Өнөөдөр Хүүхдийн баярт зориулсан үлгэрийн 500 баатрын парад Төмөр замын дээд сургуулиас “UB palace” хүртэл явах юм байна.

Парад 11 цагт эхлэх бөгөөд жононгууд гоёлын тохом, нүдний хаалт, иж бүрэн тоноглолтой морийг хөтлөн алхах юм байна. Түүнчлэн, гүнж, жононгуудыг цэргийн өмсгөлтэй бөмбөрчид дагалдан алхах аж. Мөн хөгжимтэй парад, бөмбөртэй парад, алиалагчид, үлгэрийн баатрууд. Синдэрэлла, Белл, Покахантос, Лусын дагина, Аврора, Цасангоо ба долоон одой, Элса Анна, Алладин Жасмин, Мулан, Танглед Рапунзэлтэй карнавал парад болох нь ээ.

Хүүхдийн хөтлөгч удирдаач гэх мэт нийт 500 үлгэрийн баатруудын жагсаал “UB Palace”-ын талбайд байрлах талбайтай шидэт үлгэрийн ордныг зорин алхана.

Японы TBS телевизийн “Sasuke Ninja

warrior” шоуг “Монгол Нинжа дайчид” нэртэйгээр МҮОНТ албан ёсны онцгой

эрхтэйгээр тун удахгүй хүргэхээр болжээ.

Энэхүү телевизийн шоуг дэлхийн 20 орон
албан ёсны эрхтэйгээр хийж, өөрсдийн бүтээл болгодог бол МҮОНТ авснаар
Монгол 21 дэх улс болж буй юм. Шоунд оролцогчдыг бүртгэж дууссан учир
тун удахгүй олны хүртээл болох нь.

“SASUKE NINJA WARRIOR” ШОУНЫ ТУХАЙ
“Sasuke ninja warrior” нь барууны ертөнцөд “Дайчин тулаанч Нинжа” гэдэг нэрээр олноо танигдсан нэвтрүүлэг юм.

Сасүке-г “Хүч чадлын тулаан” (“Кинники Банзуке”) гэх спорт цэнгээнт нэвтрүүлгийн нэг хэсэг болгон анхлан нэвтрүүлж байжээ.

Хүч чадлын тулаан нэвтрүүлгийн үзэл

санаа нь “Япончуудыг булчинлаг, хүчирхэг болгох”-д чиглэгдсэн байсан

бөгөөд нэвтрүүлэг олон төрлийн спорт, биеийн хүчний тэмцээн тулаанаас

бүрдэж байсан.

“Сасүкэ” тулаан нь “Хүч чадлын тулаан”
нэвтрүүлгээр олонд танигдаад, сүүлдээ “Сасүкэ дайчин Нинжа” нэртэй
өөрийн гэсэн нэвтрүүлэг болтлоо хөгжсөн байна.

Анхны “Сасүкэ дайчин Нинжа” 1997 онд
эфирээр цацагдсан. Үүнээс хойш “Сасүкэ дайчин Нинжа” нэвтрүүлэг жилд нэг
эсвэл хоёр удаа гаргадаг болжээ.

Нэвтрүүлэг нь 4 үеэс бүрдэнэ.

Нэгдүгээр үе: Энэ үе шатанд хурд, авхаалж самбааг шаарддаг.
Хоёрдугаар үе: Хурд, хүч шаардана.
Гуравдугаар үе: Агаарын үе шат. (саад бартааг агаарт байрлуулсан)
Дөрөвдүгээр үе: Цаг хугацаатай уралдах тэмцээн.

Тэмцээнд оролцогчид олс, шат эсвэл ханаар дамжин дээш өгсөн, заасан цаг хугацаанд багтаан цамхагийн оройд хүрэх ёстой. (зорилго)

“Сасүкэ дайчин Нинжа” нэвтрүүлгийн 4 үе
шат нь 21 саад бэрхшээлээс бүрддэг байна. Оролцогчдыг үе шат бүхэнд
биеийн хүчний төрөл бүрийн ур чадвар, сорилоор сорих бөгөөд ялалтын
шатанд хүрэх гол гогцоо нь бие физилиогийн тэнцвэрт ур чадвар (оюун
сэтгэлийн хат мөн хэрэгтэй) байдаг аж.

BIGBANG хамтлагийн дуучин Сынригийн Жули Берган, Алан Вокер нартай хамтран дуулсан шинэ уран бүтээл болох “Ignite” дууны клип энэ сарын 12-нд цацагдаж эхэллээ.

2017 оноос хойш BIGBANG хамтлаг завсарлага авч, Сынригээс бусад гишүүд болох Тэян, болон хамтлагийн ахлагч G-Dragon цэрэгт явсан юм. Сынри хамтлагаасаа ганцаараа цэрэгт яваагүй ч гэсэн өөрийн уран бүтээлдээ анхаарлаа хандуулж цомгийн ажилдаа шамдан оржээ.

Тэрбээр шинэ цомгийнхоо талаар фэнүүддээ “Миний соло цомог энэ зун гарна. Энэ цомогт багтсан бүх дуу та нарт таалагдана гэж найдаж байна. Би “Havana”-гийн аяыг бичсэн эрхэмтэй болон гадаадын алдартай DJ нартай хамтран ажилласан. Бие даасан тоглолт хийх гэж буйгаа дуулгахад таатай байна. Энэ зуныг надтай хамт гайхалтай өнгөрүүлнэ гэдэгт итгэж байна” гэжээ.

Буриад түмний урлаг, соёлын “Алтаргана-2018” бага наадам өнөөдөр Хэнтий аймгийн Дадал суманд эхэллээ. Энэхүү бага наадам нь долдугаар сарын эхээр ОХУ-ын Буриад улсын Эрхүү хотод болох “Алтаргана-2018” олон улсын наадмын бэлтгэл сорилго юм.

“Алтаргана-2018” бага наадмын хүрээнд буриад ардын дуу дуулаачдын уралдаан, буриад яруу найргийн уралдаан, үлгэрч, ерөөлч, магтаалчдын уралдаан, “Буриадын нэг өдөр” аман зохиолын хамтлагийн уралдаан тус тус болох юм байна. Мөн буриад үндэсний хувцас урлаачид, гар урлалчид ур, ухаанаа өрсөлдүүлэх ажээ.