллаж байгаа
бөгөөд киноны гол дүрд жүжигчин Д.Хүрэлхүү, Ц.Цэрэнболд, А.Адилцэцэг,
Ц.Алдармаа нар тогложээ.

Дуучин Адель дэлхийн өнцөг булан бүрт шүтэн
бишрэгчтэй төдийгүй задгай сансарт ч түүний дууг сонсдог хүн байдаг аж. Өчигдөр
Их Британийн хөгжмийн шагнал гардуулах ёслолын үеэр Адельд Их Британийн олон
улсын сансрын станцаас сансрын нисэгч Тим Пике видео мэндчилгээ илгээсэн нь
түүнийг O2 Арена тайзан дээр уйлуулж орхижээ. Аделийг Британийн хөгжмийн шагнал
авсны дараа видео мэндчилгээ явж эхэлжээ. Мэндчилгээнд “Бүгдэд нь оройн
мэнд. Би олон улсын сансрын станцад ажиллаж буй Британийн анхны сансрын
нисэгч Тим байна. Олон улсын сансрын станцаас та бүхний энэ сайхан үдэшлэгт
оролцох завшаан тохиолоо. Харин одоо дэлхийн хэмжээний амжилт гаргасан
дуучин шагналыг гарцаагүй авах ёстой хүний нэг Адельд баяр хүргэе” гэжээ.

“Херо энтертаймэнт” студийн захирал, найруулагч Б.Баатар “Монгол тулгатны 100 эрхэм” нэвтрүүлгээс хөндийрөхийг хүсч байна. Энэ нэвтрүүлгийг хийх дараагийн боломж найруулагчдад бий” хэмээн мэдэгдээд байв. Тэгвэл түүний эл мэдэгдэл биелэлээ олж, Б.Баатар “Херо энтертайнмэнт”-ийг орхиж, Ийгл телевизийн Ерөнхий найруулагчаар томилогдсон байна.

Жүжигчин, найруулагч Ш.Доржсүрэн болон жүжигчин,
продюссер А.Мөнгөнзул нарыг урлагийн сайхан хосууд гэдгийг хэн
бүхэн мэдэх билээ. Тэгвэл урлагийн гэр бүлд төрж өссөн тэдний том хүү
Д.Эрдэнэбулган нь PLUS MOTION pictures-ийг байгуулж кино урлагт хөл
тавьж анхны уран бүтээлээ гаргасан байна.

Тус киноны найруулагчаар ажилласан Д.Эрдэнэбулганд эцэг эхээс
гадна англи хэлний мэдлэг нь чөлөөтэй сэтгэн бодож уран бүтээлээ
туурвихад нь нөлөөлсөн гэнэ. Д.Эрдэнэбулганы анхны уран бүтээл болох “ДУРЛАЛ
СҮЙТГЭГЧ” уран сайхны кино нь 2 сарын 12-оос эхлэн бүх кино театруудаар
гарч эхэлсэн. “ДУРЛАЛ СҮЙТГЭГЧ” уран сайхны киног хайртай
хүнтэйгээ ирж үзээрэй.

Дэлхийн шилдэг жүдочидтой хамтран ажилладаг “Fighting Films” спортын кино, реклам үйлдвэрлэлийн газар “Монголын жүдо” хэмээх баримтат кино хийхээр болжээ. Тус кинонд Монголын жүдо бөхийн түүх, хөгжил,өнөөгийн байдал, тив, дэлхийн хэмжээнд үзүүлсэн амжилт зэргийн тухай өгүүлэх аж. Зураг авалтыг Английн Бристон хотноо хийжээ.

Баримтат киноны зураг авалтад “Fighting Films” компанийн брэндийн төлөөлөгч Монгол Улсын Хөдөлмөрийн баатар, Гавьяат тамирчин Х.Цагаанбаатар болон ДАШТ-ий мөнгөн медальт, Гавьяат тамирчин Д.Амартүвшин, ОУХМ Д.Төмөрхүлэг нар оролцсон байна.

рэммигийн 58 дахь удаагийн шагнал гардуулах ёслолд хүрэлцэн ирсэн оддоос хэний гоёл онцгой вэ. Та сэтгэгдлээ хуваалцаарай…