“Ази дахь геополитикийн өөрчлөлт, хэтийн төлөв ойрын 10 жилд” эрдэм шинжилгээний бага хурал ШУА-ын хурлын танхимд болж байна.
Тус хурлыг ШУА-ийн Олон улсын харилцааны хүрээлэн, ШУТСантай хамтран зохион байгуулж байгаа юм.
Эрдэм шинжилгээний бага хуралд гадаадын долоон орны эрдэмтэн судлаачид оролцож байна. Хурлаар Орос, Монгол, Хятад гурван улсын эдийн засгийн коридор, Ойрхи Дорнод руу чиглэсэн Оросын гадаад бодлого, цэргийн ажиллагаа, Орос Америкын харилцаа, Ази дахь газар нутгийн маргаан, Солонгосын хойгийн аюулгүй байдал сэдвүүдээр илтгэл хэлэлцүүлэв.
