Бельгийн нийслэл Брюсселийн “Завентем” нисэх онгоцны буудалд өнөөдөр хоёр дэлбэрэлт болсон тухай BBC агентлаг мэдээллээ. Одоогоор хохирлын хэмжээг тогтоогоогүй байна хэмээн тус улсын Засгийн газраас мэдээлжээ. Мөн хэн ямар зорилгоор халдлага үйлдсэнийг ч илрүүлээгүй байна. Эх сурвалжуудын хэлж буйгаар тус барилгаас одоо ч өтгөн утаа гарч байгаа аж. Одоогийн байдлаар аврах багийнхан 17 хүний цогцсыг олсон бөгөөд шархадаж, бэртсэн хүмүүсч их байгаа аж. Хэргийн газар Белгийн цагдан сэргийлэх байгууллага, түргэн тусламж, онцгой байдлын албаныхан ажиллаж байна.
Уг дэлбэрэлт арваннэгдүгээр сард болсон Парисын халдлагын гол сэжигтнийг барьснаас дөрвөн өдрийн дараа болсон нь олон хүнд хардлага төрүүлж байгаа аж.