УОК-ын Нэгдсэн шуурхай штабын дарга, бригадын генерал Б.Ууганбаяр сар шинийн барилдаан эхэлж байгаатай холбогдуулан Монгол бөхийн өргөөнд ажиллаж, нөхцөл байдалтай танилцлаа.
Бөхчүүд болон үзэгчдээс нийт долоон цэгт түргэвчилсэн шинжилгээ авч, Бөхийн өргөө рүү нэвтрүүлж байгаа ажээ.
Халдвар хамгааллын дэглэм сахиулахаар УОК-ын Нэгдсэн шуурхай штаб, Онцгой, Цагдаа, Эрүүл мэнд, Мэргэжлийн хяналтын алба хаагчид хяналт тавьж ажиллаж байгаа юм байна.
Сар шинийн хүчит бөхийн барилдаан өнөөдөр Монгол бөхийн өргөөнд эхэлж, маргааш буюу битүүний өдрийн барилдаан 14:00 цагаас үргэлжлэх юм.
