БШУ-ны яаманд өнөөдөр төсвийн тогтолцоог цахим хэлбэрт шилжүүлэх төслийн нээлт боллоо.
Энэ үеэр Сангийн сайд Б.Жавхлан “Долдугаар сарын 1-нээс бүх халамжийн арга хэмжээ дуусна. Үүн дээр бид эрсдлийн шинжилгээ хийж байна. Долдугаар сарын 1-нээс хойш төсөв яаж явах талаар болоод яаж ажиллах ёстой, ямар дэглэм рүү шилжих ёстойг, тэр тусмаа сүүлийн нэг жил хагасын хугацаанд хийгдсэн халамжийн арга хэмжээ бүгд дуусна.
Хүүхдийн мөнгө 20 мянга болж, мөн тог, дулаан, ус зэргийн төлбөр ч төлөгдөж эхэлнэ.
Торгууль авлагуудаа авч, банкны салбарт уучлал үзүүлж буй зээлийн ангилалын бүх асуудлууд дуусна. Ковидын нөхцөл байдалтай уялдуулан цогцоор нь тооцоолж байна.
Түүнчлэн их, дээд сургуулиудтай холбоотой хавтгайрсан тусламжуудыг хална. Шалгуур үзүүлэлтууд тавьж, шаардлагатай мэргэжлээр суралцаж буй оюутнуудад тэтгэмж олгох чиглэлд ажиллана. Мөн шилдэг 10 их сургуулийг л үүнд хамруулах хэрэгтэй гэж үзэж байна” гэв.