МУИС, Сөүлийн их сургууль хамтран Азийн их сургуулиудын зургадугаар чуулганыг /AUF/ Улаанбаатар хотноо анх удаа зохион байгуулж байна. Энэ жилийн чуулганд 11 орны 15 их сургуулийн төлөөлөгчид оролцож “Аж үйлдвэрийн дөрөвдүгээр хувьсгал дээд боловсролд нөлөөлөх нь” сэдвээр чуулж байгаа юм.
Чуулган нь дэлхийн шинжлэх ухаан, боловсролын тавцанд тогтвортой хөгжлийн үзэл баримтлалын талаар санал солилцох, туршлага судлах, гишүүн сургуулиудын хооронд хамтын ажиллагааг өргөжүүлэх тохиргоог хангах зорилготой юм.
Чуулган Туушин зочид буудал, Соёмбо танхимд 2017 оны 06 дугаар сарын 07 нд 10.00-16.00 цагийн хооронд үргэлжилнэ.