XVII жарны “Алтан унжлагат” хэмээх гал тахиа жилийн шинийн 14-н өнөөдөр тохиож буй. Уг өдөр Өндөр гэгээн Занабазарын жанч халсан дүйчэн өдөр бөгөөд хүмүүний насны цөв, барцадыг арилгаж, насыг уртасгах, өвчин зовлонгоос ангижруулах үүднээс “Цагаан Дарь-Эх”-ийн Насны авшиг хайрлаж буй.
Тус номын айлдвар нь энэ сарын 11-ний 10:00 цагт Буянт-Ухаа спорт цогцолборт үнэ төлбөргүй болж байна.
Монголын Бурхан Шашинтны Төв Гандантэгчэнлин хийдийн лам хуврагууд, айлчлан золгож буй тахиа жилдээ хотол олноороо биес амгалан, сэтгэл түвшин байхын тухайд жилийн засал ном хурж, буян хишгийн даллага авах юм.