“Токио-2020” олимпийн наадмын байт харвааны эмэгтэй ганцаарчилсан төрлийн чансаа тогтоох тэмцээн өндөрлөлөө. Монгол Улсаа төлөөлөн оролцсон Б.Урантунгалагийн хувьд 614 оноотой 58-р байранд жагслаа. Тэрбээр энэ сарын 27-нд хасагдах шатны тэмцээнээ эхлүүлнэ.
Өнөөдрийн эмэгтэйчүүдийн чансаа тогтоох тэмцээнд Өмнөд Солонгосын гурван тамирчин болох Ан Сан, Жан Мин Хи, Кан Ча Ён нар тэргүүллээ.
12.00 цагаас Монголын эрэгтэй харваач Б.Отгонболд болон Монголын байт харвааны холимог баг өрсөлдөнө.
“Токио-2020” олимпийн наадмын байт харвааны эмэгтэйчүүдийн ганцаарчилсан төрөл өнөөдөр 08.00 цагт эхэлсэн бөгөөд Монголын байт харвааны тамирчид болох Б.Урантунгалаг, Б.Отгонболд нар цэц мэргэнээ сорьж байна.
Ганцаарчилсан төрлийн чансаа тогтоох тэмцээнд Монголын тамирчин Б.Урантунгалаг 362 оноотой 54 дүгээр байранд жагсч байна. Тэргүүн байранд Өмнөд Солонгосын 20 настай Ан Сан 401 оноотой боллоо.