Булган аймгийн Тэшиг сумын төвөөс баруун хойд зүгт 41 км газарт 3.7 магнитудын хүчтэй газар хөдөлсөн байна. Газар хөдлөлт наймдугаар сарын 02-ны өдрийн үүрийн 06:09 цагийн орчимд болжээ. Сумын төвийн иргэдэд газар хөдлөлтийн чичирхийлэл бага зэрэг мэдрэгдсэн байна.
Газар хөдөлсний дараа сумын Засаг даргын Тамгын газар ямар нэгэн хэмжээний хохирол учирсан эсэхийг шалгахаар ажлын хэсэг цаг алдалгүй байгуулжээ. Газар хөдлөлтийн улмаас ямар нэгэн хохирол учраагүй байна.