УИХ-ын нөхөн сонгуулийн 28 дугаар тойрог Сонгинохайрхан дүүрэгт Зөв ХҮН электорат эвслээс нэр дэвшигч Б.Найдалаагийн сонгуулийн штабаас МАН-аас нэр дэвшигч Э.Батшугарт хандан халз мэтгэлцээний урилга хүргүүллээ. Мэтгэлцээнийг хэрхэн зохион байгуулах талаар нэр дэвшигчдийн менежерүүд хамтран шийдэх бөгөөд урилгыг хүлээн авна гэдэгт итгэлтэй байна гэжээ.
УИХ-ын 18, 28 дугаар тойрогт явагдах нөхөн сонгууль ирэх ирэх аравдугаар сарын 10-нд болно. Сонгуулийн ерөнхий хороо УИХ-ын сонгуулийн 18 дугаар тойрогт явагдах нөхөн сонгуульд зургаан нэр дэвшигч, 28 дугаар тойрогт явагдах нөхөн сонгуульд 10 нэр дэвшигчийг бүртгэж, нэр дэвшигчийн үнэмлэх олгох тухай тогтоол гаргасан. Энэ дагуу нэр дэвшигчид СЕХ-оос өнөөдөр үнэмлэхээ гардаж авлаа.
СХД-ийн хувьд дараах 10 хүн нэр дэвшиж байгаа.
- МАН-аас Э.Батшугар
- АН-аас Э.Бат-Үүл
- Иргэний Зориг-Ногоон намаас Ш.Гантулга
- Эрх Чөлөөг Хэрэгжүүлэгч намаас Ш.Төмөрсүх
- “Зөв хүн-Электорат” эвслээс Б.Найдалаа
- Үнэн ба Зөв намаас А.Отгонбаатар
- Дэлхийн Монголчууд намаас Л.Цог
- Ард Түмний Олонхийн Засаглал намаас А.Батдорж
- Шударга Иргэдийн Нэгдсэн Эвсэл намаас Ц.Гантулга
- Бие даан нэрээ дэвшүүлэгч Х.Бат-Ялалт
