АНУ-ын Холбооны мөрдөх товчооноос “Бээжин 2022” өвлийн олимпийг зорих тамирчид гар утсаа гэртээ үлдээхийг зөвлөн, уриаллаа.
Холбооны мөрдөх товчооны мэдэгдэлд “Кибер аюулгүй байдлаа хамгаалахын тулд хувийн гар утсаа гэртээ үлдээж олимпын наадмын үер түр зуурын утас ашиглахыг уриалж байна” хэмээв.
Олимпийн үеэр кибер халдлага болно гэсэн баталгаа байхгүй ч Хятадад зочилсон АНУ-ын төрийн албан тушаалтнууд тагнуулын бай болж магадгүй тул кибер аюулгүй байдлаа сайтар хангадаг гэж CNN мэдээллээ.
АНУ-тын дотоод мэдээллийг цуглуулах гэсэн Хятадын оролдлоготой холбоотой 2000 орчим хэргийг шалгаж байгаа гэж Холбооны мөрдөх товчооны захирал Крис Врей хэлсэн байна.
АНУ Бээжингийн өвлийн олимп руу тамирчдаа явуулахаар болсон ч дипломат төлөөлөгчдөө илгээхээс татгалзсан билээ.