Завхан аймгийн Улиастай сумын Өлзийт багийн нутаг дэвсгэрт өчигдөр буюу энэ сарын 4-ний өдрийн 15:09 цагаас эхлэн аадар бороо орсон байна. Аадрын улмаас үер бууж Богдын голын усан цахилгаан станцын харьяа дизель станцын хаягдал тос маслын тогоо усаар дүүрч Богдын гол руу урсжээ.
Тус мэдээллийг тухайн өдрийн 19:10 цагт хүлээн авсны дагуу тус аймгийн Онцгой байдлын газар болон Цагдаагийн газрын алба хаагчид, Мэргэжлийн хяналтын газар, Хот тохижилтын газар, Алтай-Улиастай эрчим хүчний газар, орон нутгийн иргэд, нийт 40 хүн үерийн усны голдирлыг өөрчилж, бохир усанд автсан гурван айлыг нүүлгэн шилжүүлсэн байна.
