УИХ-ын чуулганы нэгдсэн хуралдаанаар Монгол Улс, Азийн дэд бүтцийн хөрөнгө оруулалтын банк хоорондын Зээлийн хэлэлцээр (Мөчлөг сөрсөн бодлогын арга хэмжээг дэмжих хөтөлбөр)-ийг соёрхон баталлаа.
Хөтөлбөрийн хүрээнд хүүхдийн мөнгөн тэтгэмж, цалингийн дэмжлэг олгох, амьжиргааны түвшин доогуур бүсэд цэцэрлэг барих, эмэгтэйчүүдийн ажиллах хүчний оролцоог нэмэгдүүлэхэд зарцуулах аж.
Манай улсын эдийн засагт үүсээд буй инфляц, төлбөрийн тэнцлийн сөрөг нөлөөллийг бууруулах, эмзэг, ядуу иргэдийн амьдралын чанарыг сайжруулах зорилгоор энэхүү зээлийг авч байгаа. Зээлээр орж ирэх төгрөгийг төсөвт, валютаа Төв банкны валютын нөөц дээрээ аваачиж тушаах зарцуулалттай. Ямар нэг төсөл, арга хэмжээ, бондын эргэн төлөлт огт биш гэдгийг Сангийн сайд Б.Жавхлан хэлж байв.
Энэхүү зээлийн эргэн төлөлтийн хугацаа нь долоон жил, үндсэн төлбөрөөс чөлөөлөгдөх хугацаа нь гурван жил байхаар хуулийн төсөлд тусгажээ.