Уламжлалт “Барилга-Экспо” олон улсын үзэсгэлэн яармаг өндөрлөж, шилдгүүдээ шалгарууллаа. Барилгын зөвлөгөө мэдээллийн төв, “Барилга.мн”-ээс найм дахь жилдээ амжилттай зохион байгуулагдаж, үзэсгэлэнд оролцогчдоос 7 төрлийн номинациар шилдгүүдийг тодруулсанаас энэ удаа “Байгальд ээлтэй төсөл, хөтөлбөр хэрэгжүүлэгч байгууллага”-ын өргөмжлөлийг “Цагаан Хуаран Консалтинг” ХХК хүртлээ.
“Цагаан Хуаран Консалтинг” ХХК нь 2012 оноос “Гэр хорооллыг орон сууцны хороолол болгон хөгжүүлэх” хөтөлбөрийн хүрээнд Баянзүрх дүүргийн 14 дүгээр хороололд бүтээн байгуулалтын ажил өрнүүлж буй компани юм. Эхний ээлжийн 2448 айлын “Цагаан хуаран-1” хотхоныхоо 1-р ээлжийг өнгөрсөн оны 10-р сард ашиглалтад хүлээлгэн өгснөөр нийт 432 айл тохилог сууцтай болсон. Дараагийн 432 айлууд ирэх 9-р сард шинэ байрныхаа түлхүүрийг гардана. Баянзүрх дүүргийн 14 дүгээр хороолол гэдэг нь хотын төв цэгээс 3км зайд сургууль, цэцэрлэг болонтөрийн болон нийтийн үйлчилгээний газруудтай ойрхон байрладаг, бидний сайн мэдэх “Нарантуул” захын арын хэсэг юм.
Нийгмийн хариуцлагаа ухамсарласан компаниуд “Гэр хорооллын дахинтөлөвлөлт”-ийн хөтөлбөрт оролцож байгаа огт хоосон газарт бүгдийг шинээр эхлэх нэг хэрэг, гэтэл хэдэн арван жил амьдарсан айлуудыг нүүлгээд буйран дээр нь шинээр хороолол босгоно гэдэг амар биш. Наад зах нь нүүж суух айлуудтай “наймаалцах” гэж том асуудал ундардаг учраас хэл ам ихтэй ажил.
Гэхдээ “Цагаан Хуаран Консалтинг” ХХК нь энэ бүгдээс үл халшран эхний үр дүнгээ үзэжайлуудыг байртай болгоод зогсоогүй хотыг экологийн сүйрлээс аврахад өөрийн хувь нэмрээ оруулж яваа юм. Тэдний дараагийн төсөл хэрэгжүүлэх газар ч Баянзүрх дүүрэгт юм. “Сүнжин гранд” зочид буудлын орчимд 2616 айлын “Цагаан Хуаран-2” орон сууцны хотхоны төслийг хэрэгжүүлэхээр 100 гаруй айлтай хоёр талт гэрээ байгуулан төсөл хэрэгжүүлэгчийн батламжаа аваад байгаа.
Компанийн хэрэгжүүлж байгаа төсөл нь иргэдийн тав тухтай амьдрах орчныг бүрдүүлэх, хөрсний болон агаарын бохирдлыг бууруулах, хүн амын эрүүл, аюулгүй байдлыг хангах, хот төлөвлөлтөнд оролцож хотын өнгө үзэмжийг сайжруулах, хотын экологийн тэнцвэрт байдлыг хангах, иргэдийн худалдан авах чадварт нийцсэн чанартай, хямд орон сууцаар хангах зорилготойгоо нягт уялдаж буй нь хамгийн давуу тал гэдгийг “Барилга-Экспо” олон улсын яармаг үзэсгэлэнгийн үеэр онцолж байсан.
“Цагаан Хуаран” хотхон нь “Улаанбаатар-Орон сууц сан”-гаас урьдчилгаа төлбөрийн дэмжлэг үзүүлэх хөтөлбөрт хамрагдсан. Тиймээс Нийслэлийн Иргэдийн Төлөөлөгчдийн Хурлаас баталсан орон сууцны урьдчилгаа төлбөрийн 50 хувьд буцалтгүй тусламж үзүүлэх журмын дагуу дэмжлэг хүртэх болзол хангасан нийслэлийн харьяа төрийн байгууллагын ажилтнуудад зориулсан мэдээллийг ажлын байран дээр нь очиж танилцуулах үйлчилгээг санаачлан зохион байгуулж байгаа юм. Мөн иргэд ипотекийн 8 хувийн зээлээр “Цагаан Хуаран” хотхоноос байр авах боломжийг ч бүрдүүлсэн байна. Энэ мэтээр иргэддээ болон экологид ээлтэй үйл ажиллагаа явуулж буй “Цагаан Хуаран Консалтинг” ХХК-н хамт олны шагнал нүдээ олжээ гэдгийг батлах зүйл олон.
Н.САРАНГЭРЭЛ