Тайландын нийслэл Бангкок хотод боксын залуучуудын Азийн аварга шалгаруулах тэмцээний эрэгтэйчүүдийн 60 кг-д “Алдар” Спорт хорооны тамирчин О.Тулга тивийн аваргын төлөө тулалдахаар боллоо.
Мөн эмэгтэйчүүдийн 69 кг-д “Топ ринг” клубын тамирчин Н.Ану, 54 кг-д тулалдаж байгаа Эрдэнэт бокс клубын тамирчин Э.Мичидмаа нар аваргын төлөө тулалдах эрхээ авсан байна. Манай эмэгтэй боксчид Ази тивийн залуучуудын АШТ-ээс өмнө нь медаль авч байгаагүй бөгөөд энэ удаа хоёр тамирчин медаль хүртэх нь ийнхүү тодорхой боллоо. Манай тамирчид медалийн өнгөө хувиргах тулаануудаа маргааш хийх юм.
Дашрамд сонирхуулахад, 2018 онд Монгол Улсад Боксын спорт үүсч хөгжсөний түүхт 70 жил, Монгол хүн боксын төрлөөр олимпийн медаль хүртсэний 30 жил /”Сөүл-1988” Н.Энхбат/, Монгол Улс, боксын спортоор олимпийн аваргатай болсны 10 жилийн ой /Бээжин-2008 Э.Бадар-Ууган/ тохиож байгаа юм.