Дэлхийн хамгийн баян хүн болох “Майкрософт” компанийг үндэслэгч Билл Гейтсийн нийт хөрөнгө 90 тэрбум ам.доллар болж түүхэн дээд амжилт тогтоожээ. Энэ талаар өнгөрсөн баасан гаригт “Блүүмберг” агентлаг онцлохдоо тус өдөр тэрбумтны хөрөнгө 680 сая ам.доллараар нэмэгдсэн нь хувьцаанаас олсон ашиг гэв. Энэ нь Хойд Амеркийн хамгийн том төмөр замын сүлжээ болох “Канадын Үндэсний төмөр зам”-ын компани болон “Эколаб” гэсэн хоёр байгууллагын хувьцаа өссөнтэй холбоотой аж. Б.Гейтс сүүлийн 22 жилд дэлхийн хамгийн баян хүнээр 17 удаа шалгараад байна.
О.ӨНӨР