“Багшийн цалин нэмүүлэх түр хороо”-ны Ерөнхий зохицуулагч Ц.Мөнхтуяа мэдээлэл хийлээ. Одоогоор улсын хэмжээнд ажил хаялт 60 хувьтай байна. Сануулах хоёр өдрийн ажил хаялт цаашид хугацаагүй үргэлжилнэ. Засгийн газраас хариу өгөхийг шаардаж байна” гэлээ.
“Багшийн цалин нэмүүлэх түр хороо”-ны Удирдах зөвлөлийн гишүүн багш А.Санжмятав “Үндсэн хуульд хүн бүр сурч боловсрох эрхтэй гэж заасан байдаг. Багшийн нийгмийн баталгааг сулруулснаар энэ эрхээ өнөөдөр эдэлж чадахгүй байна.
Нэг багш 35 хүүхэдтэй ажилладаг гэтэл өнөөдөр 70 хүрсэн байна. Багшийн цалин хангамжийн асуудлаас болж багшийн мэргэжлийн үнэ цэнэ унаж байгаа. Үүнийг эцэг эхчүүд маань ойлгож, төр засаг ирээдүйгээ бодож шийдвэртэй алхам хийгээсэй гэж тэд хүсэж байгаа юм.
Тэд 1.6 сая төгрөгийн цалинг маргааш өг гэж нэхээгүй. Ирэх жилүүдэд үе шаттайгаар нэмж өгөөч гэсэн шаардлага Засгийн газар тавиад байна. Яг одоогийн байдлаар ажил хаялт нийслэлийн ЕБС 43 хувьтай, СӨБ 28 хувьтай. Харин улсын хэмжээнд ЕБС 56 хувь, СӨБ нь 23 хувьтай байна. Нийт 654 сургуулиас 384 нь ажил хаялтад оролцож байна гэсэн мэдээлэл гарсан байгаа. Цаашид энэ тоо өсөх хандлагатай байна.
Энэ бол “Монгол Улсын ирээдүйн хөгжил, үр хүүхдийнхээ сайн сайхны төлөө зохион байгуулагдаж буй ажил гэдгийг эцэг эхчүүд маань ойлгоорой” багш нар хүсэж байна.
С.ОЮУНЖАРГАЛ