Өчигдөр орой Богд хан уулсын Богны ам гэдэг газар түймэр гарсан байна. Харин нутгийн иргэд, онцгой байдлын газрын аврах гал унтраах албаны хүмүүс шуурхай ажиллаж, түймрийг газар авахаас нь өмнө унтраасан аж.
Ямар учраас түймэр гарсан гэдгийг нь мэргэжлийн байгууллага шалгаж байна. Иймд иргэдэд анхааруулахад хөдөө хээр аялал зугаалгаар явахдаа түлсэн гал, татсан тамхины ишийг бүрэн унтрааж, хориглосон хугацаанд ууланд аялахгүй байхыг албаны хүмүүс сэрэмжлүүллээ.