Category: энтертаймент-ертөнц

Монголын рок попын ертөнцөд өөрийн өнгө төрхийг бүрдүүлсэн дуучин бол “Киви” хамтлагийн ахлагч Д.Уламбаяр буюу Ука. Түүний хамгийн сүүлд гаргасан “Don’t stop” дуу нь Азийн шилдэг хип хоп 50 дууны жагсаалтад багтжээ.

Монголын хип хоп хөгжмийн чартуудыг тэргүүлж байсан энэхүү дууг “Youtube” сувгаар дөрвөн сая 262 мянган удаа үзсэн байна. Залууст хөнгөн хөгжмийн хэмнэлийг мэдрүүлэх энэ бүтээлийг сонссон хүн бүр эрч хүчийг мэдэрнэ хэмээн дуучин бүсгүй онцолсон юм. Шинэ хит дуугаараа нэрлэсэн түүний дөрөв дэх цомгийн баяр энэ сарын 08-09-нд “Crocus Event Hall”-д болно. Тоглолтын тасалбар нь 30 мянган төгрөгийн үнэтэй байх юм.

PLAYTIME 2018 Амьд Хөгжмийн Наадам 7-р сарын 6, 7, 8-ны өдөр Монгол Шилтгээнд зохион байгуулагдана.
17 дахь жилдээ болох уг наадам орчин үеийн хөгжмийн соёлыг дэлгэрүүлэх, залууст амралт чөлөөт цагаа цэвэр агаарт, байгаль орчинд ээлтэй хэлбэрээр өнгөрүүлэх, дэлхийн болон Монголын шинэ, шилдэг амьд хөгжмийн хамтлаг дуучдыг танилцуулах замаар тэдний хөгжмийн боловсролыг дээшлүүлэх зорилготой. 2002 оноос хойш нийт 500 гаруй хамтлаг, дуучин давхардсан тоогоор тус наадамд оролцож уран бүтээлээ хүргэжээ.
Playtime 2018 наадамд дэлхийд алдартай AНУ-ын “Ariel Pink”, Япон улсын “The Fin.”, “Lite”, Монголын домогт “Хөх Тэнгэр”, анхны синт рок “Сөрөг Хүч”, пост панк “The Colors” тэргүүтэй хөгжмийн олон урсгалын танил, шилдэг, шинэ залуу 35 хамтлаг оролцохын зэрэгцээ электроник дэнс хѳгжмийн тайзнаа Италийн techno DJ Claudio PRC, Голландын Albert Van Abbe, Mонголын Biliguudei, TMK тэргүүтэй шилдэг 30 Ди-Жэй цэвэр агаарт 3 хоногийн турш “Playtime”, “Нааглихац”, “La Vie En Rose” гэсэн гурван тайзаар дамжуулан ѳѳрсдийн уран бүтээлээ хүргэх ажээ.

Монголын рок попын амьд домог болсон “Харанга” хамтлаг 30 жилийн ойгоо угтан “Хайрла” нэртэй тоглолтоо үзэгчдэдээ дэлгэхээр зэхэж байна. Тэд зургаадугаар сарын 8, 9-нд “UB Palace”-ын концертын их танхимд 19.00 цагт болох “Хайрла” тоглолтоороо үзэгч, фенүүдтэйгээ уулзахаар болсон. 2019 оны аравдугаар сарын 26-нд тохиох 30 жилийн ойдоо зориулан ийнхүү цуврал тоглолт, шинэ дуунууд, шинэ цомгоо гаргахаар ажиллаж байгаагаа “Харанга” хамтлагийн дуулгалаа. Энэ үдэш зөвхөн “Харанга” хамтлагийн үе үеийн хит дуунууд эгшиглэх нь.

“Харанга” хамтлагийнхан мянга мянган сонсогч, үзэгчдээ баярлуулахаар 30 жилйин ойн арга хэмжээгээ бүтэн жил зургаан сарын хугацаанд зохион байгуулах юм байна.

Түүнчлэн “Харанга”-ынхан 30 жилийн ойдоо зориулсан цуврал тоглолтуудаа Монгол Улсын 21 аймаг болон гадаадад суугаа монголчууддаа хүргэхээр төлөвлөжээ.

“Хайрла” тоглолтын тасалбар 35, 50 мянган төгрөг бөгөөд Ticket.mn сайтаар захиалан авч болох аж.

Энэ зун амралтаараа хаашаа аялахаар төлөвлөж байгаа иргэдэд зориулан өнгөрсөн амралтын өдрүүдээр “ULAANBAATAR TRAVEL EXPO” аялал жуулчлалын үзэсгэлэн Үндэсний цэцэрлэгт хүрээлэнд зохион байгуулагдлаа.

Тус арга хэмжээг нийслэлийн Засаг даргын Ногоон хөгжил, агаарын бохирдлын асуудал хариуцсан орлогч Ж.Батбаясгалан нээж, хүрэлцэн ирсэн олонд мэндчилэн “Аялан жуулчлах цаг агаарын хамгийн таатай байдал бүрдсэн энэ үед энэхүү үзэсгэлэнг зохион байгуулж нийслэлчүүддээ амралт, чөлөөт цагаараа эх орондоо төдийгүй хилийн чанадад хэрхэн, яаж зүй зохистой, зөв төлөвлөлттэй аялах талаарх мэдээллийг нэг дороос өгч байгаагаараа онцлог болж байна” хэмээлээ.

Монгол Улсад хүрэлцэн ирэх жуулчдын тоог тэргүүлдэг манай урд хөрш БНХАУ-ын ӨМӨЗО-ны Аялал жуулчлалын хөгжлийн хорооны Хамтын ажиллагааны газрын орлогч дарга Му Вей болон Эрээн хотын орлогч дарга Ду Дэ Шин тэргүүтэй 50 гаруй төлөөлөгчид үзэсгэлэнгийн үеэр улс орноо, аялал жуулчлалаа сурталчлав.

“Цайны замаар аялахуй” уриан доор зохион байгуулагдсан тус үзэсгэлэнд дараах гадаад дотоодын байгууллагууд оролцлоо:

Арга хэмжээний үеэр аялал жуулчлалын мэргэшсэн багш, судлаачдын илтгэлүүд хэлэлцүүлэгдснээс гадна Улаанбаатар чуулгын авьяаслаг уран бүтээлчид үндэсний урлагийг орчин үеийн хөгжимтэй хослуулсан гайхамшигт тоглолтоо толилууллаа. Мөн спорт сонирхогч залуусын дунд зохион байгуулсан “Ulaanbaatar travel cup” хөл бөмбөгийн тэмцээнд Хороолол баг тэргүүн байрыг эзэлсэн байна гэж нийслэлийн Аялал, жуулчлалын газраас мэдээлэв.

Дэлхийн байгаль хамгаалах өдөр өчигдөр тохиосон юм. Мөн Монгол улс биологийн олон янз байдлын конвенцид нэгдэж орсны 25 жилийн ой болж байгаатай холбогдуулан БОАЖЯ-аас 30 гаруй ажлыг төлөвлөн хэрэгжүүлж байгаа билээ. Тухайлбал “Байгалиа хамгаалъя” сарын аян, “Тогтвортой хот суурин ба ой” сэдэвт хүүхдийн гэрэл зургийн уралдаан, “Говийн бүсийн амьтны аймгийн судалгаа, хамгаалал” эрдэм шинжилгээний бага хурал, “Ургамал оршихуйд-Амьдрал оршихуй” болон “Хүрээлэн байгаа орчны эсрэг гэмт хэргээс урьдчилан сэргийлэхэд хамтын ажиллагааг бэхжүүлэх нь” зэрэг арга хэмжээг зохион байгуулсан. Харин өнөөдөр “Бидний мэдэх мазаалай” сэдэвт фото зургийн үзэсгэлэнг Дэлхийн байгаль хамгаалах өдөрт зориулан нээлээ.

Энэхүү үзэсгэлэнгийн зорилго нь мазаалай амьдрах орчин, идэш тэжээлийг танин мэдэхээс гадна, энэ төрлийн баавгайн зан төрхийг олон нийтэд танин мэдүүлэх, экологийн боловсрол хүмүүжлийг дээшлүүлэхэд оршиж байгаа юм. Мазаалайг мөхөхөөс өмнө түүний амьдрах орчин, нүүдлийн замыг сэргээн тэтгэх, хамгааллын асуудалд сонирхогч олон талын оролцоог хангах зорилгоор зорилт бүхий үйл ажиллагааны төлөвлөгөөг боловсруулан хэрэгжүүлсэн.
Мөн БНХАУ-ын буцалтгүй тусламжаар Мазаалай баавгайн амьдрах орчныг сайжруулах төсөл хэрэгжихээр харилцан бичиг солилцож, гарын үсэг зуржээ.

“The Colors” хамтлагийн “Би тэнгэрлүү унаж байна” шинэ EP цомог бидний гар дээр ирэхэд цөөхөн хоног үлдсэн байна. Тэд зургаан дуунаас бүрдэх EP цомгийнхоо нээлтийг зургаадугаар сарын 27-нд “Sky Resort”-ын задгай талбайд хийхээр товоо зарлалаа. Хамтлагийн хоёр дахь уран бүтээл энэ удаад пянз хэлбэрээр, цөөн тоотой гарч байгаагаараа онцлог болжээ.

Урьд өмнө нь Соёл-Эрдэнэ, Баянмонгол, Өргөө зэрэг Монголын хөгжмийн томоохон төлөөллүүд пянзан дээр дуугаа мөнхөлсөн байдаг бол, 2013 онд Хурд хамтлаг 20 жилийн ойдоо зориулан пянз гаргаж байсан удаатай. Дашрамд дурдахад, пянзнаас гарах аялгуу нь тоон систем дээр бичигдсэн дууг бодвол илүү сүнслэг, бодит мэдрэмжийг төрүүлдэг бол материаллаг чанарын хувьд үнэт зүйлийн шинжтэй байдаг билээ.

Уг цомог дээр хамтлгийнхан гурван жил ажилласан бөгөөд цомогт багтсан дуунуудыг “The Library Records” студид бичүүлж, миксийг хамтлагийн гишүүн Оохоо Номт хийснээс гадна, Нью-Йорк хотын “Sterling Sound” студид мастеринг, харин хэвлэлтийг Герман улсад хийлгэсэн байна.