Big Hit Entertainment нь BTS-ийн түүхийг харуулсан “Blue Sky” буюу “Цэнхэр тэнгэр” нэртэй олон ангит киног гаргах гэж буйгаа мэдээллээ. Хүлээгдэж буй тус киноны ажлын эхний алхмууд хийгдэж, киноны найруулагч, продакшны ажилтнууд уулзалджээ.
“Цэнхэр тэнгэр” кино нь BTS-ийн гишүүдийн амьдралаас урам зориг авах зорилгоор хийгдэж байгаа бөгөөд сургуульд байхаасаа өдрөөс эхлэн хамтлагийг бүрдүүлж, дебют хийж, одоогийн өндөрлөгт хүрсэн хөвгүүдийн аялалыг бүрийг дүрслэн харуулна. Ерөнхий зохиол нь BTS-ийн түүхийг багтаах боловч хамтлагийн гишүүд тус кинонд тоглохгүй юм. Тиймээс дүрийн нэр өөрчлөгдөж, үзэгчид кинонд өгүүлж буй түүхийг гишүүдийн хэн нь болохыг киноны дүрээс үндэслэн таах хэрэгтэй аж.
“Цэнхэр тэнгэр” киноны зураг авалт энэ оны есдүгээр сараас эхлэх төлөвлөгөөтэй байгаа гэнэ. Одоогоор дүрүүдэд зориулсан шалгалтыг бүрэн нууцлалтайгаар хийж байгаа бөгөөд хуваарийн дагуу явбал уг кино 2021 оны эхээр цацагдаж эхлэх төлөвлөгөөтэй байгаа аж.
Б. МӨНХДУЛАМ