Өчигдөр болсон Элсэлтийн ерөнхий шалгалтын монгол хэл, бичгийн шалгалтад Баян-Өлгий аймгийн 63 сурагч оролцож чадаагүй талаар аймгийн Боловсрол, соёл, урлагийн газраас мэдээлж байна.
Элсэлтийн ерөнхий шалгалтад нийтдээ 1302 хүүхэд орохоор бүртгүүлсэн бөгөөд Улаанбаатар болон орон нутгийн цагийн зөрүүг үл ойлгосноос болж хүүхдүүд шалгалт эхлэх хугацаанаас хоцорч иржээ.
Дээрх 63 сурагч ЭЕШ-ын бусад хичээлийн төрлүүдээр шалгалт өгөх боломжтой ч Боловсролын тухай хуулиар монгол хэл, бичгийн шалгалтад заавал орох ёстой юм. Харин дахин шалгалт авах эсэхийг дээд байгууллага шийднэ гэж аймгийн Боловсрол, соёл, урлагийн газраас тайлбарлаж байна.