Дуучин бүсгүй 13 сартай ихрүүд болох Роми, Сэр нартайгаа амарч явна. Шоу бизнесийн ертөнцийн хүчирхэг хос Жи Зей, Бейонсе нар дэлхийг тойрсон аялан тоглолтынхоо завсраар ийнхүү түр зур амсхийж үнэтэй дарвуулт завь хөлслөн далайд амарч байна. Ихрүүдээс гадна тэдний 6 настай охин Блю Айви ч аялалд нэгджээ.
Дашрамд сонирхуулахад Жи Зей, Бейонсе нарын On the Run II аялан тоглолтын тасалбар эрэлт ихтэй, худалдаанд гараад ердөө ганцхан цагийн дотор борлуулагдаж дуусч байгаа аж. Үнэнч шүтэн бишрэгчдээ урамшуулахын тулд хүчирхэг хос тэдний дурын тоглолтыг үзэх хос тасалбарын азтан шалгаруулах сугалаа зарлаад байна.
