Хип хоп холбооны Ерөнхийлөгч Баавар буюу Ш.Батбаяр нарын хэргийг Дүүргийн эрүүгийн хэргийн анхан шатны I шүүхэд өчигдөр(05.27) шүүж тэдэнд ял оноожээ. Ш.Батбаярыг төрийн албан хаагчийн биед халдсан хэрэгт шүүхээс буруутган 1.6 жилийн ял оноосон байна. Мөн түүнтэй хамт шүүгдсэн Д.Манлайжаргал, М.Бадрал нарыг мансууруулах буюу сэтгэцэд нөлөөлөх эм, бэлдмэл, бодисыг борлуулах зорилгогүйгээр хууль бусаар бэлтгэсэн, олж авсан, хадгалсан хэрэгт буруутай болохыг тогтоожээ. Ингээд Д.Манлайжаргалд гурван жилийн хорих ял, М.Бадралыг гурван сар хорих ялаар шийтгэсэн байна.
Энэхүү хар тамхи, мансууруулах бодис хууль бусаар хадгалсан, олж авсан хэрэгт Ш.Батбаярыг буруугүй, зөвхөн төрийн албан хаагч буюу цагдаагийн биед халдсан хэрэгт буруутгагдсан аж.