“Буянт-Ухаа 1” орон сууцны хорооллын азтануудад байрных нь түлхүүрийг гардуулах ёслолын ажиллагаа өнөөдөр 11:40 цагт “Буянт-Ухаа 1” хороололд болно.
Засгийн газрын “Шинэ бүтээн байгуулалт” хөтөлбөрийн хүрээнд Төрийн орон сууцны корпорацийн захиалгаар Үндэсний бүтээн байгуулалтын корпораци 1764 айлын “Буянт-Ухаа 1” орон сууцны хорооллыг барьж, ашиглалтад оруулсан юм.
Уг байруудыг зорилтот бүлэг болох төрийн албан хаагч, залуу гэр бүл, ахмад настан, хөгжлийн бэрхшээлтэй иргэдийн төлөөлөл хамгийн хямд үнээр буюу 1 м.кв-ыг нь 1 сая 280 мянган төгрөгөөр бодож, найман хувийн хөнгөлөлттэй зээлээр авах боломжийг олгосон билээ.