НҮБ-ын Хүүхдийн сан, Говь-Алтай аймгийн Боловсрол, шинжлэх ухааны газрын дэмжлэгтэйгээр Бугат сумын цэцэрлэгийг түшиглэн “Аз жаргал” эцэг эхийн клуб нээлтээ хийлээ.
Эцэг, эх асран хамгаалагч, гэр бүлийн гишүүдэд бага насны хүүхдийн цогц хөгжлийг дэмжихэд чиглэсэн сургалт, сурталчилгаа, мэдээлэл өгөх, сонирхлын бүлгүүд тодорхой чиглэлийн хүрээнд үйл ажиллагаа зохион байгуулах орчин нөхцөл ийнхүү бүрдсэн байна. Түүнчлэн эцэг эх, асран хамгаалагч нарт байнгын нээлттэй үйл ажиллагаа явуулах сумын сургагч багш нар, аймгийн зөвлөх баг, Төслийн удирдах баг болон сумын удирдлага, цэцэрлэгийн хамтын ажиллагааны үр дүнд эцэг эхчүүд, иргэдийн оролцоотой хүүхдийн сайн сайхны төлөө олон ажлыг энэхүү клубийг түшиглэн хийнэ хэмээн аймгийн БШУГ-аас мэдээлэв.
Клубийн нээлтийн үйл ажиллагаанд аймгийн БШУГ-ын холбогдох мэргэжилтэн, СӨБ-ын төлөөллүүд болон Бугат сумын ИТХ-ын дарга Ц.Давааням, Засаг дарга Ч.Дашням нар оролцсон юм.