“Miss Earth” тэмцээн Филиппиний Манила хотод амжилттай болж байна. Эх дэлхийгээ хамгаалахын төлөө дуу хоолойгоо өргөж буй гоо бүсгүйн тэмцээнд 80 гаруй орны мисс оролцож байгаа бөгөөд манай улсаас эх орноо төлөөлөн уран нугараач, мисс Э.Азбилэг оролцож байгаа юм.
Тус тэмцээний авъяаслаг миссүүдийг өчигдөр шалгаруулсан бөгөөд эх орноо төлөөлөн оролцож байгаа мисс Э.Азбилэг авъяаслаг мисс шагналын эзэн болжээ.
Азийн топ модель, загвар өмсөгч С.Сарнай Малайз улсад болсон Олон улсын миссийн тэмцээнд түрүүллээ. Тодруулбал, тэрээр Малайзын Куала Лумпур хотноо болсон “Miss Nobel and Mrs Nobel Queen” тэмцээний ялагч болж тэргүүн титмийг зүүхийн зэрэгцээ дэмжигчдийн хандалтаар шалгаруулсан “Miss popular” шагналын эзэн болсон байна.
Энэхүү тэмцээнд ялагч болсноор С.Сарнай Малайздаа шилдэгт тооцогдох гэрэл зурагчнаар зургаа авахуулахаас гадна Лос Анжелес рүү нисэх онгоцны тасалбар, Холливүүдийн нэртэй студи, загварын агентлагтай холбогдох гээд ойролцоогоор 50 мянган малай ренгэт буюу 12 мянган.ам долларын үнэ хүрэх урамшуулал авах аж. Тэрээр ирэх арванхоёрдугаар сард ахин АНУ-ын Холливүүд хотноо зохиогдох сайхан бүсгүй шалгаруулах тэмцээнд оролцохоор зэхэж байгаа юм байна.
Дэлхийн хамгийн үзэсгэлэнтэй, гоо бүсгүйг шалгаруулдаг “Miss World” буюу “Дэлхийн мисс”-ийн тэмцээн ирэх сард АНУ-ын Мэрилэнд мужид эхэлнэ.
Тодруулбал, энэ жилийн “Miss World” тэмцээн АНУ-ын Вашингтон хотноо арваннэгдүгээр сарын 29-нөөс арванхоёрдугаар сарын 18-ны хооронд болох юм.
Харин тус тэмцээнд оролцох Монгол улсын миссийг өчигдөр тодруулсан бөгөөд улсаа төлөөлж А.Баярцэцэг оролцохоор болжээ.
А.Баярцэцэг өнгөрсөн жилийн “Miss World Mongolia” тэмцээнд “Зорилго бүхий гоо сайхан” тодотголтойгоор тэргүүн дэд миссээр шалгарсан. Мөн Австри улсад болсон Эх дэлхийн мисс буюу “Miss Earth” тэмцээнд Монгол улсаа төлөөлөн оролцож, 90 гаруй орны гоо бүсгүйчүүдээс шилдэг 16-д багтсан билээ.
Урлагийн тайзнаа 30 жил монголчуудтайгаа хамт байж, гайхалтай сайхан уран бүтээлээр бэлэг барьдаг МУГЖ, Зууны Манлай дуучин Б.Сарантуяа “30 жил урлагт” тоглолтоо хийх гэж байна.
Тоглолтонд дараах хамтлаг дуучид дуулна:
Харанга хамтлаг
Ардын жүжигчин А.Долгор
МУГЖ Т.Ариунаа
Хурд хамтлаг
Никитон хамтлаг
Титэм хамтлаг
.jpg)
Камертон хамтлаг
Хар сарнай хамтлаг
Дуучин Наран
Fire хамтлаг
Лимонс хамтлаг
Т. Дэлгэрмөрөн
Тоглолт энэ сарын 29-нд 17:00 цагт “Корпорэйт” зочид буудалд байрлах дэлхийн стандартад нийцсэн Convention Centre-ийн тайзнаа болно. Ийм ч учраас түүнд XX зууны манлай дуучин хэмээх алдрыг Монголын ард түмэн хайрласан билээ. Мөн Монгол Улсын гавьяат жүжигчин цол 2016 онд хүртжээ.
МУГЖ Б.Сарантуяагийн уран бүтээлээс танилцуулъя:
| Нэр | Гарсан жил |
|---|---|
| Зүүдний говь | 1993 |
| Инээмтгий хүн | 1994 |
| Аргагүй амраг | 1996 |
| Миний дуу (хуурцаг) | 1997 |
| Эгэл сэтгэл | 1998 |
| Хайрын зөрлөг | 2000 |
| Тэгвэл хоёулаа (хүүхдийн дууны хуурцаг) | 2001 |
| Saraa De Mооn | 2002 |
| Би жаргалтай – double цомог | 2003 |
| Шинэ жилийн аялгуу | 2004 |
| Өнөөдөр ирсэн дурлал | 2007 |
| Төрсөн өдрийн аялгуу | 2009 |
| Хайрын бэлэг | 2012 |
| Сэтгэлийн 9 цацал | 2012 |
“Face of Beauty International 2016” олон улсын миссийн тэмцээн есдүгээр сарын 26-наас аравдугаар сарын 09-ний хооронд манай улсад болж байгаа
билээ.
Тэргүүн титмийн төлөө өрсөлдөхөөр 60 орны гоо бүсгүй хүрэлцэн ирээд байгаа юм.
Тэмцээний шүүгчээр хөтлөгч П.Анужин, Украйны “АМЬД БАРБИ” Валерия Лукьянова, “Face of Beauty International” тэмцээнийг үүсгэн байгуулагч Мила Мануэль нар ажиллаж байна.
Урьдчилсан шалгаруулалтын хамгийн сүүлийнх нь болох “Үдшийн гоёлын даашинз”-тай гоо бүсгүйчүүдийг шалгаруулах тэмцээн аравдугаар сарын 5-нд АСЕМ Вилла-д боллоо.
Энэхүү шалгаруулалтаас шилдэг 15 бүсгүйг тодруулжээ. Үүнд:
“Face of Beauty International 2016” олон улсын гоо бүсгүйчүүдийн тэргүүн титэмийн эзнийг шалгаруулах ёслол КОРПОРЭЙТ зочид буудлын концертийн их танхимд аравдугаар сарын 08 ны Бямба гаригт 19:00 цагаас болно.
Тасалбарыг 1900-1800, 8080-7070 буюу https://www.ticket.mn/event/131/-ээс захиалах боломжтойг зохион байгуулагчид хэллээ.
Эх сурвалж: “Face of Beauty International 2016” тэмцээнийг зохион байгуулах комисс
АНУ-ын “CBS Studios International” компанийн “America’s Next Top Model” реалити шоуг монголчууд андахгүй. Америкийн загвар өмсөгч Tyra Banks-ын хөтөлдөг загварын шоуны монгол хувилбарыг ирэх арваннэгдүгээр сард Монголд хийхээр болжээ. Тус шоуны албан ёсны эрхийг Боловсрол суваг телевизийн хамт олон авсан байна.
Дэлхийн 170 гаруй оронд албан ёсны эрхтэйгээр нэвтрүүлдэг уг реалити шоу нь Монголын телевизийн салбар дахь гурав дахь томоохон хэмжээний шоу гэдгийг албаныхан онцолсон юм.
Мөн “America’s Next Top Model” реалити шоу нэвтрүүлгийн продюсер монголд хүрэлцэн ирж, зөвлөгөө өгч ажиллах гэнэ. Одоогоор уг шоуны оролцогчдын бүртгэл эхлээгүй байгаа бөгөөд моделиор ажиллах хүсэлтэй бүхий л залууст энэ боломж нээлттэй юм байна. “Моngolia`s Next Top Model” реалити шоуны оролцогчоор зургаан эрэгтэй, найман эмэгтэй нийт 14 моделийг шалгаруулж авах төлөвлөгөөтэй байгаа аж. Харин “Моngolia`s Next Top Model” шоуны шүүгчид хэн байх нь нууц хэвээр байна.
Уг шоуны продюсерээр ажиллаж буй загвар өмсөгч Э.Энхболд хэлэхдээ “Цэнхэр дэлгэцийн өмнө үзэгчдийг уях ээлжит реалити шоуны ялагч жинхэнэ утгаараа “Супер од” болно. Ялагч модельд мөнгөн шагналаас гадна Хонгконгийн “SMI Movie” энтертайнмент агентлагтай нэг жилийн хугацаанд хамтран ажиллах гэрээ, Монголын ивээн тэтгэгч байгууллагын дүр төрх болох зэрэг шагналыг гардуулна. Мөн нэвтрүүлгийн багийн зүгээс реалити шоуны үеэр сонирхолтой даалгаваруудыг өгөх болно. Сонирхолтой содон зүйл төлөвлөж, гадны загварын ертөнцөөс хүндтэй зочид ирнэ. Энэ томоохон төсөл хэрэгжсний дараагаар монголын загварын салбарт тодорхой ахиц гарч, иргэдэд эерэг хандлагыг төрүүлнэ гэдэгт итгэж байна” гэсэн юм.
Уг шоуны Монгол хувилбарт оролцогчид нь 16 цуврал нэвтрүүлгийн туршид “Моngolia`s Next Top Model” –ийн төлөө өрсөлдөх юм. Сонирхуулахад “America’s Next Top Model” шоу анх 2003 онд АНУ-д гарч байжээ.
Ням гаригийн үдэш бүр “Монгол HD” сувгаар гарч буй “Авьяаслаг монголчууд-2016” шоуны тав дахь дугаар өнгөрөгч ням гаригт үзэгчдийн хүртээл боллоо. Энэ удаагийн дугаарт “Алтан баззер”-ын хоёр дахь эзнээр” иогч залуу тодорсон юм. Тэрбээр 31 настай бөгөөд Хөвсгөл аймгаас оролцож байгаа ажээ. Энэхүү иогч залуу “Авьяаслаг монголчууд” шоуны тайзнаа дүрэлзэн асч буй галыг залгилж, иртэй хутга гэдсэн дээрээсээ унагаж, хагархай шилэн дээр хэвтэн дээрээ дөрвөн хүнийг зогсоож, хадаастай модыг гэдсэн дээрээ байрлуулан хүн зогсоосон гэх мэтчилэн аюултай үзүүлбэрийг сонирхуулсан юм. Түүний эдгээр үзүүлбэрийг үзсэн шүүгчид болон үзэгчдийг өөрийн эрхгүй уулга алдаж, харц буруулж байв. Үзэгчдийн зарим нь “Одоо болно оо” хэмээн хашгирч байлаа. Энэ эрсдэлтэй үзүүлбэрийн дараагаар шүүгч Ч.Дэлгэрцэцэг “Алтан баззер” дарсан юм.
Холливуудын нэрт жүжигчин Жессика Алба 2011 оны есдүгээр сард “The Honest” компанийг үүсгэн байгуулсан билээ.
Уг компанийн бүтээгдэхүүнийг химийн аргаас үйлдвэрлээгүй бөгөөд жирэмсэн эх, хүүхдүүдэд зориулсан органик бүтээгдэхүүн борлуулдагаараа алдартай юм.
Тэгвэл тус компани 2015-2016 оны хооронд нэг тэрбум ам.долларын ашигтай ажилласан талаар “www.dailymail.co.uk” мэдээллээ.
Алба инстаграмдаа “Та бүхэндээ баярлалаа. Үнэхээр гайхалтай юм” гэж бичжээ. Тэрбээр компаниа удирдахаас гадна өөрөө зар сурталчилгаандаа тоглодог юм.
АНУ-ын Эппл
корпорацийн шинээр гаргаад буй iPhone-7, iPhone-7 Plus цуврал маргаашнаас
албан ёсоор худалдаанд гарах гэж байна. Эдгээр шинэ бүтээгдэхүүнүүд нь
үнийн хувьд iPhone 7 – 649 ам.доллар, iPhone 7 Plus – 769 ам.долларын
үнээр зах зээлд гарч байгаа ба өмнөх загваруудаас илүү сайжирсан үзүүлэлттэй.
Тухайлбал, эдгээр ухаалаг гар утаснууд нь дoтоод санах ой, процессор, камер,
чихэвчний гаралтын хүчин чадлаараа давуу бөгөөд 32, 128, 256 гигабайтын
санах ойн багтаамжтай, 3,5 миллиметрийн чихэвчний гаралттай, усны бүрэн
хамгаалалт, өмнөх загвараасаа хоёрдахин удаан цэнэгээ барьдаг гэх мэт
үзүүлэлттэй аж.
Монголын Казак үндэстэн охин Н.Айшолпаны амьдралаас сэдэвлэн бүтээсэн “Eagle Huntress” кино АНУ-ын “Sundance” наадмын үеэр нээлтээ хийсэн. Түүний кино адгаа АНУ, Канад зэрэг олон улсын хүртээл болоод буй.
Мөн киног Хойд Америк, Латин Америк, Герман, Австрали зэрэг орны зах зээлд гаргах эрхийг “Sony Pictures Classics” компани худалдаж авчээ. Тэгвэл Н.Айшолпан охиныг кино нээлтийн үеэр алдарт жүжигчин Леонардо Ди Каприогийн ээж аав, ээжийнх нь хамт үдийн зллгт урьсан байна. Охин саналыг талархан хүлээн авч ДиКаприогийн гэр бүлтэй үдийн зоог барьжээ.
