Узбекистаны Үргэнч хотод болсон хүндийг өргөлтийн өсвөр үе, залуучуудын Ази тивийн аварга шалгаруулах тэмцээнд оролцсон ОУХМ Э.Билэгсайхан хоёр хүрэл медаль хүртсэн байна.
Монголын баг тамирчид шагналт дөрөвдүгээр байрт орж, Аргентин улсад болох залуучуудын олимпийн наадамд оролцох эрхээ авчээ. Аргентинд болох залуучуудын олимпийн наадмын эрх олгох сүүлийн тэмцээнд 25 улсын 328 тамирчин өрсөлдсөн юм. Өнгөрсөн сарын 23-30-нд уг тэмцээнд оролцсон манай баг тамирчид өчигдөр эх орондоо ирлээ. Өсвөр үеийн тивийн АШТ-д 53 кг-д Э.Үелэн-Энх 8 , 63 кг-д Г.Батчимэг 8, 69 кг-д Б.Энэрэл 7, 75 кг-д М.Оюун-Эрдэнэ 5, +75 кг Насандулам зургаадугаар байр тус тус эзэлжээ.
Харин ОУХМ Э.Билэгсайхан хоёр хүрэл медаль хүртсэн бол Ч.Нямзул дөрөв, Б.Анхныбаяр 8 , Б.Тунгалаг нар зургаадугаар байрт тус тус шалгарсан байна. Өнгөрсөн жил Ази тивийн АШТ-ээс манай баг тамирчид зургаан медаль хүртсэн юм.