Италийн алдарт зохиолч Нобелийн шагналт Дарио Фогийн “Чөлөөт хос” мюзикл инээдмийн жүжиг дахин тавигдах нь. Жүжгийг Урлагийн гавьяат зүтгэлтэн Ч.Найдандорж найруулжээ. Гол дүрд Ц.Баясгалан, Э.Тодгэрэл, Г.Дөлгөөн-Аюуш нар тоглох юм байна. Уг жүжиг энэ сарын 27, 28-нд хоёрхон удаа тоглогдох аж. Жүжигт Антония бүсгүй нөхрийнхөө эх захгүй янаг амрагийн явдлаас залхан амиа хорлохыг завдана. Харин өөрийн чөлөөт амьдралыг илүүд үзсэн нөхөр нь түүнийг элдвээр тайтгаруулж ядаад эцэстээ “Чөлөөт хос”-ын амьдралыг санал болгоно.
Антония нөхрийнхөө энэ галзуу саналыг сонсоод солиорох дөхөх хэдий ч нөхөр нь засрах битгий хэл нууц амрагуудаа хүртэл түүнтэй танилцуулахыг хүснэ. Сэтгэлийн зовлонд унасан эхнэр энэ бүхнийг хэрхэхээ мэдэхээ болиод хий л шанална. Эр нөхрөөсөө өөр хэн нэгнийг хайрлана гэхэд санаанд нь үл багтавч, ийн доромжлогдон басамжлагдсан нь өөрийгөө өөрчлөх сэтгэлийг төрүүлнэ. Тэрээр урьдын адил уйлж унжин, нөхрөө гуйж, үхэх, салахаар айлгасан эхнэр биш болж, ганцаараа өөрийн эрхээр амьдарч чадах аз жаргалыг мэдэрч, эцэстээ хайсан эр хүнээ ч олов.
Харин энэ бүхнийг харсан эр нөхөр нь эхнэрээ хардан харамлаж, хайр сэтгэлтэй гэдгээ мянга хэлээд тусыг эс олсонд амиа хорлох гэж оролдсон ч бүх зүйл оройтсон байна. Энэ бүхний учрыг “Чөлөөт хос” жүжиг танд тайлах болно.
Монголын загварын ертөнцийн нэгэн өвөрмөц дүр төрх болдог загвар өмсөгч Б.Ялгууны зураг алдарт “Vogue” сэтгүүлд хэвлэгджээ. Б.Ялгуун саяхан Италийн “Marco de Vincenzo” брэндийн “Pre-fall 2017” цуглуулгын каталогийн зураг авалтад оролцсон байна. Мөн тэрээр дэлхийд алдартай “IMG Models” агентлагтай хамтран ажиллах гэрээ байгуулсан. “Монгол модель” агентлагийн загвар өмсөгч Б.Ялгуун нь өдгөө 20 настай юм.
Монгол Улсын гавьяат тамирчин Д.Сумъяагийн бодит амьдралаас сэдэвлэсэн “Цагаан хадаг” уран сайхны кино олон улсын кино наадамд нэр дэвшжээ. Тодруулбал, Бангладеш улсад нэгдүгээр сарын 12-20-нд болж буй 15 дугаар “Dhaka International Film festival-15th” кино наадам, Энэтхэг улсад хоёрдугаар сарын 2-9-нд зохион байгуулах “Bengaluru International Film-9th” кино наадамд тус тус Азийн шилдэг кино номинацид шалгарч нэр дэвшүүлсэн байна.
13 наснаасаа “бүргэдчин охин” хэмээн алдаршсан Н.Айшолпан охины амьдралаас сэдэвлэн бүтээсэн “Бүргэдтэй анчин” буюу “The Eagle Huntress” кино дэлхийн олон оронд нээлтээ хийжээ. Отто Беллийн найруулсан уг кино 87 минут үргэлжилдэг. Тэгвэл монголынхоо үзэгчдэд зориулан “Бүргэдтэй анчин” кино ирэх дөрөвдүгээр сард Монголын кино театруудаар нээлтээ хийх гэнэ.
УИХ-ын гишүүн асан М.Зоригт эх орноо тойрон аялаж ястан, угсаатан бүрийн онцлогийг харуулсан баримтат кино хийхээр шийджээ. Тэрбээр 21 аймаг, 331 сумаар аялах санаагаа Өмнөд Солонгост 600 км дугуйгаар аялахдаа олсон гэнэ. Тэрбээр, “Би амьдралын 50 гаруй жилд ингэж эрх чөлөөтэй өөрийн зоргоор амьдарч үзсэнгүй. Ясли, цэцэрлэгээс эхлээд бага, дунд, их сургууль, хожмоо ажил алба, УИХ, Засгийн газарт ажиллан байнга л бусдын зоргоор, бусдын төлөө ажиллаж байсан бол өнгөрсөн оны сонгуулиас хойш өөрийнхөө дур зоргоор, санаснаа хийж, сайхан байна” хэмээн өгүүлсэн удаатай.
Соёлын тэргүүний ажилтан, жүжигчин Б.Амарсайхан болон түүний гэргий С.Уран нар АНУ-ын уран бүтээлчидтэй хамтран Есүс Христийн тухай кино бүтээхээр ажиллаж буй юм байна.
Америкийн кино урлагийн 74 дэх удаагийн “Алтан бөмбөрцөг” шагнал гардуулах ёслолын улаан хивсний ёслол Нью Йорк хотноо амжилттай зохион байгуулагдаж байна. Энэ удаагийн шилдэг найруулагчаар Damien Chazelle “La La Land” бүтээлээрээ шалгарсан бол шилдэг жүжигчнээр Ryan Gosling, драммын шилдэг жүжигчнээр Casey Affleck нар шалгарчээ. Ингээд Холливуудийн алдартнууд улаан хивсээр хэрхэн алхсаныг сонирхуулъя.
УИХ-ын гишүүн С.Жавхлан төрийн ажлаа хийхийн хажуугаар нийслэлийнхний толгойн өвчин болоод байгаа утааны асуудлаар ч дуу зохиож дуулжээ. Тэрээр өөрийн авьяас чадвараа ашиглан “Ээ халаг” дууны үгийг зохиолцож, утааны эсрэг дуу хоолойгоо нэгтгэж байгаа гэнэ. Эрхэм гишүүний дуунд
Өчигдөр нээлтээ хийсэн “Амьдралоги” романтик, инээдмийн уран сайхны киноны гол дүрд тоглосон Б.Янжиндулам БНСУ-ын Урлагийн үндэсний их сургуулийн шилдэг оюутан болжээ.