Бразилийн Рио-де-Жанейро хотноо болох “Рио-2016” зуны XXXI олимпийн наадамд оролцох Монголын шигшээ багийн тамирчдыг үдэх ёслолд “Увертюра” хамтлаг “Бид эх оронтойгоо хамт” дуугаа дуулах гэнэ.
“Бид эх оронтойгоо хамт” тамирчдын сүлд дууны шүлгийг СТА А.Эрдэнэ-Очир бичиж, аялгууг СТА Ц.Эрдэнэбат бичсэн бол хөгжмийн найруулгыг “Анир” студи, видео клипийг “Face” студийн хамт олон бүтээсэн байна.
Мөн уг ёслолын үйл ажиллагаанд Бүх цэргийн дуу, бүжгийн чуулгын уран бүтээлчид оролцож, “Халуун элгэн нутаг” дууг Улсын дуурь, бүжгийн эрдмийн театрын гоцлол дуучин МУГЖ Г.Ариунбаатартай хамтран дуулах ажээ.