Агаарын чанарын албанаас гаргасан мэдээгээр өнөөдөр өглөөний 10.00 цагийн байдлаар СХД-ийн Баяхошуу орчимд агаарын бохирдол хамгийн их буюу агаарын чанарын индекс 387 байна. Харин Амгалан бага зэргийн бохирдолтой буюу 135 байгаа юм. Агаарын чанар хэвийн дүүргүүдэд Мишээл экспо, Толгойт, Нисэх орчимд 30-47 үзүүлэлттэй гарчээ.
Агаарын чанарын индекс 501 ба түүнээс дээш байгаа бол маш их бохирдолтой бөгөөд удаан хугацаагаар гадаа байхад нийт хүн амын эрүүл мэндэд сөрөг нөлөөлөл илэрдэг аж.