Coach брэнд нь тансаг зэрэглэлийн чанартай материал, уран хийцээрээ дэлхийд танигдсан өдөр тутмын хувцас, аксессуарны брэнд юм. 80 жилийн баялаг түүх, өв уламжлалтай уг брэнд нь эрх чөлөөт Америк хэв маягийг шингээсэн, орчин үеийн загвар, чиг хандлагыг тансаг хийцтэй хослуулдгаараа онцлогтой.
1941 онд Майлс Кан эхнэр Лилианы хамт Манхэттен дахь байшингийнхаа дээврийн хөндийд Coach брэндийг эхлүүлж байсан түүхтэй. Анх Manhattan Leather Bags by Lillian and Miles Cahn нэртэйгээр үүсгэн байгуулж байсан бөгөөд бэйсболын бээлийнээс сэдэл авч яг л түүн шиг бат бөх цүнх бүтээхээр шийдсэн байна. Үүний дараагаар уран дархадтай нийлж өнгө үзэмжтэй, өдөр тутамд хэрэглэхэд тохиромжтой арьсан эдлэлийг орчин үеийн хэлбэр загвартай, маш сайн чанарын арьсаар урлахаар зорьсон нь өнөөгийн бидний мэдэх Coach-ийн эхлэл байлаа. Тийм ч учраас одоог хүртэл бүтээгдэхүүнийхээ материал, хийц дээр өндөр стандарт тавин ажилласаар байгаа.
Загварын хувьд үргэлж л шинийг эрэлхийлж, орчин үеийн Нью Йорк хотыг тодорхойлох EFFORTLESS COOL стилиэрээ бусдаас ялгардаг. Харин цаашдаа Coach-ийг их хотын орчин үеийн амьдралын хэв маягт тохирсон цогц брэнд болгохыг эрмэлзэж байгаагаа бүтээлч захирал Стюарт Виверс дурдаж байсан юм. Өдгөө Coach брэнд нь эмэгтэй, эрэгтэй цүнх, гутал, аксессуар, үнэртэн, хувцас, бусад арьсан эдлэлүүд үйлдвэрлэн гаргадаг ба нийт 1000 орчим салбартай дэлхийн хамгийн алдартай брэндүүдийн нэг юм.
