Category: энтертаймент-ертөнц

Өнгөрсөн бүтэн сайн өдөр Грэмми-ын шагнал гардуулах 59 дэхь ёслолын арга хэмжээ нээлтээ хийлээ. Дуучин Адель өөрийн хит дуугаараа ая дууны мэндчилгээ дэвшүүлжээ. Ихэр хүү тээж буйгаа зарлаад буй дуучин Бейонсигийн сүүлд гаргасан “Lemonade” цомог “Шилдэг цомог” номнацид ялалт байгуулжээ.

“Камертон” хамтлагийн ахлагч, дуучин Д.Болд “Херо” энтертайментаас бэлтгэн хүргэдэг “Монгол тулгатны зуун эрхэм” нэвтрүүлэгт оролцжээ.

Уг нэвтрүүлэгт нийгэм соёлын алдартанууд оролцдог билээ. Дуучин Д.Болд урлагийн гэр бүлээс гаралтай бөгөөд түүний өвөө АЖ, Төрийн соёрхолт, нэрт морин хуурч Г.Жамьян гэдгийг бүгд мэднэ. 2011 онд Монгол Улсын Ерөнхийлөгч Ц.Элбэгдорж Монголын язгуур урлагийг рок поп урсгалаар баяжуулсан дуучин Д.Болдод Төрийн шагнал хүртээж, тэрбээр “Төрийн соёрхолт” цолтой дуучин болсон билээ.

Дуучин Д.Болдын оролцсон уг нэвтрүүлэг тун удахгүй телевизээр цацагдах юм байна.

Жаргал хүү осолд орж эмнэлэгт хүргэгдлээ
гэсэн гэнэтийн мэдээг дуулаад Галаа эмнэлэг рүү яаран гүйнэ… Хүүг
сэхэхгүй ч байж мэднэ гэх эмч нарын яриаг аав нь сонсохыг ч хүсэхгүй
байв. Олон сар ухаангүй хэвтсэн хүүгийнхээ төлөө шантралгүй тэмцэх эцэг
хүний сэтгэл. Галаа хүүгээ нэг л өдөр ухаан орно гэдэгт итгэсээр…

Энэ бол найруулагч Б.Ганболдын “Хоёр амь” хэмээх шинэ уран бүтээл.

Б.Ганболд найруулагчийг хүний амьдралын
эрээн барааныг харуулах сэтгэлзүйн эмгэнэлт драм болох “Орхидос”,
өнөөгийн галзуурчхаад байгаа нийгмийн талаар өгүүлэх “Улаан дөрвөлжин”
зэрэг нийгэмд бугшсан далд сэдвийг хөндөж тавьдгаар нь үзэгчид сайн
мэдэх билээ.

Тэгвэл тэрбээр энэ удаагийн шинэ
бүтээлдээ сэтгэл эмзэглэм үйл явдал, эцэг хүний үрээ гэсэн хайр, тэмцэл,
хүүгийнхээ төлөө юу ч хийхэд бэлэн чин сэтгэлийг өгүүлэхийн сацуу буян
нүглийн талаарх ойлголтын талаар энэхүү бүтээлээс олж харах ажээ.

”Хоёр амь” кино нь “Монгол контент” ХХК, “Хамба фильм”, “SB picture”-ын хамтын бүтээл бөгөөд маргааш нээлтээ хийнэ.

Филиппиний нийслэл Манила хотноо 86 дахь удаагаа “Ертөнцийн гоо бүсгүй” тэмцээн болж өнгөрлөө. Энэ удаад Францыг төлөөлөн оролцсон 24 настай Ирис Маттенэр тэргүүн байрны шагналыг хүртсэн байна. “Францын гоо бүсгүй”-гээр шалгарсан тэрээр Лилль хотод амьдардаг бөгөөд шүдний эмч мэргэжлээр Анагаах их сургуульд сурдаг аж.

Энэ жилийн “Ертөнцийн гоо бүсгүй” тэмцээнд 86 орны бүсгүйчүүд авьяас, чадвараа сорьсон байна. Хоёрдугаар байранд Гаитигийн төлөөлөн оролцсон Ракель Пелисье, гуравдугаарт Колумбийн гоо бүсгүй Андреа Товар нар тус тус шалгарсан байна.

Академийн тэргүүн дээд шагнал гардуулах 89 дэх удаагийн наадамд нэр дэвшигчдийг албан ёсоор зарлалаа. “Алтан бөмбөрцөг”-өөс нэр дэвшсэн бүх долоон номинацидаа ялснаар шинэ амжилтын эзэд болсон “La La Land” кино багийнхан “Оскар”-ыг ч мөн түүчээлж байна. Тус кино нийт 14 номинацид нэр дэвшсэнээр “Titanic”, “All About Eve” киноны түүхэн амжилтыг давтжээ.

Мөн “Moonlight” болон “Arrival” кино тус тус найман номинацид нэр дэвшсэн байна.

“La La Land” шилдэг найруулагч, шилдэг зураг авалт, шилдэг зохиол, мөн гол жүжигчид болох Эмма Стоун, Рьян Госслинг нар шилдэг гол дүрийн жүжигчдэд мөн өрсөлдөх юм.

89 дэх удаагийн “Оскар” хоёрдугаар сарын 26-нд Холливудэд болох бөгөөд телевизийн шоуны хөтлөгч Жимми Киммел хөтлөн явуулах ажээ.

89 ДЭХ УДААГИЙН “ОСКАР”-Т НЭР ДЭВШИГЧИД:

Шилдэг эрэгтэй гол дүрийн жүжигчин:

• Кейси Аффлек “Manchester by the Sea”
• Эндрью Гарбилд “Hacksaw Ridge”
• Рьян Госслинг “La La Land”
• Вигго Мортенсен “Captain Fantastic”
• Дензен Вашингтон “Fences”

Шилдэг эрэгтэй туслах дүрийн жүжигчин:

• Махершала Али “Moonlight”
• Жефф Брижис “Hell of High Water”
• Лукас Хеджс “Manchester by the Sea”
• Дев Пател “Lion”
• Майкл Шэннон “Nocturnal Animals”

Шилдэг эмэгтэй гол дүрийн жүжигчин:

• Изабель Хюпперт “Elle”
• Рут Негга “Loving”
• Натали Портмэн “Jackie”
• Эмма Стоун “La La Land”
• Мерил Стрип “Florence Foster Jenkins”

Шилдэг эмэгтэй туслах дүрийн жүжигчин:

• Вайола Дэвис “Fences”
• Наоми Харрис “Moonlight”
• Николь Кидмэн “Lion”
• Октавия Спенсер “Hidden Figures”
• Мишель Уилльямс “Manchester by the Sea”

Шилдэг энимэйшн кино:

• “Kubo and the Two Strings”
• “Moana”
• “My Life as a Zucchini”
• “The Red Turtle”
• “Zootopia”

Шилдэг зураг авалт:

• “Arrival”
• “La La Land”
• “Lion”
• “Moonlight”
• “Silence”

Шилдэг хувцас дизайн:

• “Allied”
• “Fantastic Beasts and Where to Find Them”
• “Florence Foster Jenkins”
• “Jackie”
• “La La Land”

Шилдэг найруулагч:

• Деннис Вилленью “Arrival”
• Мел Гибсон “Hacksaw Ridge”
• Дамьен Шазель “La La Land”
• Кеннет Лонерган “Manchester by the Sea”
• Барри Женкинс “Moonlight”

Шилдэг баримтат кино:

• “Fire at Sea”
• “I Am Not Your Negro”
• “Life, Animated”
• “O.J.: Made in America”
• “13th”

Шилдэг богино хэмжээний баримтат кино:

• “Extremis”
• “4.1 Miles”
• “Joe’s Violin”
• “Watani: My Homeland”
• “The White Helmets”

Шилдэг эвлүүлэг:

• “Arrival”
• “Hacksaw Ridge”
• “Hell of High Water”
• “La La Land”
• “Moonlight”

Гадаад хэл дээрх шилдэг кино:

• “Land of Mine”
• “A Man Called Ove”
• “The Salesman”
• “Tanna”
• “Toni Erdmann”

Шилдэг нүүр хувиргалт:

• “A Man Called Ove”
• “Star Trek Beyond”
• “Suicide Squad”

Шилдэг киноны хөгжим:

• “Jackie”
• “La La Land”
• “Lion”
• “Moonlight”
• “Passengers”

Киноны шилдэг дуу:

• “La La Land” киноны “Audition”
• “Trolls” киноны “Can’t Stop the Feeling”
• “La La Land” киноны “City of Stars”
• “Jim: The James Foley Story” киноны “The Empty Chair”
• “Moana” киноны “How Far I’ll Go”

Шилдэг кино:

• “Arrival”
• “Hell of High Water”
• “Hidden Figures”
• “La La Land”
• “Lion”
• “Manchester by the Sea”
• “Moonlight”

Шилдэг продюсер:

• “Arrival”
• Fantastic Beasts and Where to Find Them”
• “Hail, Caesar!”
• “La La Land”
• “Passengers”

Шилдэг богино хэмжээний энимэйшн кино:

• “Blind Vaysha”
• “Borrowed Time”
• “Pear Cider and Cigarettes”
• “Pearl”

Шилдэг богино хэмжээний кино:

• “Ennemis Interieurs”
• “Le Femme et le TGV”
• “Silent Nights”
• “Sing”
• “Timecode”

Шилдэг дууны найруулга:

• “Arrival”
• “Deepwater Horizon”
• “Hacksaw Ridge”
• “La La Land”
• “Sully”

Шилдэг дууны эвлүүлэг:

• “Arrival”
• “Hacksaw Ridge”
• “La La Land”
• “Rogue One: A Star Wars Story”
• “13 Hours: The Secret Soldiers of Bengazi”

Шилдэг визуал эффект:

• “Deepwater Horizon”
• “Doctor Strange”
• “The Jungle Book”
• “Kubo and the Two Strings”
• “Rogue One: A Star Wars Story”

Шилдэг сэдэвлэсэн кино зохиол:

• “Arrival”
• “Fences”
• “Hidden Figures”
• “Lion”
• “Moonlight”

Шилдэг кино зохиол:

• “Hell of High Water”
• “La La Land”
• “The Lobster”
• “Manchester by the Sea”
• “20th Century Women”

Жюү жицүгийн УАШТ Спортын төв ордны “А” тэнхимд эхэллээ. Тус тэмцээнд Монголын шилдэг тамирчид улсын аварга цолны төлөө өрсөлдөж байна.

Мастерс 1 ангиллын эрэгтэйчүүдийн цагаан бүсний 69 кг-д өрсөлдсөн “Тв коктейль” хамтлагийн жүжигчин Өөскө буюу А.Өнөржаргал хүрэл медалийн төлөөх барилдаанд “Гаруда” клубын Ж.Алтантулгыг 2:0-ээр яллаа.

УАШТ-д анх удаа оролцож байгаа тэрээр эхний тойрогт “Аврагч” клубын тамирчин А.Баярсайханыг ялсан ч хагас шигшээд “Гаруда” клубын З.Төгөлдөрт дийлдсэн байна.

Энэ сарын 19-нд Сөүл хотноо Солонгосын алдарт дуучин, жүжигчин Рэйн жүжигчин Ким Тэхи нар хуримаа хийжээ. Тэд католик сүмд хуримаа хийж эхнэр нөхөр болсноо зарлажээ. Энэхүү ёслолд зөвхөн тэдний гэр бүл, дотны найз нөхөд л оролцсон гэнэ.

Рэйн одоо 34 настай, Тэхи 37 настай юм байна. Тэд анх 2011 онд олон ангит кинонд тоглохдоо дотносож 2012 оны намраас болзож эхэлжээ.

О.ӨНӨР

“Дэлхийн мисс”-н тэмцээнд улсаа төлөөлөн амжилттай оролцож 11-р байрт шалгарсан А.Баярцэцэг Холливудын алдарт жүжигчин Стивен Сигалынд уригдан зочилжээ. Улмаар А.Баярцэцэг АНУ-ын Аризона муж дахь түүний гэрт зочилжээ.

Тэрбээр энэ тухайгаа “Багш гэж хэн бэ гэж бодогдлоо. Багш хүн чамд аливааг яаж хийхийг зааж өгөхгүй байж болох ч алийн хэдийнэ чадах чансаатай дотоод “би”-г чинь сэртэл нь сэгсэрчих урам зориг, итгэл найдварын галыг асаадаг хүн юм шиг санагдлаа. Энд байх өдрүүдийн богиныг мартаж эрхэм багш нар мэт ах эгч нараасаа залуу хүмүүс зөв хүн байж, зөв зүйл хийж, зөв амьдарч, зөв нөхдөөр хүрээлүүлж зорилго мөрөөдөлдөө хүрэх тухай сургааль мэдлэгийг нь сонсож суух юутай сайхан. Гэртээ халуун дотноор хүлээж авч байгаа Стивен Сигалд баярлалаа” хэмээн цахим хуудастаа бичжээ.

Мисс А.Баярцэцэг тун удахгүй нээлтээ хийх “Явуулын хүн” уран сайхны киноны нээлтэд оролцохоор ирэх хоёрдугаар сард Монгол улсдаа ирэх аж.