Японы нийслэлд болж буй жүдо бөхийн ДАШТ-ий эрэгтэйчүүдийн 66, эмэгтэйчүүдийн 52 кг-ын жингийн барилдаан өнөөдөр явагдаж байна.
Эмэгтэйчүүдийн 52 кг-д барилдаж буй Б.Хорлоодой эхний тойрогт Гвиней-Бисаугийн Лима Тасианатай таарсан. Лима нь Африкийн зургаан удаагийн аварга 33 настай хашир, туршлагатай тамирчин билээ.
Гэхдээ тэд хоорондоо өмнө нь таарч барилдаж байгаагүй ч Лима өнгөрсөн тавдугаар сард Бакугийн “Их Дуулга”-д манай улсын тамирчин Л.Сосорбарамд ялагдаж байжээ.
Барилдаан эхлээд хоёр минут өнгөрч байхад Тасиана зүүн хутган, вазари оноо авч улмаар цэвэр ялалт байгуулсан юм.