“Өдрийн сонин”-ы пүрэв гаригийн дугаар уншигч таны гарт очлоо. Тэргүүн нүүрт Үндэсний статистикийн хорооноос 2017 оны эхний улирлын статистик үзүүлэлтүүдийг танилцуулсан тухай мэдээлжээ.
“Таван толгойн дэлбэрэлтэд Батлан хамгаалахын сайд хариуцлага хүлээх үү гэсэн асуултанд хариулсангүй”. Айлын гурван хүүхэд хоолонд хордож, нэг нь амиа алдсан тухай мөн энэ нүүрт мэдээлжээ.
“Баримт, үзэл бодол” нүүрт Б.Цэнддоогийн “Ардын үг”ба Ардын уурын тухай эргэцүүлжээ. Ямар ч байсан манайд “Ажил авах хүн биш” харин “Ажлаа өгөх хүн” тайлан тавьж тооцоогоо бодуулдаг улс төрийн практик бий болж байна. Муу юм яавч биш гэж “Ардын үг” ба ардын уурыг дэнсэлсэн нийтлэлч дүгнэжээ.
“Улс төр” нүүрээс БНХАУ-ын дарга Си Жиньпин өнгөрсөн долоо хоногт АНУ-д хийсэн төрийн айлчлалын үр дагаврын тухай Хүмүүнлэгийн ухааны их сургуулийн тэнхмийн эрхлэгч, доктор Д.Уламбаяртай хийсэн ярилцлагыг хүлээн авна уу. Си Жиньпиний айлчлал шинэ үеийн Хятад, Америкийн харилцааны хөгжлийн хандлагыг тодорхойллоо гэж тэр дүгнэжээ.
“Дэлхийн мэдээ” ОХУ-ын Гадаад хэргийн сайд С.Лавров, АНУ-ын төрийн нарийн бичгийн дарга Р.Тиллерсон нарын уулзалтыг онцолжээ. Венесуэльчүүд Ерөнхийлөгчийнхөө машин руу чулуу нүүлгэсэн гэнэ шүү.
Мартаар хагас нүцгэн эсэргүүцэл илэрхийлсэн эмэгтэйчүүд энэ удаа Сүхбаатарын талбайд оффшорын эсрэг жагссан тухай “Цаг үе, үйл явдал” нүүрээс уншаарай.
“Өөрөөс нь …” нүүрээс Зууны манлай эстрадын дуучин, гавьяат жүжигчин Б.Сарантуяатай хийсэн ярилцлагыг сонирхно уу. “Миний хуучин дуунууд бриллиант болж эхэлж байна” гэж тэр хэлжээ. Тэрбээр бас СУИС-ыг дүүргэлгүй орхисон юм байна. Одоо харин дутуу шалгалтуудаа өгч, дипломоо авахаар хөөцөлдөж байгаа гэнэ. СУИС-ийнхан мэдээж алдартай дуучинд хатуурхахгүй байлгүй дээ.
“Гэргий” нүүрт Морин хуурын чуулгын ёочин хөгжимчин Б.Алтантуулын яриаг хүлээн аваарай. Тэрбээр тус чуулгыг үүсгэн байгуулсан Ц.Батчулуун агсны гэргий. “Морин хуурын чуулгыг ханийнхаа нэрэмжит болгох санал гаргана” гэж тэр ярьжээ.
“Багш” нүүрээс Монголын оюун ухааны академийн багш, дасгалжуулагч, Олон улсын мастер Б.Баасандоржтой хийсэн ярилцлагыг уншаарай. Б.Баасандорж “Ой тогтоолтын энгийн дасгал хийж, стресстэхгүй амьдарвал мартах өвчнөөс салж чадна” гэж зөвлөжээ.
Дэлгэрэнгүй мэдээллүүдийг уншихыг хүсвэл дараах линкээр бүртгүүлж уншина уу. https://admin.dnn.mn/plugins/news/login/
Эдгээр болон бусад цаг үеийн мэдээ мэдээлэл, ярилцлагуудыг “Өдрийн сонин”-ы пүрэв гаригийн дугаараас уншаарай.
Эрхэм уншигч та, манай сонины өнөөдрийн дугаарыг “Монгол шуудан” компанийн нийслэл Улаанбаатар дахь 35 салбар, “Түгээмэл” шуудан, “Улаанбаатар”, “Скай” шуудангийн салбаруудаас очиж авч болох ба сонин борлуулах бүхий л цэгүүд, Хэвлэлийн биржээс худалдан авах боломжтой юм. Мөн “Мөнгөн завъяа” дахь сонин борлуулах цэг, Сансрын үйлчилгээний төв дэх сонин борлуулах цэг, Хан-Уул дүүргийн 19 дүгээр хорооллын үйлчилгээний төвд байрлах сонин борлуулах цэг, Саппорогийн “Миний дэлгүүр” дэх сонин борлуулах гол гол цэгүүдээс худалдах авч болохыг дуулгая. “Өдрийн сонин”-ы өөрийн байранд ирж худалдан авч бас болно.
“Өдрийн сонин”-той холбоотой бүхий л мэдээллийг Мэдээлэх эрхийн утас 19001987-гоос лавлаж болох ба захиалга өгөхийг хүсвэл 9911-2954, 8811-1375 дугаарт холбогдоно уу. Хэрэв цахим хэлбэрээр нь захиалахыг хүсвэл 88071920 дугаарт холбогдож дэлгэрэнгүй мэдээллийг лавлаарай.
“ӨДРИЙН СОНИН” ӨГЛӨӨ БҮХЭН ТАНТАЙ ХАМТ