Category: энтертаймент-ертөнц

KPOP сонирхогч залуучуудын дунд жил бүр зохиогддог KPOP World Festival 2018 найм дах удаагаа болох гэж байна. Уг фэстивал нь Монголын бүсийн ялагчийг сонгон шалгаруулсаар найм дах жилтэйгээ золгож буй юм. БНСУ-аас Монгол улсад суугаа элчин сайдын яам, Монгол дах солонгос улсын нийгэмлэгээс энэхүү тэмцээнийг зохион байгуулдаг билээ. Тэмцээний сүүлийн шат 2018 оны тавдугаар сарын 26-ны өдөр 16:00 цагт Улаанбаатар чуулгын концертын танхимд болох юм байна. Ирэх сарын 5-ны өдрийн 14:00 цагт Сүнжин Гранд зочид буудлын Grand Ball Room Hall-д урьдчилсан шалгаруулалт болох юм байна. Бүртгэлийн хугацаа ирэх сарын 1-ний өдөр хүртэл явагдах аж.
Оролцохыг хүсэгчид 2018 оны тавдугаар сарын 1-нээс өмнө Монгол дах Солонгос иргэдийн нийгэмлэг дээр (утас, хоумпэйж)бүртгүүлэх юм байна.

“Монголын нууц товчоо”-ноос сэдэвлэн бүтээсэн “Чингис Хаан” бүрэн хэмжээний анимэйшин хүүхэлдэйн кино энэ сарын 31-нд нээлтээ хийхээр болжээ. Тус анимэйшн нь Диснэй компанийн стандартуудыг бүрэн хангаж бүтсэнээрээ онцлогтой юм байна. Ocean pictures студийн хамт олон ирээдүй хойч үе, хүүхэд залууст оюуны хөрөнгө оруулалт хийх, дэлхийд Монгол Улсыг сурталчилан таниулах томоохон контент болсныг дуулгалаа.

Хүүхэлдэйн киноны ерөнхий найруулагч Б.Тэнгис ярихдаа:

Бид түүхэн эх сурвалжаас авч, зохиолыг нь өөрсдөө бичээд найруулсан. Монголд орхигдсон салбар бол хүүхдийн контент. Хүүхдүүд дэлхийн форматтай хамгийн сүүлийн үеийн киног үздэг. Үндэсний контентоо хүргэе гэхээр яг тэр түвшинд хийхгүй бол үзэхгүй. Хамгийн дээд түвшинд хийхийн тулд олон жилийн хөдөлмөр зарцуулсан. Нийт 1000 гаруй уран бүтээлчид оролцсон. Одоо үед хүүхэд багачууд анимэйшн их үздэг. Үүнийг дагаад бид дэлхийн шилдэг анимэйшний зэрэглэлээр хийхээр зорьсон. Залуучууд өсвөр үеийнхэн Нууц товчоогоо уншихгүй байна. Үг хэллэгийг ойлгоход хүнд байдаг. Харин бид үг хэллэгийг энгийн хэлбэрт оруулж,ойлгуулахад анхаарч ажилласан. Үүх түүх, ёс заншил, газар шорооны үнэ цэнийг мюзикл дуугаар илэрхийлсэн. Нууц товчооны найман бүлгийн 1146-1206 оны хоорондох үйл явдлыг товчилж хийсэн. Хүүхдийн контент учраас ёс бус үг хэллэг, цус харуулахгүй. Энэ дотор дуу байгаа. Бөртэ хатны дууг Маралжингоо, Эгшиглэн, Агиймаа нар дуулсан. Тэмүүжингийн дууг Харангын Чулуунбат ах дуулсан. Дэлхийн форматад хүргэх гэж хичээсэн.

Хүүхэлдэйн киног хийхэд хүндрэл хэр байв? Хөрөнгө оруулалтаа хэрхэн босгосон бэ?

Мэдээж хүндрэл их гарсан. Хөрөнгө оруулалтыг босгоход хүнд байсан. Бид анх зураг байхаас нь эхлээд хоёр Ерөнхийлөгч, гурван Ерөнхий сайд, 25 улсын их хурлын гишүүн болоод бизнесмэнүүдтэй уулзан, төслөө танилцуулсан. Чингис хааны тухай ярьдаг бүх л хүн дээр очсон. Гэвч Монгол Чингис хааны өлгий нутаг мөртлөө Чингис хаан дээрээ бүгд өөрөөр ханддаг гэдгийг ойлгож авсан. Гэхдээ сайн санаат олон хүмүүсийн ачаар энэ киногоо дуусгасан. Хонконг, Шанхай, Бээжин, Канны маркетуудаар киногоо авч очсон. Канны ном дээр хэвлэгдсэн. Гадныхан маш ихээр сонирхож байгаа. Хүүхдүүд гадаадын маш олон контентоор дарагдаж байна. Энэ бүхнээр дамжаад гадаадын соёлын дайралт орж ирж байна. Хүссэн хүсээгүй эцэг эхчүүд хүүхдүүддээ үзүүлдэг. Тэгвэл бид монгол хувцастай, уламжлал ёс заншилаа харуулсан контентоор дамжуулж хүргэх юм бол хүүхдийн хөгжилд нөлөөлөх зүйл бол анимэйшн. Дараа дараагийн контентоо хийж эхэлсэн. Энэ удаад түүхэн бус зөвхөн хүүхэд багачуудад зориулсан энгийн гоё контент байгаа. Дэлхий дээр анимэйшн бол 350 тэрбум төгрөгөөр эргэлддэг маш том зах зээл. Дэлхий дахинд монголчууд оюун ухаанаараа хийж чаддаг, бүтээдэг гэдгээ харуулахыг хүссэн. Кино маань англи хятад хэл дээр орчуулагдсан. Өнгөрсөнд байхгүй ирээдүйг бүтээнэ гэдэг хүнд байлаа гэлээ.

Монгол Улсын төрийн шагналт, түүхч Д.Өлзийбаатар ярихдаа:

Би түүхийн зөвлөхөөр хамтарч ажилласан. Монгол агуу түүхтэй улс. Монгол шиг түүх бүтээж үлдээсэн ард түмэн дэлхийн түүхэнд ховорхон. Таван хуруунд багтана. Дэлхийн хэмжээнд бүтээгдсэн түүхээ өөрсдөө сурталчилах хэрэгтэй. Мэдэж байх ёстой. Энэ бидэнд дутагддаг. Бид түүхээсээ хөндий байна. Яаж судлах, юу уншихаа мэдэхгүй байна. Түүхийн хичээлийн чанар тааруу байна. Иймэрхүү зүйл яриад олон жил боллоо. Монголчуудад түүхээ сонирхдог,үздэг, түүхэндээ хайртай болоход олон төрлийн ажлууд хэрэгтэй. Энэ дундаа хүүхэлдэйн кино. Манай залуу үеийнхэн өсвөр насныхан түүхээсээ хөндий байна. Нууц товчоогоо уншсан нь цөөхөн байна. Нууц товчоо хүнд ном. Тэр бүр ойлгож уншихад хэцүү. Тайлбар хэрэгтэй байдаг. Тэгэхээр хүүхдүүдэд зориулсан дэлхийн стандарт хангасан хүүхэлдэйн кино бүтсэн нь гайхамшигтай. Монголчууд түүхээ мэддэг, хайрладаг, хүндэлдэг байх ёстой. Ингэхийн тулд түүхчид судлаачид бид түүхийг нь хэлж байх ёстой. Залуучууд анимэйшныг асар их сонирхож үздэг болсон. Үүнийг үзсэнээр түүхээ сонирхоно, мэддэг болно. Олон хагарал зовлон тэмцэл дунд бутарсан улсыг нэгтгэж Их Монгол улсаа байгуулсан эхнийнайман бүлгийг тоймлож харуулсан. Монгол Улсын боссон сэргэсэн үе. Бид өөрсдийгөө голдог. Хийж чадах эсэхдээ эргэлздэг. Манай залуучууд хөрөнгөө өөрсдөө босгосон. Энэ бол зөвхөн эхлэл. Цаашид хүүхэд багачуудад зориулсан томоохон бүтээлүүд гарна хэмээн найдаж байна гэлээ.

Б.НОМИН-ЭРДЭНЭ

1.”Peter Rabbit”

Нээлт: 2018 оны 2-р сарын 9

Найруулагч: Will Gluck

Гол дүрд: James Corden, Daisy Ridley, Margot Robbie

Үйл явдал: Тус уран бүтээлд ногооны хүлэмж рүү нууцаар орохыг хичээх сахилгагүй туулайны тухай өгүүлнэ. Бидний үзэж өссөн Петер туулайн дүрийг дэлгэрүүлж, бүрэн хэмжээний кино болгож, дэлгэцнээ амилуулжээ. Амьтдад тохиолдох хөгжилтэй үйл явдлууд танд таалагдах болно хэмээн кино багийнхан мэдэгдээд байгаа юм.

2.”Annihilation”

Нээлт: 2018 оны 2-р сарын 22

Найруулагч: Alex Garland

Гол дүрд: Natalie Portman, Jennifer Jason Leigh

Үйл явдал: Шинжлэх ухааны уран зөгнөлт тус кинонд нэгэн биологич алга болсон нөхрөө хайж буйгаар үйл явдал эхэлдэг. Түүний аялал хачирхалтай болоод сонин содон зүйлсээр дүүрэн байх төдийгүй хэзээ ч төсөөлж, харж байгаагүй бүхнийг энэ киноноос үзэх боломжтой.

“Southern Reach” номноос сэдэвлэн бүтээсэн байна.

3.”Red Sparrow”

Нээлт: 2018 оны 3-р сарын 2

Найруулагч: Francis Lawrence

Гол дүрд: Jennifer Lawrence, Mary-Louise Parker, Joel Edgerton

Үйл явдал: Балерина Доминика Егорова нь Оросын тагнуулын албаны ажилтан бөгөөд ‘Sparrow School’ ажиллагаанд оролцож байгаа тухай уг кинонд өгүүлнэ.

4.”Death Wish”

Нээлт: 2018 оны 3-р сарын 2

Найруулагч: Eli Roth

Гол дүрд: Bruce Willis, Vincent D’Onofrio, Elisabeth Shue

Үйл явдал: Гэр бүлийнхэн рүү нь халдаж, эхнэрийнх нь аминд хүрснийг мэдсэн эр уур бухимдлаа барьж ядан, гэмт этгээдүүдийг олохоор шийднэ. Эгэл нэгэн аав байсан тэрээр эхнэрийнхээ өшөөг авахаар алуурчин болж хувирна.

5.”A Wrinkle In Time”

Нээлт: 2018 оны 3-р сарын 9

Найруулагч: Ava DuVernay

Гол дүрд: Oprah Winfrey, Reese Witherspoon, Mindy Kaling

Үйл явдал: Мег Марри нь Чарльз гэх дүүгийнхээ хамтаар, алга болсон аавыгаа хайхаар шийднэ. Тэд аавыгаа хайж явахдаа, түүнийг шинэ гараг илрүүлсэн болохыг олж мэдэх бөгөөд энэ нь тэдний хувьд тийм ч таатай мэдээ байсангүй. Хүүхдүүдийн адал явдалт аялал, таныг огтхон ч уйдаахгүй аж.

6.“ISLE OF DOGS”

Нээлт :2018 оны 3-р сарын 23

Найруулагч : Вэс Андерсон (Wes Anderson)

Гол дүрд : Bryan Cranston, Koyu Rankin, Edward Norton

Үйл явдал : Fantastic Mr. Fox киногоороо 9 жилийн өмнө байлдан дагуулж байсан Вэс Андэрсон Isle of Dogs- бүтээлээрээ эргэн ирлээ. Энэхүү кинонд бяцхан хүү хайртай нохойгоо алдсанаар киноны үйл явдал өрнөнө. Тэрээр хэнд ч хэлэлгүйгээр нохдын цөллөгийн арал руу очдог. Хайртай нохойгоо хайх явцад түүнийг ямар адал явдал хүлээж байгаа талаар киноноос үзэх боломжтой. Кино шүүмжлэгчдийн үзэж байгаагаар энэхүү кино нь 2018 онд гарч буй хамгийн сэтгэл татам, гэгээлэг киногоор нэрлэгджээ.

7.”Ready Player One”

Нээлт: 2018 оны 3-р сарын 30

Найруулагч: Steven Spielberg

Гол дүрд: Vin Diesel, Olivia Cooke, Hannah John-Kamen

Үйл явдал: Энэхүү кино нь дэлхий дээр зөвхөн виртуал ертөнц л үлдсэн тухай өгүүлнэ. Тус виртуал ертөнцийг бүтээсэн “OASIS” үхэх үед, бүх хэрэглэгчид нууц түлхүүрийг олохын тулд тэмцэх хэрэг гарах аж. Харин энэхүү тэмцэл нь зарим хэрэглэгчдийг хэтэрхий аюултай болгож хувиргана.

8.”AVENGERS: INFINITY WAR”

Нээлт : 2018 оны 5-р сарын 4

Найруулагч : Anthony Russo, Joe Russo

Гол дүрд: Karen Gillan, Dave Bautista, Chris Hemsworth

Үйл явдал: Төмөр хүн, Ахмад Америк, Хүн аалз, зэрэг 100 гаруй ер бусын хүчтэнүүд нэгдэн нэг баг болж дэлхийг устгах төлөвлөгөөний эсрэг төгсөшгүй дайныг эхлүүлэх болно. Хүлээлт үүсгээд байгаа энэхүү кино нь танд таалагдах нь дамжиггүй.

9.“A star wars story”

Нээлт : 2018 оны 5-р сарын 23

Найруулагч : Ron Howard, Lawrence Kasdan

Гол дүрд : Emilia Clarke, Alden Ehrenreich, Woody Harrelson

Үйл явдал : Шинэ ангид залилагч этгээд Хан Сологийн залуу насыг өгүүлэх болно. Хан Солон Оби Кэноби болон Люк Скайвокертой тааралахаас өснөх амьдралыг харуулах болно.

10.“THE INCREDIBLES 2”

Нээлт : 2018 оны 6-р сарын 14

Найруулагч : Brad Bird

Гол дүрд : Sophia Bush, Samuel L. Jackson, Catherine Keener

Үйл явдал : Эхний анги гарснаас хойш 14 жилийн дараа гайхамшигт гэр бүлийн түүх үргэлжлэх нь ээ. Тэд гэр бүлийн асуудлуудаа хамтдаа шийдэж, дэлхийг аврах ажлаа ч үргэлжлүүлнэ. Бяцxан хүү Жекийн супер хүч ч ил гарах цаг болсон байна.

Г.МӨНХЦАЦРАЛ

Жендерт суурилсан хүчирхийллийн “Гинжийг тасал” сэдэвт гар зураг болон зурагт хуудасны бүтээлийн үзэсгэлэнгийн нээлт өнөөдөр Blue Mon centre-д боллоо. Уг үзэсгэлэн нь хүүхэд өсвөр үеийнхний дуу хоолой, үзэл бодлыг урлаг, уран бүтээлээр дамжуулан сурган хүмүүжүүлэгч багш, эцэг эх, асран хамгаалагч нарт нөлөөлөх зорилготой гэнэ. “Гинжийг тасал” нөлөөллийн кампанит ажлыг НҮБ-ын Хүн амын сан, Щвейцарийн Хөгжлийн агентлагийн дэмжлэгтэйгээр өнгөрсөн оны есөн сараас эхлэн манай улсад хэрэгжүүлж байгаа юм байна. Кампанит ажлын хүрээнд нэгдүгээр сард ЕБС-ийн ахлах анги, МСҮТ-д суралцдаг өсвөр үеийн хүүхдүүдийн дунд “Гинжийг тасал” гар зураг болон зурагт хуудасны бүтээлийн уралдаан зарлажээ. Уг уралдаанд оролцогч хүүхдүүдийн ирүүлсэн бүтээлийг үзэсгэлэнд дэлгэжээ. Мөн үзэсгэлэн тавигдсан бүтээлүүдээс шилдэг дөрвийг нь энэ үеэр шалгаруулсан юм.

Үзэсгэлэнгийн нээлтийн үеэр “Хөөрхөн зүрхнүүдийн аян” ТББ-ын зохицуулагч Б.Оюундарьтай энэ тухай ярилцлаа.

Тэрээр ярихдаа “Нийт 150 гаруй бүтээлүүд ирсэн. Гэр бүлийн хүчирхийлэл, хүүхдийн эсрэг хүчирхийлэл, үе тэнгийнхний дарамт, цахим орчин гэсэн дөрвөн үндсэн сэдэв дор зохион байгуулсан. Хүчирхийллийг хэн үйлдэж байна, хэн зааж өгч байна, насанд хүрэгчид томчууд бид шүү дээ. Өдөр тутам томчууд бид бие биенийгээ доромжилж, харааж, хэн нэгний хажууд хүчирхийлэл үйлдэж байна. Дор хаяж бид телевиз радиогоор байлдаан, аллагатай киног хүүхэдтэйгээхамт үздэг мөртлөө хайр сэтгэлийн тухай киноны хэсгийг“том хүнийх” гээд үзүүлэхгүй загнадаг. Бидний гол зорилго юу байсан бэ гэвэл насанд хүрэгчид, эцэг эх, сурган хүмүүжүүлэгч, асран хамгаалагч нарт үүнийг ойлгуулахыг зорьсон. Ийм орчинд өссөн хүүхэд нэг нэгнийгээ доромжилж, зодож хүчирхийлэх ньэнгийн зүйл гэжүзэж байна. Энэхүү үзэсгэлэн манайбайгууллагын хүчирхийллийг эсрэг хийсэн зургаан ажлын нэг нь л юм” гэв.

-Өөр ямар ажил хийсэн бэ?

-“UB COMEDY”-гийн залуустай хамтраад эцгийн эрхт ёсыг буруушаасанөгүүлэмжийгхошин шогийн үзүүлбэрээр үзүүлсэн. NtV телевизийн “Чөлөөт эмэгтэйчүүд” нэвтрүүлэгтэй хамтран гурван удаагийн дугаарыг “Хосын аюулгүй харилцаа”, “Эмэгтэйчүүд хүчирхийлэлд өртөхгүйн тулд яах ёстой вэ?” “Ажлын байрны бэлгийн дарамт” сэдвүүдээрнэвтрүүлэг бэлдсэн. Мөн зурагт номоор дамжуулан хөдөө орон нутгийн эмэгтэйчүүдэд “Гэр бүлийн хүчирхийлэлтэй тэмцэх” тухай хуулийгтаниулах, урьдчилан сэргийлэх, хаалганы цаадах хүчирхийллийг таслан зогсоож, ил гаргах тухай комикс зурагт номнуудыг тарааж байгаа. Маргааш гэхэд бид Дундговь аймагт ажиллах юм.

-Хүчирхийлэлд өртсөн эмэгтэйчүүд хүүхдүүдийн хэдэн хувь ньта бүхэнд ханддаг вэ?

-Сүүлийн жилүүдэд хүчирхийлэлд өртсөн гэжмэдээлж байгаа хүмүүсийн тоо нэмэгдэж байгаа. Энэ нь хүүхдийн тусламжийн утас 108, гэр бүлийн хүчирхийллийн дуудлагахүлээж авах 107, шуурхай тусламжийн утас 102 гэх мэтчилэн утаснуудад хандах нь ихэссэн. Хүчирхийллийн хэргийн тоо нь нэмэгдэх тусмаа хаалттай хаалганы цаана үйлдэгдэж байгаа хэргүүд ил гарч ирж байна гэж үздэг. Нэг ч гэсэн ээж, эмэгтэй, өндөр настан эрхээ хамгаалуулахаар тэмцэж байна гэж бодоорой. Манайд жилд дунджаар 15-20 үйлчлүүлэгч ханддаг, бид үйлчүүлэгдчийнхээмэдээллийг нууцалдаг юм.

-Нэг хохирогчтой ажиллахад хэдий хэр хугацаа шаардагдах вэ?

-Хэлэхэд хэцүү. Энэ зүгээр нэг эвдэрхий ширээ, сандал засч байгаатай адилхан биш.Ялангуяа бэлгийн хүчирхийллийн дарамт бол насан туршдаа хүний сэтгэл санаанд үлдэнэ. Тэр хүнд урт хугацааны тогтмол сэтгэл зүйчийн үйлчилгээ шаардлагатай байдаг. Даанч энэ үйлчилгээг үзүүлэх тогтолцоо, боломж манайд байхгүй. Тогтолцоо бий болж байгаа ч хүн хүч, ажлын байр хүрэлцдэгггүй. Гэр бүл хүүхэд залуучуудын хөгжлийн хэлтэс, аймаг дүүргүүдийн цагдаагийн хэлтэс, нийгмийн ажилтан, сэтгэл зүйчээр дамжуулан үйлчилгээ үзүүлдэг боловч нэг ажилтанд ноогдох хүн хэдэн мянга. Хүртээмжтэй үйлчилгээ үзүүлэх боломж хомс байна.

-Монгол Улсад хүчирхийллийг таслан зогсоох, бууруулахямар арга зам боломж байна вэ?

-Урьдчилан сэргийлэх нь чухал. Таван настай хүүхдэд нэг удаа мэдээлэл хүргээд “За чи мэдлэгтэй болчихлоо” гэх биш тууштай, шаталсан, шинжлэх ухааны цогц хөтөлбөр байх ёстой гэв.

Нэгдүгээр байранд шалгарсан I сургуулийн 12б ангийн сурагч Т.Цэлмэг:

-Би гэр бүлийн хүчирхийлэлд өртсөн охины тухай зурсан. Мэдээллээ сошиал болон зурагтаас авсан. Зурагны маань санаа нь аав нь гаднаасаа гоё харагдаж байгаа боловч дотроо ямар хүн болохыг хүмүүс мэдэхгүй. Архи ууж охиндоо агсам тавьж, бухимдалаа гаргадаг. Цаана нь ээж нь амаадараад, буланд нуугдаад сууж байгаа. Энэ охин өөр хүнд хэлэхээс айгаад, гаднаа инээмсэглэсэн баг зүүсэн боловч уйлж байгаагаар зурсан гэж ярилаа.

–Чамд гэр бүл болон багш, асран хамгаалагч чинь хүчирхийллийн эсрэг ямар нэгэн мэдээлэл, зөвлөгөө өгдөг үү? Хүчирхийллийн эсрэг мэдээллийг чи яаж авдаг вэ?

-Би гэр бүл, багшаасаа авч байгаагүй. Харин сошиал орчин болон зурагтаас авдаг.

Дашрамд сонирхуулахад “Гинжийг тасал” үзэсгэлэн энэ сарын 7-11-ны өдрүүдэд олон нийтэд үнэ төлбөргүй нээлттэй тавигдах аж.

Б.ҮРЖИГ

Г.МӨНХЦАЦРАЛ

ГЭРЭЛ ЗУРГИЙГ: Г.БАЗАРРАГЧАА