УИХ-ын гурван байнгын хороо өнөөдөр хуралдах ёстой. Гэвч Хууль зүйн байнгын хорооны хуралдаан 09.00 цагт эхлэх товтой байсан ч одоог хүртэл эхлээгүй байна. Ирц 44.4 хувьтай байна. УИХ-ын гишүүд ирцээ бүртгүүлчихээд танхимаас гарцгаажээ. Тус хуралдаанаар 2019 оны төсөвт тавьсан Ерөнхийлөгчийн хоригийг хэлэлцэх ёстой юм.
Өргөдлийн байнгын хорооны хуралдаан 11.00 цагт товлогдож “Тусгай хамгаалалттай газар нутгийн үндэсний хөтөлбөр”-ийн хэрэгжилтийн талаар БОАЖ-ын сайдын мэдээллийг сонсох байсан ч бас л ирц бүрдээгүйн улмаас эхэлж чадаагүй байна.
Засгийн газрыг огцруулах бичгийг УИХ-д өргөн барьсантай холбоотойгоор УИХ-ын гишүүд энд, тэнд хэсэгчилсэн уулзалт хийж байгаа нь байнгын хорооны ирц бүрдэхгүй байгаатай холбоотой бололтой.