Яг одоо Булган, Орхон, Сэлэнгэ чиглэлийн замын нөхцөл байдал хүндэрч, халтиргаа гулгаа их, үзэгдэх орчин хязгаарлагдаж буй учраас Замын цагдаагийн газраас жолооч нарт тус чиглэлд анхаарал болгоомжтой зорчихыг анхааруулж байна.
Орон нутгийн эх сурвалжийн мэдээлж буйгаар, Булган, Орхон, Сэлэнгэ аймгуудын нутгаар цас их хэмжээгээр орж байгаа ажээ. Цаг уур, орчны шинжилгээний газраас ирэх долоо хоногт буюу арваннэгдүгээр сарын 13-ны өдрийг хүртэл ихэнх нутгаар цас орж, цасан шуурга шуурч, хүйтрэхийг анхааруулж байна.