Төрийн үйлчилгээг түргэн шуурхай авах боломжийг бүрдүүлдэг ТҮЦ машин хэрэглээнд нэвтрээд багагүй хугацаа өнгөрч байна. ТҮЦ машин үйлчилгээнд нэвтэрснээр давхардсан тоогоор зургаан сая гаруй үйлчилгээг иргэдэд үзүүлээд байна.
“Боловсрол, соёл, шинжлэх ухаан, спортын яам”-тай хамтран иргэдэд төрийн үйлчилгээг улам ойртуулах үүднээс “Бүрэн дунд боловсролын гэрчилгээний лавлагаа” болон “Суурь боловсролын гэрчилгээний лавлагаа” ТҮЦ машинаас авах боломжтой боллоо. Ингэснээр нийслэлийн 77, орон нутагт байрлах 33 ТҮЦ машины хаанаас ч иргэний цахим үнэмлэхээ ашиглан тухайн лавлагааг авах боломж бүрдлээ.