Нийслэлийн ундны усны эх үүсвэр болсон гүний худгийн нэгийг нурааж, барилга барихаар хашаа хатгасан гэх мэдээлэл манай редакцид ирсэн юм. Энэхүү мэдээллийн мөрөөр “Маршал”-ын гүүрний баруунхантай байх “River tower” барилгын өмнө очлоо. “River tower” барилгын урд талд ердөө 100 метрийн зайтай хашаа барьж хаалт хийсэн байв. Дотогш орвол хашаалсан талбайн голд байсан худгийг экскаватор нураагаад дуусч байв. Нураасан суурийг тойроод дөрөв, таван хүн байх бөгөөд худгийн гүнд байрлах техникийн эд ангийг авахаар ажиллаж байгаа нь энэ. Тэд уг худгийг нураахаар хоёр өдөр ажиллажээ. Ажилчдын хувьд “Бид өгсөн чиг үүргийн дагуу л хөлсөө авч ажиллаж байгаа. Энэ худгийг нурааж доторх тоног төхөөрөмжийг нь авахад тав хоног шаардагдана. Тийм хөлсөөр ажиллана гэж л тохиролцсон. Өөр зүйл мэдэхгүй. Ямар ч байсан ашиглагдахаа болиод удсан худаг юм билээ” гэв. Мөн тэд “Ганаа ах биднийг хариуцаж байгаа” гэсэн тайлбарыг өгөв. Худгийн барилгыг бүрэн нураах ажлыг өчигдөр өглөө гүйцэтгэжээ. Худгийн гүнд байрлах тоног төхөөрөмж дээр “1998 онд Япон улсын хөрөнгөөр барив” гэсэн тэмдэглэл цаг минуттайгаа тодоос тод бичээстэй харагдсан. Тэгэхээр актлаад байх хугацаа ч болоогүй юм байж гэсэн бодол зурсхийв. Худгийг цагаан тоосгоор барьжээ. Зарим эх сурвалжийн мэдээлж буйгаар уг худгийг хэдэн жилийн өмнө лацадсан гэх яриа байна. Ашиглах боломжгүй болсон энэхүү худгийг акталж Ус сувгийн удирдах газрын мэдлээс Нийслэлийн өмчийн харилцааны газарт шилжжээ. Тэгвэл одоо уг худгийг тойруулаад “Их Модун” компани хашаа татсан бөгөөд худгийг нураах ажлыг ч тус компанийн ажилчид гүйцэтгэж байгаа юм байна.
Ажилчид хувиараа худаг нураах ажлыг гүйцэтгэж байгаа гэх боловч хашаанд чингэлэг байрлуулж хоол унд хийж нэлээд тухалж олон хоног ажиллах бололтой харагдсан. Мөн чингэлгийн нэг буланд “Их Модун” компанийн логотой барилгын ажил гүйцэтгэх явцад дагаж мөрдөх аюулгүй байдлын талаарх мэдээллийг өлгөсөн самбар байрлуулсан байв. Хашаалсан талбайн хувьд нэг га орчим хэмжээтэй юм.
С.Гансүх: Бид нийслэлийн өмчийг нийслэлийн зөвшөөрлийн дагуу л нурааж байна
Ингээд ажилчдын ярьж буй Ганаа гэх хүнтэй холбогдлоо. Тэрээр “Их Модун” ХХК-ийн инженер С.Гансүх гэдэг хүн юм байна.
-Таныг худаг буулгах ажлыг хариуцаж байгаа гэсэн. Худаг нураах зөвшөөрлийг хэн өгсөн юм бэ?
-Нийслэлийн өмчийн харилцааны газрын албанаас энэхүү худгийг нураалгаж байгаа. Би өчигдөр хотоос гараад дөнгөж хөдөө ирээд байж байна. Одоо дэлгэрэнгүй мэдээлэл өгөх боломжгүй. Саяхан бас хүмүүс бөөн хэл ам хийгээд телевизээс хүртэл хүн ирсэн. Би холбогдох бүх бичиг баримтаа үзүүлсэн.
-Ашиглагдахаа байсан худаг гэх юм. Засаад ч хамаагүй эргэн ашиглах боломж байгаагүй юм уу?
-Энэ хавьд акталсан гурван худаг байдгийн нэг нь энэ худаг. Тэрийг би мэдэхгүй. Ямар ч байсан Нийслэлийн өмчид хамаардаг худаг.
-Хэзээ акталсан юм бол. Танай компани худгийг нурааж энэ газарт ямар нэгэн объект барих гэж байгаа юм уу. Эргэн тойрон дахь газрыг хашаалсан харагдлаа?
-Манайх Нийслэлийн өмчийн харилцааны газрын албаны чиг үүргийн дагуу л худгийг нурааж доторх тоног төхөөрөмжийг нь нийслэлд хүлээлгэж өгөхөөр ажиллаж байна. Тэд цаашид яахыг би мэдэхгүй. Өмнө энэ худгийн хэрэгтэй чухал гэсэн техникийг авч Ус сувгийн удирдах газар хүлээлгэж өгсөн байгаа. 2002 онд акталсан байсан байх аа гэсэн тайлбарыг өгсөн.
Худаг нурааж суурин дээр нь тансаг зэрэглэлийн хаус барихаар төлөвлөжээ
Худаг ч яахав нураалаа гэж бодоход газарт нь хэн санаархаж байна вэ. Оршин суугчдын ярьж буйгаар худгийг нураан зайлуулж тус газарт тансаг зэрэглэлийн хаус барихаар төлөвлөж байгаа гэх. Түүнчлэн оршин суугчид төдийгүй нийслэлийн иргэд нэг ч гэсэн ундны усны эх үүсвэрийг сэргээхийн оронд ийн нурааж үгүй хийж нэг компанийн өмч болгож байгаад бухимдалтай хандаж буйгаа илэрхийлж байв.
“Маршал”-ын гүүрний зүүн талаас Баянзүрхийн гүүр хүртэлх гүний бүх худаг Ус сувгийн удирдах газрын өмч бөгөөд цагдаагийн байгууллагаас цаг минут тутамд тусгай хамгаалалттай байх юм. Албаны эх сурвалжийн ярьснаар бол нийслэлд актлагдсан 11 худаг байснаас нураасаар одоо гурван худаг үлдсэн байна. Үүний нэг нь “Их Модун” компанийн хашаан доторх худаг. Харин өнөөх хоёр нь Маршалын гүүрнээс Цагаан хаалга (хуучнаар) хүрэх зайд байрладаг аж.
Оршин суугч С-ээс зарим зүйлийг тодрууллаа.
-Энэ худгийг хэзээнээс нурааж эхэлсэн бэ?
-Хоёр хоногийн өмнөөс л экскаватортой залуус харагдах болсон. Тэгсэн өнөө (өчигдөр) өглөө бүр сууриар нь нураачихлаа.
-Хашаа хэзээ хатгасан бол, мэдсэн үү?
-Сайн анзаарсангүй. Бас хэд хоногийн өмнө байх. Миний мэдэхээр хоёр, гурван жил энэ худгийн эргэн тойронд хашаа ч үгүй байсан. Тэгсэн нэг өглөө л хашаа босоод учиргүй нураагаад эхлэх юм. Би бүр та нар гүний худгийг нурааж болохгүй гэж очиж хэлсэн. Тэгсэн чинь эгчээ, ажиллахаа байгаад удаж байгаа худаг гэсэн. Миний сонссоноор бол өндөр зэрэглэлийн тансаг хаус барих юм гэнэ лээ. “Их Модун” гээд компани гэсэн. Эзэн нь Цогтсэргэлэн гэсэн байх аа. Ямар эрх мэдэлтэй хүмүүс гэхээрээ бүхэл бүтэн хотын ундны эх үүсвэр рүү халдаж байдаг юм. Холбогдох газрууд нь үүнийг даруй зогсоох хэрэгтэй ш дээ.
“Маршал”-ын гүүрнээс Цагаан хаалга хүртэлх худгуудыг баячуудад зориулж акталсан уу?
Зарим хүмүүс “Маршал”-ын гүүрнээс хуучнаар Цагаан хаалга хүртэлх худгуудыг ашиглагдахгүй, эвдэрсэн, хуучирсан гэх шалтгаанаар акталсан болохыг хэлж байна. Тэгэхээр эвдэрсэн худгуудыг бохирын шугамтай холбогдуулан ашиглах боломжгүй гэж акталсан уу эсвэл усны судал дээр гол дагасан тансаг зэрэглэлийн хаус барихаар хөрөнгө хаяж буй баячуудад зориулж акталсан уу гэдэг нь хэн ч харсан тодорхой байна. Гол дагасан усны судал газар дор байхад гүний ус гарахгүй байна гэж байхгүй. Уг асуудлыг тодруулах гэсэн боловч Нийслэлийн өмчийн харилцааны газрын албаны хариуцсан мэргэжилтэн амралтаа авсан гэх. Ямартай ч уг худгийг Ус сувгийн удирдах газраас “Акталсан учраас манайд ямар ч хамаагүй” гэдгээ мэдэгдсэн. Харин актлах шийдвэрийг Нийслэлийн өмчийн харилцааны газраас гаргадаг байна. Ингэхдээ гүний худгийг ерөөсөө л хуучирсан, ашиглах боломжгүй эсвэл барилга байгууламжийн бүст орсон гэх шалтгаанаар ашиглахыг хориглож Ус сувгийн удирдах газарт үүрэг өгдөг болохыг холбогдох мэргэжилтнүүд хэлж байна. Тэгэхээр Нийслэлийн өмчийн харилцааны газар Ус сувгийн газарт үүрэг өгөх боловч хөшигний цаана газрыг нь хэн нэгэнд дамладаг болохыг ярих хүмүүс ч байна. Нийслэлд дэл сул газрыг нийслэлийн өмч нэрээр хэдэн жил хоосон байдлаар иргэдийн нүдэнд дасгаж байгаад нэг өглөө эрх мэдэлтэй нэг компани нь хашаа босгоод барилга барьчихдаг тод жишээ бол энэ юм.
“Их Модун” компани хэнийх вэ?
2013 оноос хэрэгжиж эхэлсэн “Улсын хөгжил сумаас, сумын хөгжил иргэдээс” гэсэн уриатайгаар “Шинэ сумын төв” төслийг Баянхонгор аймгийн Бууцагаан, Баянлиг суманд хэрэгжүүлсэн билээ. Энэхүү төслийн хүрээнд канад технологиор дээрх суманд сургууль, цэцэрлэгийн барилгууд барьсан. Уг төслийг “Их модун” ХХК гүйцэтгэж байсан аж. Тус компанийн ерөнхий захирал Б.Цогтсэргэлэн.
Тэрээр 1998-2008 оны хооронд БНСУ-ын барилгын компанид хараар ажиллаж байгаад баригдаж эх орондоо ирсэн гэх мэдээлэл байна. Ингээд Монголд ирээд бригад байгуулж барилгын салбарт зүтгэх болж. “Их модун” ХХК байгуулагдаад зургаан жил болж байгаа аж.
Гэрэл зургуудыг Г.ЛХАГВАДОРЖ
БНСУ-д энэ сарын 23-26-ны өдрүүдэд Олимпийн таеквондогийн өсвөрийн ДАШТ болж өнгөрлөө. Тус тэмцээний бага насны ангилалд буюу -47 кг-ын жинд Б.Намуун хүрэл медаль хүртсэн билээ. Түүний гаргасан амжилт нь Монголын таеквондогийн түүхэнд бичигдэж байгаа бөгөөд анх удаа ДАШТ-ээс медаль хүртэж буй тохиолдол болоод байгаа юм. Ингээд Болдбаатарын Намуунтай ярилцлаа.
Ирэх сарын 3-нд БНХАУ-д болох чөлөөлөх дайны 70 жилийн ойд манай улс хэрхэн оролцох талаар Ерөнхийлөгчийн Тамгын газрын дарга П.Цагаанаас тодрууллаа.
“Aurora Films”-ийн найруулагч Б.Чингүүний бүтээл “A Family Portrait” буюу “Гэр бүлийн хөрөг” богино хэмжээний кино “London short film awards” наадмын шилдэг бүтээлийн нэгээр шалгарчээ. Тус наадамд 100 гаруй уран бүтээлчид бүтээлээ ирүүлсэн бөгөөд наадмын шилдэг эмэгтэй гол дүрд Ононгийн дүрд тоглосон У.Цасжин охин нэр дэвшжээ. Шилдэг эмэгтэй гол дүрийн номинацид зургаан хүн нэр дэвшсэнээс хоёр нь охин ажээ. У.Цасжин “Хөгжилтэй гэр бүл” олон ангит инээдмийн кинонд тоглосон бөгөөд гурван жилийн өмнө “Х түц” продакшны “Сэрүүн хасын нууц” драмын жүжигт бяцхан охины дүрийг бүтээж байжээ. Ингээд У.Цасжин охинтой ярилцсанаа хүргэе.
Казахстаны “Рэкетир” киноны хоёрдугаар анги өнгөрсөн баасан гаригт Монголд нээлтээ хийлээ. Нээлт “Өргөө” кино театрт болсон бөгөөд уг киноны нэгдүгээр ангийн гол дүр Русланд тоглосон Мурат Бисенбин, Саянд тоглосон Саят Исембаев нар болон “Сатай фильм”-ийн гүйцэтгэх захирал Анна Чакиртова нар иржээ. “Рэкетир” киноны уран бүтээлчдийг “Тэнгэрийн Модун” ТББ урьж авчирсан бөгөөд цаашид “Сатай фильм”-тэй хамтран ажиллах гэрээнд гарын үсэг зурж албан ёсоор Монгол болон Казахстаны кино контентуудыг хоорондоо солилцохоор болсон аж. Тус киноны нэгдүгээр анги 2007 онд нээлтээ хийж байжээ. Харин “Рэкетир-2” кино ийнхүү Монголд нээлтээ хийлээ. Уг киноны дууг реппер GEE, Desant нар хамтран дуулжээ. Ингээд “Рэкетир” киноны уран бүтээлчид нээлтийн үеэр сэтгүүлчидтэй цөөн хором ярилцсаныг хүргэе.
Оюутан сурагчдын зуны амралт дуусч хэдхэн хоногийн дараа хичээл эхлэх гэж байна. Үүнтэй холбоотойгоор томоохон зах, худалдааны төвүүд хүн ихтэй байна. Энэ жил улс орон эдийн засгийн хямралтай байгаа гэх нэрийдлээр наймаачид хүртэл худалдан авалт муутай байна гэж барааныхаа үнийг нэмэх хандлага ажиглагдаж байгаа. Ингээд “Нарантуул” олон улсын худалдааны төвөөс сурвалжлага бэлтгэлээ. Тус худалдааны төв хөл хөдөлгөөн ихтэй байна. Ялангуяа хөдөө орон нутгаас ирсэн, хичээлийн хэрэглэлээ бэлдэхээр яваа оюутнууд их байлаа.
-Таны хувьд будаа агшаагч тийм чухал зүйл үү?
Чанартай гэхээсээ хямд зүйлийг хайж захыг зорих болсон байна
Мэргэжлийн боксын Залуучуудын дэлхийн аварга Г.Баяртогтохтой ярилцлаа. Тэрээр энэ сарын 23-нд “Буянт-Ухаа” цогцолборт Солонгосын боксчинтой халз тулаан хийхээр болжээ.
Хичээлийн шинэ жилтэй холбоотойгоор жил бүрийн наймдугаар сарын 15-наас их, дээд сургуулиуд ерөнхийдөө хөл ихтэй байдаг. Учир нь ихэнх их, дээд сургуулиуд нэмэлт элсэлт авдагтай холбоотой юм. Ерөнхий боловсролын сургууль төгсөгчид хавар нь ямар нэг их, дээд сургуульд элсч чадаагүй бол нэмэлт элсэлт эхлэх хоногийг хуруу даран тоолж, аль сургуульд ямар ангид элсэхээ аль хэдийнэ төлөвлөчихсөн байдаг. Ингээд элсэлтийн өдөр эхлэв үү, үгүй юу эцэг, эхийгээ дагуулаад л сургуулиудын хаалга татан горьдлого тээсээр явж өгнө. Ялангуяа орон нутгаас ирж буй шинэхэн оюутнууд эцэг, эхээсээ гадна яриа хөөрөөтэй, сургуулийн захиргаанд ажилладаг, эсвэл таньдаг мэддэг хүнээ дагуулж явдаг. Эцэг, эхчүүд ч үр хүүхдээ гайгүй сургууль бараадуулахын тулд байгаа хэдэн төгрөгөө халааслаад явдаг нь үнэн. Ийм л дүр зураг жилийн жилд ажиглагддаг.
Хууль зүйн яамнаас өчигдөр цагдаа жолооч, Цагдаагийн ахлах ахлагч Н.Энхтүвшинг “Цагдаагийн алдар” тэмдгээр, эргүүлийн офицер цагдаагийн ахмад Ш.Гантулгыг “Хүндэт жуух бичиг”-ээр шагнасан юм. Цагдаагийн алба хаагч Н.Энхтүвшинг энэ удаагийн “Өдрийн зочин” буландаа онцоллоо. Түүний болон мэргэжил нэгт Ш.Гантулгын гавьяаг ард түмэн шагшиж байна. Тэд энэ сарын 3-ны орой 21.30 цагийн орчимд жолоочгүй өнхөрч явсан машиныг албаны машинаараа мөргөж зогсоосон билээ. Энэ үйл явдал Чингэлтэй дүүргийн 18 дугаар хороо, Долоон буудлын замаас Чингэлтэй рүү салдаг уулзвар замд гарсан юм. “ММС Canter” маркийн том оврын авто машин жолоочгүйгээр уруудан өмнөх T.Prius маркийн авто машиныг мөргөж цааш өнхөрч явах үед Н.Энхтүвшин албаны машинаараа өмнүүр нь орж зогсоосон байна. Хэрвээ тухайн үед ийм шийдвэр гаргаж арга хэмжээ авч чадаагүй бол цааш хэчнээн хохирол учрах байсныг таашгүй. Тиймээс энэ сайн үйлсийг, тэр сайхан сэтгэлийг иргэд сайшаагаад зогсохгүй салбарын яам нь ийн “Цагдаагийн алдар” тэмдгээр шагнасан байна. Баргийн хүн гаргаад байхгүй эр зоригийг Н.Энхтүвшин гаргасан. Тэрбээр хүнд бэртэж гэмтэх, цаашлаад амь эрсдэж болох байлаа. Гэвч тэрээр өргөсөн тангарагтаа үнэнч байж цагдаагийн алба хаагчид иргэдийнхээ эрүүл мэнд, амгалан тайван байдлын төлөө амь биеэ хайхрахгүй ажиллаж чаддаг гэдгийг тод харууллаа.
“GUYS”
– “Хайрын