БНХАУ-д бэлхүүсний бүжгийн Дэлхийн аварга шалгаруулах тэмцээн болж өнгөрлөө. Тус тэмцээнд манай улсаас эх орноо төлөөлөн оролцсон Н.Баярмаа тэргүүн байрт шалгарсан байна. Тодруулбал, дэлхийн 200 орчим бүжигчин оролцсон уг тэмцээний орчин үеийн бүжгийн төрөлд оролцож алтан медаль хүртсэн байна. Мөн уламжлалт бүжгээр шилдэг тавд шалгарчээ.
Түүнчлэн, Н.Баярмаа “Алтанураг хамтлаг” болон ятгачин н.Мөнх-Эрдэнэ нарын тоглосон аялгуунд бүжгээрээ Мандухай цэцэн хатны дүрийг илэрхийлжээ. Тус тэмцээн нь бэлли дэнс бүжгийн дөрвөн төрлөөр болсноос тэрбээр дээрх хоёр төрөлд өрсөлдсөн аж. Бусад гурван төрөлд Тайвань, Герман, Хятадын бүжигчид тэргүүлжээ.