Category: энтертаймент-ертөнц

Саяхныг хүртэл дэлхийн хөгжмийн хамгийн том цахим хуудас “Youtube” сайтад саяас дээш хүн үзсэн монгол дуу, бичлэг хоёрхон байсан нь” Маамуу нааш ир”, “Гоёо, гоёо” гэх хүүхдийн дуунууд байв.

Зарим хүмүүс байгалиасаа удирдагч болж төрдөг. Зарим нь тийм биш. Өнгөрсөн оны сүүлээр Vocative сайт дэлхийн 195 улсын удирдагчдын дунд судалгаа явуулжээ. Энэхүү судалгаагаар улс, орон бүрийн удирдагчдыг зурхайн ордоор нь ангилсан аж. Сонирхолтой нь дэлхийн удирдагчдын 12 хувь буюу 22 улсын удирдагч “хилэнц”-ийн ордод төрсөн гэх үр дүн гарчээ. Тэр дунд Австралын Ерөнхий сайд асан Тони Аботт, Ираны удирдагч Хассан Роуханн нар багтсан аж. Харин “нум” болон “арслан”-гийн ордод тус бүр 18 удирдагч төрснөөрөө удаалсан байна.

-ДЭЭРХ ГУРВАН ЗУРХАЙН ОРДОД ТӨРӨГСӨД ЯАГААД ДЭЛХИЙГ УДИРДАЖ БУЙГ MAMIVERSE САЙТЫН ЗУРХАЙЧИД ТАЙЛБАРЛАЖЭЭ-

Хилэнц

Шотландад хийгдэж байсан “Сэтгэц”-ийн судалгаагаар “хилэнц”-ийн ордод төрөгсдийн мэдэрхүй бусад ордод төрөгсдөөс онцгой байсан аж. Англиар “PERCEPTION” гэж нэрлэгддэг мэдэрхүйг орчин, ертөнцийн талаарх далд мэдлэг гэж “сэтгэлзүйчид” орчуулдаг байна. Энэхүү мэдэрхүй нь маш хүчтэй бөгөөд хүний бодлыг унших болон таньж мэдэх гэх мэт зүйлсийг мэдэрдэг аж. Үүнд удирдан зохион байгуулах авьяас ч мөн багтдаг.

Тэд хүний тархи сэтгэхүйгээр хүссэнээр аялаж сонсохыг хүсэж буй үгсийг нь ч мөн хэлж чадах аж. Хилэнцүүд сонгууль болон өрсөлдөөнд ялж болох ч удирдах тал дээр асуудалтайг “14 Brutal Truths About Loving A Scorpio, As Written By One” номонд дурьджээ.

Арслан

Тэд зүгээр л хүчтэй. Тус сайтад Арслангийн ордынхныг харсан хүмүүс тэднээс гэрэл цацарж буйг анзаардаг гэжээ. Кафе Астрологийн зурхайн мэргэжилтнүүд “Түүхийн туршид тэд бүрэн эрхт байдал болон захиргаадалт, эр зоригийн бэлэгдэл болсоор ирсэн” хэмээн одон орны сурах бичигт тэмдэглэжээ.Тэд бол “арслан” шиг хүчтэй удидагчид. Америкийн ерөнхийлөгч Барак Обама, Бил Клинтон нар тус ордод төрсөн байна.

Гэвч “арслан”-гууд төрийн тэргүүн байх хугацаандаа ямар нэг буулт хийхийг хүсдэггүй аж. Мөн алдаа гаргахаас айдаг нь тэднийг сайн удирдагч биш гэдгийг илтгэдэг хэмээн “6 Brutal Truths About Loving A Leo, As Written By One” номонд иш татсан байна.

Нум

MAMIVERSE сайтд “Нумын ордны удирдагчид эрх чөлөө болон философыг эрхэмлэгчид бөгөөд бусад ордын удирдагчдыг бодвол энгийн бөгөөд шударга ёсыг тогтоодгоороо онцлог” хэмээн өгүүлжээ. Хамгийн гол зан чанар нь тэдний өөдрөг үзэл юм. Өөдрөг үзэл нь дайн тулаан болон хүнд хэцүү үед харваачдын ордод төрөгсдийг хамгийн шилдэг удирдагч болгодог аж. Кафе Астрологийн зурхайн мэргэжилтнүүд “Нумын ордныхон богино хугацаанд зөв шийдвэр гаргадаг мөн төрөлхийн дайны стратегийн ухаантай” хэмээн ном товхимолд тэмдэглэсэн байна. Дайны үеийн удирдагчид болох Винстон Чёрчилл, Ёсиф Сталин нар нумын ордод мэндэлсэн нь тус фактыг бататгадаг аж.

ОХУ-ын ерөнхийлөгч Владимер Путин Жинлүүрийн орд

Хойд Солонгосын удирдагч Ким Чен Ун Матрын орд

АНУ-ын ерөнхийлөгч Дональд Трамп Ихэрийн орд

БНХАУ-ын удирдагч Си Зинпин Ихэрийн орд

Манай улсын ерөнхийлөгч Х.Баттулга загасны ордод төрсөн бол өмнөх ерөнхийлөгч Ц.Элбэгдорж хонины ордод мэндэлсэн байна.

Үлэг гүрвэлийн төв музей Олон улсын музейн өдрийг тохиолдуулан “Дэлхийн шим ертөнцийн үүсэл хөгжил” үзэсгэлэнгийн шинэ танхим нээгдлээ. Энэхүү танхим нь шим ертөнцийн үүсэл хөгжлийн түүх, палеонтологийн шинжлэх ухааны боловсрол олгох зорилгын дор архей, протерозой, палеозой, мезозой, кайнозой эрин буюу бидний амьдарч буй эрин хүртэлх эртний амьтан ургамлын сэргээн босгосон үзмэр болон олдворууд багтжээ.

Шинэ танхимын нээлтийн үйл ажиллагаанд Засгийн газрын хэрэгжүүлэгч агентлаг Соёл, урлагийн газрын төлөөлөл оролцсон бөгөөд Үлэг гүрвэлийн төв музейн хамт олны зүгээс талархлын бичгийг гардуулсан юм. 2018 оны байдлаар Үлэг гүрвэлийн төв музей нь гурван танхим 40 гаруй үзмэрүүдийг олон нийтэд дэлгэн үзүүлж байна.

КИНО ТҮГЭЭЛТ БА ЗОХИЦУУЛАЛТ

Уулзалт, хэлэлцүүлэг

Зорилго: Кино бүтээлийг нийтэд түгээгч байгууллага аж ахуйн нэгжийн төлөөлөлд төрийн бодлого, хөтөлбөр, хууль тогтоомжийг танилцуулах, хэрэгжилтийн явцад тэдний үүрэг оролцоог нэмэгдүүлэх, хамтын ажиллагааг бэхжүүлэх

Хамрах хүрээ: Улаанбаатар хотод үйл ажиллагаа явуулж байгаа 6 кино театр, үндэсний болон өргөн нэвтрүүлгийн телевиз, кабелийн болон интернет протоколд суурилсан телевиз / IPTV/

Хаана: Соёл урлагийн газрын хурлын танхимд

Хэзээ: 2018 оны 5-р сарын 25 – нд 09.00 – 17.00 цагийн хооронд

Агуулга:

Үдээс өмнө

• Монгол улсын хөгжлийн үзэл баримтлал 2030
• Төрийн бодлого, хөтөлбөрийн хэрэгжилт ба кино урлаг
• Кино бүтээлийн түгээлтэд хамаарах эрх зүйн зохицуулалт, хэрэгжилт
• Кино үзвэрийн байгууллагын орчин дахь стандарт
• Өрсөлдөөний тухай хуулийн хэрэгжилт

Үдээс хойш

• Кино театрт тулгамдаж буй асуудал, хамтран шийдэх арга зам
• Телевизүүдэд тулгарч буй бэрхшээл хамтран шийдэх арга зам
• IPTV- гийн тулгамдаж буй асуудал, хамтран шийдэх арга зам

Зохион байгуулагч: Соёл урлагийн газар

Хамтран зохион байгуулагч: Үндэсний хөгжлийн газар

Гадаад харилцааны яам

Харилцаа холбооны зохицуулах хороо

Шударга өрсөлдөөн хэрэглэгчийн төлөө газар

Оюуны өмч улсын бүртгэлийн ерөнхий газар

Мэргэжлийн хяналтын ерөнхий газар

Холбогдох хаяг:

Засгийн газрын II байр, НҮБ гудамж, Соёл, урлагийн газар, Дэлгэц медиа урлагийн бодлогын хэрэгжилт хариуцсан мэргэжилтэн Д.Цэнгэл/PhD/. Утас: 264945, цахим хаяг:tsengel@culture.gov.mn, www.culture.gov.mn

“МОНГОЛ КИНОНЫ ӨРСӨЛДӨХ ЧАДВАР”

Кино уран бүтээлчдэд зориулсан сургалт, семинар

Зорилго: Кино уран бүтээлчдийн хууль, эрх зүйн мэдлэгийг нэмэгдүүлэх, төрийн бодлого, хөтөлбөр, хууль тогтоомжийг танилцуулах, хэрэгжилтийн явцад тэдний үүрэг оролцоог нэмэгдүүлэх, хамтын ажиллагааг бэхжүүлэх.

Хамрах хүрээ: Киноны уран бүтээлчид

Хаана: Соёл урлагийн газрын хурлын танхимд

Хэзээ: 2018 оны 5-р сарын 24 – нд 09.00 – 17.00 цагийн хооронд зохион байгуулагдана.

Агуулга:

Үдээс өмнө

• Монгол улсын хөгжлийн үзэл баримтлал 2030
• Кино бүтээлийг дэмжсэн төрийн бодлого, хөтөлбөрт хамрагдах боломж
• Монгол улсын гадаад сурталчилгаа, уран бүтээлчдэд хандсан үйл ажиллагаа
• Кино урлаг, оюуны өмчийн тухай асуудал
• Монгол уран бүтээлийн онцлог ба соёлын өв

• Өрсөлдөөний тухай хууль
• Кино театрт кино гаргах техникийн шаардлага DCP

Үдээс хойш

• Кино зураг авалтад тавигдах дүрсний олон улсын шаардлага
• Кинонд тавигдах дууны шаардлага, бүтцийн онцлог
• Соёлын үйлдвэр хөтөлбөр ба “Кино хотхон байгуулах боломж
• Олон улсын кино наадамд хамрагдах боломж,
• Хүүхдийн шилдэг уран бүтээлийг кино болгох төслийн танилцуулга.

Зохион байгуулагч: Соёл урлагийн газар

Хамтран зохион байгуулагч: Үндэсний хөгжлийн газар

Гадаад харилцааны яам

Оюуны өмч улсын бүртгэлийн ерөнхий газар

Шударга өрсөлдөөн хэрэглэгчийн төлөө газар

Соёлын өвийн үндэсний төв

Холбогдох хаяг:

Засгийн газрын II байр, Соёл, урлагийн газар, Дэлгэц медиа урлагийн бодлогын хэрэгжилт хариуцсан мэргэжилтэн Д.Цэнгэл. Утас: 264945, цахим хаяг: www.culture.gov.mn tsengel@culture.gov.mn

Монголын талын санаачлагаар Дэлхийд эхний тавдугаарт ордог БНСУ-ын Солонгосын Үндэсний музейд зохион байгуулагдаж буй “Монголын: Тал нутгийн нүүдэлчдийн эзэнт гүрэн”үзэсгэлэн өнөөдөр албан ёсоор нээлээ. Үзэсгэлэн 2018 оны 05 сарын 15-наас 2018 оны 07 сарын 17 хүртэл нийтэд дэлгэгдэх юм.

Зохион байгуулагчаар БСШУСЯ, Засгийн газрын хэрэгжүүлэгч агентлаг Соёл, урлагийн газар, ШУА-ийн Түүх, археологийн хүрээлэн, Монголын Үндэсний музей, Богд хааны ордон музей, Солонгосын Үндэсний музей ажиллаж байна.

Үзэсгэлэнд Монголын талаас: БСШУС-ын дэд сайд Г.Ганбаяр, Засгийн газрын хэрэгжүүлэгч агентлаг Соёл, урлагийн газрын дарга Г.Эрдэнэбат, ШУА-ийн Түүх, археологийн хүрээлэнгийн захирал С.Чулуун, Монголын Үндэсний музейн захирал Д.Сүхбаатар, Богд хааны ордон музейн захирал О.Мэндсайхан нар оролцов.

Үзэсгэлэнгийн зорилго:

• Монгол-Солонгосын хамтарсан судалгааны “Мон-Сол” төслийн 20 жилийн ойг тохиолдулан хоёр орны хамтын судалгаа шинжилгээ ололт амжилтыг сурталчилах,
• Дэлхийн түүхийг өөрчилсөн Монголын эзэнт гүрний түүх, соёлыг Солонгосын жирийн иргэдэд таниулан сурталчилах,
• Монгол-Солонгос хоёр орны найрсаг хамтын ажиллагаа, харилцааг дээшлүүлэхэд түлхэц өгөх,
• Монголын соёлыг сурталчилах.

Үзэсгэлэнгийн ач холбогдол:

-Монгол улсын Засгийн газрын 2016-2020 оны үйл ажиллагааны хөтөлбөрийн “Соёл, урлагийн аялал жуулчлал хөгжүүлэх,гадаадад Монголын үндэсний соёл, урлагийг сурталчилах , үйлдвэрлэлийн бүтээгдэхүүн үйлчилгээг бий болгож, Монгол контентийг хөгжүүлэх” заалтыг хэрэгжүүлэх;

– Түүх, соёлын судалгааг инноваци болгох;

– Музейн үзмэрийн орчинг сайжруулахад нэмэр болох;

– Монголын түүх, соёлыг гадаадад сурталчилах зэрэг олон талын ач холбогдолтой.

Монгол нутгаас илэрсэн хуучин чулуун зэвсгийн үеэс эхлэн шинэ чулуун зэвсгийн үеийн чулуун багаж зэвсэг, гоёл чимэглэлийн зүйлс, хүрэл зэвсгийн үеийн олон төрлийн хүрэл эдлэлүүд, төмөр зэвсгийн түрүү үеийн Пазырыкийн булшнаас илэрсэн хувцас хунар, зэр зэвсэг, Хүннүгийн дурсгалаас илэрсэн алт мөнгөн чимэглэл, хүрэл сав суулга, шавар ваар, тэрэгний үлдэгдэл, Түрэгийн Билгэ хааны тахилын онгоны алтан эдлэлүүд, Монголын эзэнт гүрний үед холбогдох Таван толгойн дурсгалаас илэрсэн ширэн гутал, төмөр сэлэм, хуяг, 17-р зууны үед холбогдох Занабазарын байгуулсан Сарьдагийн хийдийн малтлагаас илэрсэн шавар бурхад, XIX-XX зууны эхэн үед холбогдох угсаатны эдлэл хэрэглэл зэрэг 232 иж нийт 550 үзмэр дэлгэгдэж байна.

Мөн Монголын түүх, соёлыг танилцуулсан бичвэр, үзмэрийн өнгөт гэрэл зургийг багтаасан 300-аас доошгүй нүүр бүхий каталоги Монгол, Солонгос хэлээр хэвлэгдсэн.

Мөн үзэсгэлэнгийн үеэр Солонгосын Үндэсний музейд “Монголын соёлын 7 хоног”, Монголын язгуур урлагийн тоглолт зэрэг түүх, соёлыг сурталчилах арга хэмжээг зохион байгуулж байна.

Үзэсгэлэнг сав баглаа, дэглэлт, дизайн, дагалдах каталоги зэрэгтэй нь бүгдийг нь хамт багтаасан цогц бүтээгдэхүүн болгосноор цаашид олон улсад гаргаж Монгол Улсыг сурталчилан таниулах боломжтой юм.