БСШУЯ-ны Стратеги бодлого, төлөвлөлтийн газрын
дарга Б.Насанбаярыг ТЕГ, АТГ, УМБГ-т шалгуулах хүсэлт гаргахаа иргэн
Э.Цэрэндолгор цахим хуудсандаа бичжээ. Тэрбээр Б.Насанбаярыг шалгуулах болсон
үндэслэлдээ “Солонгос улсаас гаралтай Мүүн буюу Эв Нэглийн сүмийн мөнгийг
Боловсролын Яамаар дамжуулан давталттай угааж буй гэсэн миний хардалтыг шалгаж
Монгол үндэстний оюун санааг төөрөгдүүлэх ажлыг зогсоож өгнө үү хэмээн энэ
хүсэлтийг гаргаж байна.
Б.Насанбаярыг Монгол үндэстэнд аюул дагуулсан дараахь
үйлдлүүдийг шалгаж өгнө үү хэмээн Монгол улсын иргэн Э. Цэрэндолгор миний бие
хүсэлт гаргаж байна. 20 гаруй жилийн өмнөөс гадаадын хориотой гаж урсгалыг
Монгол улсад тухайлбал Эрдэнэт хотод түгээхдээ насанд хүрээгүй хүүхдүүдийн
сэтгэл санааг урвуулан сайхан лекц сонсгон хөлс төлбөргүй буяны нэртэй ажил
хийлгэж Солонгосын Мүүний гэр бүлийн сан хөмрөгийг арвижуулж өөрийн албан
тушаал ахих боломжийг нээсэн. Эрдэнэт хотоос олон тооны Монгол бүсгүйчүүдийг
зургаар ханьтай болгох нэрээр харьд худалдсан. Боловсрол шинэчлэх нэрээр Монголын
Боловсролын бүх шатны нэгжийг задалсан.
Одоо их сургуулиуд хувьчлагдах тухай
хуулийн төсөл явж байна. Үүнийг би их хэмжээний авилгал авсан гэж хардаж байна.
Эрх мэдлээ давуулан ашиглаж Монголын бүх аймаг нэгжийн Боловсролын Газарт
Мүүний гаж урсгалаар тархиа угаалгасан залуу шавь нар нь Б.Насанбаярын шууд
удирлага дор ажиллаж байна. Монголын хамгийн чухал эрдмийг түгээх салбарт
харийн шашны гаж урсгалынхан ажиллаж байна. Гурван цагийн хэлхээс ажиллах ёстой
Боловсролын Салбарыг боловсорч гэгээрч дуусаагүй өөрийн гаж урсгалын залуусаар
өргөтгөн тэлсээр байна.Яагаад Солонгос хүн Монгол хэлний сурах бичиг зохиох
болсон зэрэг асуудлуудын уг үндсээр нь шалгаж Монгол үндэстний эрх ашгийг
хамгаалж өгнө үү” гэх зэргээр дурджээ. Тэрбээр уг хүсэлтээ өнөөдөр дээрх
байгууллагуудад хүргүүлэх аж.